১. পচ্চযানুলোমং

হেতুপচ্চযো

৩৫. পীতিসহগতং ধম্মং পটিচ্চ নপীতিসহগতো ধম্মো উপ্পজ্জতি হেতুপচ্চযা. পীতিসহগতং ধম্মং পটিচ্চ নসুখসহগতো ধম্মো উপ্পজ্জতি হেতুপচ্চযা. পীতিসহগতং ধম্মং পটিচ্চ নউপেক্খাসহগতো ধম্মো উপ্পজ্জতি হেতুপচ্চযা. পীতিসহগতং ধম্মং পটিচ্চ নপীতিসহগতো চ নউপেক্খাসহগতো চ ধম্মা উপ্পজ্জন্তি হেতুপচ্চযা. পীতিসহগতং ধম্মং পটিচ্চ নসুখসহগতো চ নউপেক্খাসহগতো চ ধম্মা উপ্পজ্জন্তি হেতুপচ্চযা. পীতিসহগতং ধম্মং পটিচ্চ নপীতিসহগতো চ নসুখসহগতো চ ধম্মা উপ্পজ্জন্তি হেতুপচ্চযা. পীতিসহগতং ধম্মং পটিচ্চ নপীতিসহগতো চ নসুখসহগতো চ নউপেক্খাসহগতো চ ধম্মা উপ্পজ্জন্তি হেতুপচ্চযা. (৭)

সুখসহগতং ধম্মং পটিচ্চ নসুখসহগতো ধম্মো উপ্পজ্জতি হেতুপচ্চযা…পে… সত্ত.

উপেক্খাসহগতং ধম্মং পটিচ্চ নউপেক্খাসহগতো ধম্মো উপ্পজ্জতি হেতুপচ্চযা…পে… সত্ত.

পীতিসহগতঞ্চ সুখসহগতঞ্চ ধম্মং পটিচ্চ নপীতিসহগতো ধম্মো উপ্পজ্জতি হেতুপচ্চযা…পে… সত্ত. (সংখিত্তং.)

হেতুযা অট্ঠৱীস, আৰম্মণে চতুৱীস…পে… অৱিগতে অট্ঠৱীস.

(সহজাতৱাৰম্পি…পে… সম্পযুত্তৱাৰম্পি পঞ্হাৱাৰম্পি সব্বত্থ ৱিত্থাৰেতব্বং).