১-৬. পটিচ্চৱাৰাদি

পচ্চযচতুক্কং

হেতুপচ্চযো

১. কুসলং ধম্মং পটিচ্চ নকুসলো ধম্মো উপ্পজ্জতি হেতুপচ্চযা – কুসলে খন্ধে পটিচ্চ চিত্তসমুট্ঠানং ৰূপং. কুসলং ধম্মং পটিচ্চ নঅকুসলো ধম্মো উপ্পজ্জতি হেতুপচ্চযা – কুসলং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… কুসলং ধম্মং পটিচ্চ নঅব্যাকতো ধম্মো উপ্পজ্জতি হেতুপচ্চযা – কুসলং একং খন্ধং পটিচ্চ তযো খন্ধা…পে… কুসলং ধম্মং পটিচ্চ নঅকুসলো চ নঅব্যাকতো চ ধম্মা উপ্পজ্জন্তি হেতুপচ্চযা – কুসলং একং খন্ধং পটিচ্চ তযো খন্ধা…পে… কুসলং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি হেতুপচ্চযা – কুসলে খন্ধে পটিচ্চ চিত্তসমুট্ঠানং ৰূপং. (৫)

২. অকুসলং ধম্মং পটিচ্চ নঅকুসলো ধম্মো উপ্পজ্জতি হেতুপচ্চযা – অকুসলে খন্ধে পটিচ্চ চিত্তসমুট্ঠানং ৰূপং. অকুসলং ধম্মং পটিচ্চ নকুসলো ধম্মো উপ্পজ্জতি হেতুপচ্চযা – অকুসলং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… অকুসলং ধম্মং পটিচ্চ নঅব্যাকতো ধম্মো উপ্পজ্জতি হেতুপচ্চযা. অকুসলং ধম্মং পটিচ্চ নকুসলো চ নঅব্যাকতো চ ধম্মা উপ্পজ্জন্তি হেতুপচ্চযা. অকুসলং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি হেতুপচ্চযা. (৫)

৩. অব্যাকতং ধম্মং পটিচ্চ নকুসলো ধম্মো উপ্পজ্জতি হেতুপচ্চযা – ৱিপাকাব্যাকতং কিৰিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… পটিসন্ধিক্খণে…পে… একং মহাভূতং পটিচ্চ তযো মহাভূতা…পে… দ্ৱে মহাভূতে পটিচ্চ দ্ৱে মহাভূতা, মহাভূতে পটিচ্চ চিত্তসমুট্ঠানং ৰূপং. অব্যাকতং ধম্মং পটিচ্চ নঅকুসলো ধম্মো উপ্পজ্জতি হেতুপচ্চযা – ৱিপাকাব্যাকতং…পে… পটিসন্ধিক্খণে…পে… মহাভূতং…পে… অব্যাকতং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি হেতুপচ্চযা – ৱিপাকাব্যাকতং কিৰিযাব্যাকতং…পে…. (৩) (সংখিত্তং.)

৪. কুসলঞ্চ অব্যাকতঞ্চ ধম্মং পটিচ্চ নকুসলো ধম্মো উপ্পজ্জতি হেতুপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং ৰূপং. কুসলঞ্চ অব্যাকতঞ্চ ধম্মং পটিচ্চ নঅকুসলো ধম্মো উপ্পজ্জতি হেতুপচ্চযা. কুসলঞ্চ অব্যাকতঞ্চ ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি হেতুপচ্চযা. (৩)

অকুসলঞ্চ অব্যাকতঞ্চ ধম্মং পটিচ্চ নকুসলো ধম্মো উপ্পজ্জতি হেতুপচ্চযা. অকুসলঞ্চ অব্যাকতঞ্চ ধম্মং পটিচ্চ নঅকুসলো ধম্মো উপ্পজ্জতি হেতুপচ্চযা. অকুসলঞ্চ অব্যাকতঞ্চ ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি হেতুপচ্চযা. (৩) (চিত্তসমুট্ঠানৰূপমেৱ এত্থ ৱত্ততি, একূনৱীসতি পঞ্হা কাতব্বা.)

আৰম্মণপচ্চযো

৫. কুসলং ধম্মং পটিচ্চ নঅকুসলো ধম্মো উপ্পজ্জতি আৰম্মণপচ্চযা. কুসলং ধম্মং পটিচ্চ নঅব্যাকতো ধম্মো উপ্পজ্জতি আৰম্মণপচ্চযা. কুসলং ধম্মং পটিচ্চ নঅকুসলো চ নঅব্যাকতো চ ধম্মা উপ্পজ্জন্তি আৰম্মণপচ্চযা. (৩)

অকুসলং ধম্মং পটিচ্চ নকুসলো ধম্মো উপ্পজ্জতি আৰম্মণপচ্চযা. অকুসলং ধম্মং পটিচ্চ নঅব্যাকতো ধম্মো উপ্পজ্জতি আৰম্মণপচ্চযা. অকুসলং ধম্মং পটিচ্চ নকুসলো চ নঅব্যাকতো চ ধম্মা উপ্পজ্জন্তি আৰম্মণপচ্চযা. (৩)

অব্যাকতং ধম্মং পটিচ্চ নকুসলো ধম্মো উপ্পজ্জতি আৰম্মণপচ্চযা. অব্যাকতং ধম্মং পটিচ্চ নঅকুসলো ধম্মো উপ্পজ্জতি আৰম্মণপচ্চযা. অব্যাকতং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি আৰম্মণপচ্চযা. (৩) (সংখিত্তং.)

হেতুযা একূনৱীস, আৰম্মণে নৱ, অধিপতিযা একূনৱীস, অনন্তৰে নৱ, সমনন্তৰে নৱ, সহজাতে একূনৱীস…পে… অৱিগতে একূনৱীস.

পচ্চনীযং

নহেতু-নআৰম্মণপচ্চযা

৬. অকুসলং ধম্মং পটিচ্চ নকুসলো ধম্মো উপ্পজ্জতি নহেতুপচ্চযা. অকুসলং ধম্মং পটিচ্চ নঅব্যাকতো ধম্মো উপ্পজ্জতি নহেতুপচ্চযা. অকুসলং ধম্মং পটিচ্চ নকুসলো চ নঅব্যাকতো চ ধম্মা উপ্পজ্জন্তি নহেতুপচ্চযা. (৩)

অব্যাকতং ধম্মং পটিচ্চ নকুসলো ধম্মো উপ্পজ্জতি নহেতুপচ্চযা. অব্যাকতং ধম্মং পটিচ্চ নঅকুসলো ধম্মো উপ্পজ্জতি নহেতুপচ্চযা. অব্যাকতং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি নহেতুপচ্চযা. (৩)

৭. কুসলং ধম্মং পটিচ্চ নকুসলো ধম্মো উপ্পজ্জতি নআৰম্মণপচ্চযা. কুসলং ধম্মং পটিচ্চ নঅকুসলো ধম্মো উপ্পজ্জতি নআৰম্মণপচ্চযা. কুসলং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি নআৰম্মণপচ্চযা. (৩)

অকুসলং ধম্মং পটিচ্চ নঅকুসলো ধম্মো উপ্পজ্জতি নআৰম্মণপচ্চযা. অকুসলং ধম্মং পটিচ্চ নকুসলো ধম্মো উপ্পজ্জতি নআৰম্মণপচ্চযা. অকুসলং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি নআৰম্মণপচ্চযা. (৩) (সংখিত্তং.)

নহেতুযা ছ, নআৰম্মণে পন্নৰস, নঅধিপতিযা একূনৱীস…পে… নোৱিগতে পন্নৰস.

(পচ্চনীযং ৱিত্থাৰেতব্বং. সহজাতৱাৰম্পি পচ্চযৱাৰম্পি ৱিত্থাৰেতব্বং. পচ্চযৱাৰেপি হেতুযা ছব্বীস, আৰম্মণে অট্ঠাৰস…পে… অৱিগতে ছব্বীস. নিস্সযৱাৰম্পি সংসট্ঠৱাৰম্পি সম্পযুত্তৱাৰম্পি পটিচ্চৱাৰসদিসং.)