১. পচ্চযানুলোমং

হেতুপচ্চযো

৩১. সংকিলিট্ঠসংকিলেসিকং ধম্মং পটিচ্চ নসংকিলিট্ঠসংকিলেসিকো ধম্মো উপ্পজ্জতি হেতুপচ্চযা. সংকিলিট্ঠসংকিলেসিকং ধম্মং পটিচ্চ নঅসংকিলিট্ঠসংকিলেসিকো ধম্মো উপ্পজ্জতি হেতুপচ্চযা. সংকিলিট্ঠসংকিলেসিকং ধম্মং পটিচ্চ নঅসংকিলিট্ঠঅসংকিলেসিকো ধম্মো উপ্পজ্জতি হেতুপচ্চযা. সংকিলিট্ঠসংকিলেসিকং ধম্মং পটিচ্চ নসংকিলিট্ঠসংকিলেসিকো চ নঅসংকিলিট্ঠঅসংকিলেসিকো চ ধম্মা উপ্পজ্জন্তি হেতুপচ্চযা. সংকিলিট্ঠসংকিলেসিকং ধম্মং পটিচ্চ নঅসংকিলিট্ঠসংকিলেসিকো চ নঅসংকিলিট্ঠঅসংকিলেসিকো চ ধম্মা উপ্পজ্জন্তি হেতুপচ্চযা. (৫)

অসংকিলিট্ঠসংকিলেসিকং ধম্মং পটিচ্চ নসংকিলিট্ঠসংকিলেসিকো ধম্মো উপ্পজ্জতি হেতুপচ্চযা. অসংকিলিট্ঠসংকিলেসিকং ধম্মং পটিচ্চ নঅসংকিলিট্ঠঅসংকিলেসিকো ধম্মো উপ্পজ্জতি হেতুপচ্চযা. অসংকিলিট্ঠসংকিলেসিকং ধম্মং পটিচ্চ নসংকিলিট্ঠসংকিলেসিকো চ নঅসংকিলিট্ঠঅসংকিলেসিকো চ ধম্মা উপ্পজ্জন্তি হেতুপচ্চযা. (৩)

অসংকিলিট্ঠঅসংকিলেসিকং ধম্মং পটিচ্চ নঅসংকিলিট্ঠঅসংকিলেসিকো ধম্মো উপ্পজ্জতি হেতুপচ্চযা. অসংকিলিট্ঠঅসংকিলেসিকং ধম্মং পটিচ্চ নসংকিলিট্ঠসংকিলেসিকো ধম্মো উপ্পজ্জতি হেতুপচ্চযা. অসংকিলিট্ঠঅসংকিলেসিকং ধম্মং পটিচ্চ নঅসংকিলিট্ঠসংকিলেসিকো ধম্মো উপ্পজ্জতি হেতুপচ্চযা. অসংকিলিট্ঠঅসংকিলেসিকং ধম্মং পটিচ্চ নসংকিলিট্ঠসংকিলেসিকো চ নঅসংকিলিট্ঠঅসংকিলেসিকো চ ধম্মা উপ্পজ্জন্তি হেতুপচ্চযা. অসংকিলিট্ঠঅসংকিলেসিকং ধম্মং পটিচ্চ নসংকিলিট্ঠসংকিলেসিকো চ নঅসংকিলিট্ঠসংকিলেসিকো চ ধম্মা উপ্পজ্জন্তি হেতুপচ্চযা. (৫)

অসংকিলিট্ঠসংকিলেসিকঞ্চ অসংকিলিট্ঠঅসংকিলেসিকঞ্চ ধম্মং পটিচ্চ নসংকিলিট্ঠসংকিলেসিকো ধম্মো উপ্পজ্জতি হেতুপচ্চযা… তীণি.

সংকিলিট্ঠসংকিলেসিকঞ্চ অসংকিলিট্ঠসংকিলেসিকঞ্চ ধম্মং পটিচ্চ নসংকিলিট্ঠসংকিলেসিকো ধম্মো উপ্পজ্জতি হেতুপচ্চযা…পে… তীণি. (সংখিত্তং.)

হেতুযা একূনৱীস, আৰম্মণে নৱ…পে… অৱিগতে একূনৱীস. (সহজাতৱাৰম্পি পচ্চযৱাৰম্পি নিস্সযৱাৰম্পি সংসট্ঠৱাৰম্পি সম্পযুত্তৱাৰম্পি ৱিত্থাৰেতব্বং. পঞ্হাৱাৰে ন সদিসং.)

৩২. হেতুযা তেৰস, আৰম্মণে পন্নৰস, অধিপতিযা পন্নৰস, অনন্তৰে সোড়স…পে… পুৰেজাতে ছ, পচ্ছাজাতে নৱ, আসেৱনে অট্ঠ, কম্মে তেৰস, ৱিপাকে অট্ঠ, আহাৰে তেৰস…পে… মগ্গে তেৰস, ৱিপ্পযুত্তে দ্ৱাদস…পে… অৱিগতে ছব্বীস.