১-২. কুসলত্তিক-ৱিপাকত্তিকং

৯. নকুসলং নৱিপাকং ধম্মং পটিচ্চ নকুসলো নৱিপাকো ধম্মো উপ্পজ্জতি হেতুপচ্চযা. নকুসলং নৱিপাকং ধম্মং পটিচ্চ নঅকুসলো নৱিপাকো ধম্মো উপ্পজ্জতি হেতুপচ্চযা. নকুসলং নৱিপাকং ধম্মং পটিচ্চ নঅব্যাকতো নৱিপাকো ধম্মো উপ্পজ্জতি হেতুপচ্চযা. নকুসলং নৱিপাকং ধম্মং পটিচ্চ নকুসলো নৱিপাকো চ নঅব্যাকতো নৱিপাকো চ ধম্মা উপ্পজ্জন্তি হেতুপচ্চযা. নকুসলং নৱিপাকং ধম্মং পটিচ্চ নকুসলো নৱিপাকো চ নঅকুসলো নৱিপাকো চ ধম্মা উপ্পজ্জন্তি হেতুপচ্চযা. (৫)

নঅকুসলং নৱিপাকং ধম্মং পটিচ্চ নঅকুসলো নৱিপাকো ধম্মো উপ্পজ্জতি হেতুপচ্চযা… পঞ্চ.

নঅব্যাকতং নৱিপাকং ধম্মং পটিচ্চ নঅব্যাকতো নৱিপাকো ধম্মো উপ্পজ্জতি হেতুপচ্চযা… ছ.

নকুসলং নৱিপাকঞ্চ নঅব্যাকতং নৱিপাকঞ্চ ধম্মং পটিচ্চ নকুসলো নৱিপাকো ধম্মো উপ্পজ্জতি হেতুপচ্চযা… পঞ্চ.

নঅকুসলং নৱিপাকঞ্চ নঅব্যাকতং নৱিপাকঞ্চ ধম্মং পটিচ্চ নকুসলো নৱিপাকো ধম্মো উপ্পজ্জতি হেতুপচ্চযা… পঞ্চ.

নকুসলং নৱিপাকঞ্চ নঅকুসলং নৱিপাকঞ্চ ধম্মং পটিচ্চ নকুসলো নৱিপাকো ধম্মো উপ্পজ্জতি হেতুপচ্চযা… তীণি. (সংখিত্তং.)

হেতুযা একূনতিংস…পে… অৱিগতে একূনতিংস. (সব্বত্থ ৱিত্থাৰো.)

১০. নকুসলং নৱিপাকধম্মধম্মং পটিচ্চ নকুসলো নৱিপাকধম্মধম্মো উপ্পজ্জতি হেতুপচ্চযা. নকুসলং নৱিপাকধম্মধম্মং পটিচ্চ নঅকুসলো নৱিপাকধম্মধম্মো উপ্পজ্জতি হেতুপচ্চযা. নকুসলং নৱিপাকধম্মধম্মং পটিচ্চ নকুসলো নৱিপাকধম্মধম্মো চ নঅকুসলো নৱিপাকধম্মধম্মো চ ধম্মা উপ্পজ্জন্তি হেতুপচ্চযা. (৩)

নঅকুসলং নৱিপাকধম্মধম্মং পটিচ্চ নঅকুসলো নৱিপাকধম্মধম্মো উপ্পজ্জতি হেতুপচ্চযা. নঅকুসলং নৱিপাকধম্মধম্মং পটিচ্চ নকুসলো নৱিপাকধম্মধম্মো উপ্পজ্জতি হেতুপচ্চযা. নঅকুসলং নৱিপাকধম্মধম্মং পটিচ্চ নকুসলো নৱিপাকধম্মধম্মো চ নঅকুসলো নৱিপাকধম্মধম্মো চ ধম্মা উপ্পজ্জন্তি হেতুপচ্চযা. (৩)

নকুসলং নৱিপাকধম্মধম্মঞ্চ নঅকুসলং নৱিপাকধম্মধম্মঞ্চ ধম্মং পটিচ্চ নকুসলো নৱিপাকধম্মধম্মো উপ্পজ্জতি হেতুপচ্চযা. নকুসলং নৱিপাকধম্মধম্মঞ্চ নঅকুসলং নৱিপাকধম্মধম্মঞ্চ ধম্মং পটিচ্চ নঅকুসলো নৱিপাকধম্মধম্মো উপ্পজ্জতি হেতুপচ্চযা. নকুসলং নৱিপাকধম্মধম্মঞ্চ নঅকুসলং নৱিপাকধম্মধম্মঞ্চ ধম্মং পটিচ্চ নকুসলো নৱিপাকধম্মধম্মো চ নঅকুসলো নৱিপাকধম্মধম্মো চ ধম্মা উপ্পজ্জন্তি হেতুপচ্চযা. (৩) (সংখিত্তং).

হেতুযা নৱ…পে… অৱিগতে নৱ. (সব্বত্থ নৱ.)

১১. নকুসলং ননেৱৱিপাকনৱিপাকধম্মধম্মং পটিচ্চ নকুসলো ননেৱৱিপাকনৱিপাকধম্মধম্মো উপ্পজ্জতি হেতুপচ্চযা.