১-১. হেতুদুক-সহেতুকদুকং

১. নহেতুং নসহেতুকং ধম্মং পটিচ্চ হেতু সহেতুকো ধম্মো উপ্পজ্জতি হেতুপচ্চযা. নহেতুং নসহেতুকং ধম্মং পটিচ্চ নহেতু সহেতুকো ধম্মো উপ্পজ্জতি হেতুপচ্চযা. নহেতুং নসহেতুকং ধম্মং পটিচ্চ হেতু সহেতুকো চ নহেতু সহেতুকো চ ধম্মা উপ্পজ্জন্তি হেতুপচ্চযা. তীণি.

ননহেতুং নসহেতুকং ধম্মং পটিচ্চ নহেতু সহেতুকো ধম্মো উপ্পজ্জতি হেতুপচ্চযা. একং.

হেতুযা চত্তাৰি, আৰম্মণে চত্তাৰি…পে… অৱিগতে চত্তাৰি.

২. ননহেতু নঅহেতুকো ধম্মো নহেতুস্স অহেতুকস্স ধম্মস্স হেতুপচ্চযেন পচ্চযো.

হেতুযা একং, আৰম্মণে ছ…পে… অৱিগতে পঞ্চ. (পঞ্হাৱাৰং ৱিত্থাৰেতব্বং.)

৩. নহেতুং নঅহেতুকং ধম্মং পটিচ্চ নহেতু অহেতুকো ধম্মো উপ্পজ্জতি হেতুপচ্চযা. একং.

ননহেতুং নঅহেতুকং ধম্মং পটিচ্চ নহেতু অহেতুকো ধম্মো উপ্পজ্জতি হেতুপচ্চযা. একং.

নহেতুং নঅহেতুকঞ্চ ননহেতুং নঅহেতুকঞ্চ ধম্মং পটিচ্চ নহেতু অহেতুকো ধম্মো উপ্পজ্জতি হেতুপচ্চযা. একং. হেতুযা তীণি.