১-৪-৬. কুসলত্তিক-হেতুসহেতুকাদিদুকানি

৬. নকুসলং নহেতুঞ্চেৱ নঅহেতুকঞ্চ ধম্মং পটিচ্চ অকুসলো হেতু চেৱ সহেতুকো চ ধম্মো উপ্পজ্জতি হেতুপচ্চযা. নকুসলং নহেতুঞ্চেৱ নঅহেতুকঞ্চ ধম্মং পটিচ্চ অব্যাকতো হেতু চেৱ সহেতুকো চ ধম্মো উপ্পজ্জতি হেতুপচ্চযা. দ্ৱে.

(নঅকুসলে দ্ৱে, নঅব্যাকতে দ্ৱে. পঠমং গণিতকেন একং, দুতিযং গণিতকেন একং, ততিযং গণিতকেন একং, সব্বত্থ নৱ পঞ্হা.)

নকুসলং নঅহেতুকঞ্চেৱ ন চ হেতুং ধম্মং পটিচ্চ অকুসলো সহেতুকো চেৱ ন চ হেতু ধম্মো উপ্পজ্জতি হেতুপচ্চযা… হেতুযা নৱ.

৭. নকুসলং নহেতুঞ্চেৱ নহেতুৱিপ্পযুত্তঞ্চ ধম্মং পটিচ্চ অকুসলো হেতু চেৱ হেতুসম্পযুত্তো চ ধম্মো উপ্পজ্জতি হেতুপচ্চযা… হেতুযা নৱ.

নকুসলং নহেতুৱিপ্পযুত্তঞ্চেৱ ননহেতুঞ্চ ধম্মং পটিচ্চ অকুসলো হেতুসম্পযুত্তো চেৱ ন চ হেতু ধম্মো উপ্পজ্জতি হেতুপচ্চযা… হেতুযা নৱ.

৮. নকুসলং নহেতুং নসহেতুকং ধম্মং পটিচ্চ অব্যাকতো নহেতু সহেতুকো ধম্মো উপ্পজ্জতি হেতুপচ্চযা… হেতুযা তীণি.

৯. নকুসলং নহেতুং নঅহেতুকং ধম্মং পটিচ্চ অকুসলো নহেতু অহেতুকো ধম্মো উপ্পজ্জতি হেতুপচ্চযা. (১)

নঅকুসলং নহেতুং নঅহেতুকং ধম্মং পটিচ্চ অব্যাকতো নহেতু অহেতুকো ধম্মো উপ্পজ্জতি হেতুপচ্চযা. (১)

নঅব্যাকতং নহেতুং নঅহেতুকং ধম্মং পটিচ্চ অব্যাকতো নহেতু অহেতুকো ধম্মো উপ্পজ্জতি হেতুপচ্চযা. (১) (গণিতকেন তীণি পঞ্হা.)… হেতুযা ছ.