৭-১৩-১. চূড়ন্তৰদুকানি-কুসলত্তিকং

১০. নঅপ্পচ্চযং নকুসলং ধম্মং পচ্চযা সপ্পচ্চযো কুসলো ধম্মো উপ্পজ্জতি হেতুপচ্চযা. হেতুযা একং.

নঅপ্পচ্চযং নঅকুসলং ধম্মং পচ্চযা সপ্পচ্চযো অকুসলো ধম্মো উপ্পজ্জতি হেতুপচ্চযা. হেতুযা একং.

নঅপ্পচ্চযং নঅব্যাকতং ধম্মং পটিচ্চ সপ্পচ্চযো অব্যাকতো ধম্মো উপ্পজ্জতি হেতুপচ্চযা. হেতুযা একং.

১১. নঅসঙ্খতং…পে… (সপ্পচ্চযদুকসদিসং).

১২. নসনিদস্সনং নকুসলং ধম্মং পচ্চযা অনিদস্সনো কুসলো ধম্মো উপ্পজ্জতি হেতুপচ্চযা. হেতুযা একং.

নসনিদস্সনং নঅকুসলং ধম্মং পচ্চযা অনিদস্সনো অকুসলো ধম্মো উপ্পজ্জতি হেতুপচ্চযা. হেতুযা একং.

নসনিদস্সনং নঅব্যাকতং ধম্মং পটিচ্চ সনিদস্সনো অব্যাকতো ধম্মো উপ্পজ্জতি হেতুপচ্চযা. নসনিদস্সনং নঅব্যাকতং ধম্মং পটিচ্চ অনিদস্সনো অব্যাকতো ধম্মো উপ্পজ্জতি হেতুপচ্চযা. নসনিদস্সনং নঅব্যাকতং ধম্মং পটিচ্চ সনিদস্সনো অব্যাকতো চ অনিদস্সনো অব্যাকতো চ ধম্মা উপ্পজ্জন্তি হেতুপচ্চযা. (৩) …হেতুযা তীণি.

১৩. নসপ্পটিঘং নকুসলং ধম্মং পচ্চযা অপ্পটিঘো কুসলো ধম্মো উপ্পজ্জতি হেতুপচ্চযা.

১৪. নঅৰূপিং নকুসলং ধম্মং পচ্চযা অৰূপী কুসলো ধম্মো উপ্পজ্জতি হেতুপচ্চযা. হেতুযা একং.

নঅৰূপিং নঅকুসলং ধম্মং পচ্চযা অৰূপী অকুসলো ধম্মো উপ্পজ্জতি হেতুপচ্চযা. হেতুযা একং.

নৰূপিং নঅব্যাকতং ধম্মং পটিচ্চ ৰূপী অব্যাকতো ধম্মো উপ্পজ্জতি হেতুপচ্চযা. হেতুযা একং.

১৫. নলোকুত্তৰং নকুসলং ধম্মং পচ্চযা লোকিযো কুসলো ধম্মো উপ্পজ্জতি হেতুপচ্চযা. নলোকুত্তৰং নকুসলং ধম্মং পচ্চযা লোকুত্তৰো কুসলো ধম্মো উপ্পজ্জতি হেতুপচ্চযা. হেতুযা দ্ৱে.

নলোকুত্তৰং নঅকুসলং ধম্মং পচ্চযা লোকিযো অকুসলো ধম্মো উপ্পজ্জতি হেতুপচ্চযা. হেতুযা একং.

নলোকিযং নঅব্যাকতং ধম্মং পটিচ্চ লোকিযো অব্যাকতো ধম্মো উপ্পজ্জতি হেতুপচ্চযা. নলোকুত্তৰং নঅব্যাকতং ধম্মং পটিচ্চ লোকিযো অব্যাকতো ধম্মো উপ্পজ্জতি হেতুপচ্চযা. হেতুযা দ্ৱে.

১৬. নকেনচি ৱিঞ্ঞেয্যং নকুসলং ধম্মং পচ্চযা কেনচি ৱিঞ্ঞেয্যো কুসলো ধম্মো উপ্পজ্জতি হেতুপচ্চযা… তীণি.

নকেনচি নৱিঞ্ঞেয্যং নকুসলং ধম্মং পচ্চযা কেনচি নৱিঞ্ঞেয্যো কুসলো ধম্মো উপ্পজ্জতি হেতুপচ্চযা… তীণি.

নকেনচি ৱিঞ্ঞেয্যং নকুসলঞ্চ নকেনচি নৱিঞ্ঞেয্যং নকুসলঞ্চ ধম্মং পচ্চযা কেনচি ৱিঞ্ঞেয্যো কুসলো ধম্মো উপ্পজ্জতি হেতুপচ্চযা… তীণি. (সব্বত্থ নৱ.)

নকেনচি ৱিঞ্ঞেয্যং নঅকুসলং ধম্মং পচ্চযা কেনচি ৱিঞ্ঞেয্যো অকুসলো ধম্মো উপ্পজ্জতি হেতুপচ্চযা. নকেনচি নৱিঞ্ঞেয্যং নঅকুসলং ধম্মং পচ্চযা কেনচি নৱিঞ্ঞেয্যো অকুসলো ধম্মো উপ্পজ্জতি হেতুপচ্চযা… হেতুযা নৱ.

নকেনচি ৱিঞ্ঞেয্যং নঅব্যাকতং ধম্মং পটিচ্চ কেনচি ৱিঞ্ঞেয্যো অব্যাকতো ধম্মো উপ্পজ্জতি হেতুপচ্চযা… হেতুযা নৱ.