২-৪-১. সহেতুকাদিদুকানি-কুসলত্তিকং

৩. নসহেতুকং নকুসলং ধম্মং পচ্চযা সহেতুকো কুসলো ধম্মো উপ্পজ্জতি হেতুপচ্চযা. হেতুযা একং.

নসহেতুকং নঅকুসলং ধম্মং পচ্চযা সহেতুকো অকুসলো ধম্মো উপ্পজ্জতি হেতুপচ্চযা. হেতুযা একং.

৪. নসহেতুকং নঅব্যাকতং ধম্মং পটিচ্চ অহেতুকো অব্যাকতো ধম্মো উপ্পজ্জতি হেতুপচ্চযা. নঅহেতুকং নঅব্যাকতং ধম্মং পটিচ্চ অহেতুকো অব্যাকতো ধম্মো উপ্পজ্জতি হেতুপচ্চযা. নসহেতুকং নঅব্যাকতঞ্চ নঅহেতুকং নঅব্যাকতঞ্চ ধম্মং পটিচ্চ অহেতুকো অব্যাকতো ধম্মো উপ্পজ্জতি হেতুপচ্চযা… হেতুযা তীণি.

৫. নহেতুসম্পযুত্তং নকুসলং ধম্মং পচ্চযা….

৬. নহেতু চেৱ নঅহেতুকো চ নকুসলো ধম্মো হেতুস্স চেৱ সহেতুকস্স চ কুসলস্স ধম্মস্স আৰম্মণপচ্চযেন পচ্চযো. নহেতু চেৱ নঅহেতুকো চ নকুসলো ধম্মো সহেতুকস্স চেৱ ন চ হেতুস্স কুসলস্স ধম্মস্স আৰম্মণপচ্চযেন পচ্চযো. নহেতু চেৱ নঅহেতুকো চ নকুসলো ধম্মো হেতুস্স চেৱ সহেতুকস্স কুসলস্স চ সহেতুকস্স চেৱ ন চ হেতুস্স কুসলস্স চ ধম্মস্স আৰম্মণপচ্চযেন পচ্চযো. তীণি.

নঅহেতুকো চেৱ নন চ হেতু নকুসলো ধম্মো হেতুস্স চেৱ সহেতুকস্স চ কুসলস্স ধম্মস্স আৰম্মণপচ্চযেন পচ্চযো… তীণি.

নহেতু চেৱ নঅহেতুকো নকুসলো চ নঅহেতুকো চেৱ ননহেতু নকুসলো চ ধম্মা হেতুস্স চেৱ সহেতুকস্স চ কুসলস্স ধম্মস্স আৰম্মণপচ্চযেন পচ্চযো… তীণি. (সব্বত্থ নৱ পঞ্হা.)

৭. নহেতু চেৱ নঅহেতুকো চ নঅকুসলো ধম্মো হেতুস্স চেৱ সহেতুকস্স চ অকুসলস্স ধম্মস্স আৰম্মণপচ্চযেন পচ্চযো (সংখিত্তং, নৱ পঞ্হা).

নহেতু চেৱ নঅহেতুকো চ নঅব্যাকতো ধম্মো হেতুস্স চেৱ সহেতুকস্স চ অব্যাকতস্স ধম্মস্স আৰম্মণপচ্চযেন পচ্চযো… তীণি. (নৱ পঞ্হা.)