৮৩-১০০-১. পিট্ঠিদুকানি-কুসলত্তিকং

৪৪. নদস্সনেন পহাতব্বং নকুসলং ধম্মং পচ্চযা নদস্সনেন পহাতব্বো কুসলো ধম্মো উপ্পজ্জতি হেতুপচ্চযা. হেতুযা একং.

নদস্সনেন পহাতব্বং নঅকুসলং ধম্মং পচ্চযা দস্সনেন পহাতব্বো অকুসলো ধম্মো উপ্পজ্জতি হেতুপচ্চযা. নদস্সনেন পহাতব্বং নঅকুসলং ধম্মং পচ্চযা নদস্সনেন পহাতব্বো অকুসলো ধম্মো উপ্পজ্জতি হেতুপচ্চযা. হেতুযা দ্ৱে.

নদস্সনেন পহাতব্বং নঅব্যাকতং ধম্মং পটিচ্চ নদস্সনেন পহাতব্বো অব্যাকতো ধম্মো উপ্পজ্জতি হেতুপচ্চযা. ননদস্সনেন পহাতব্বং নঅব্যাকতং ধম্মং পটিচ্চ নদস্সনেন পহাতব্বো অব্যাকতো ধম্মো উপ্পজ্জতি হেতুপচ্চযা. হেতুযা দ্ৱে.

৪৫. নভাৱনায পহাতব্বং নকুসলং ধম্মং পচ্চযা নভাৱনায পহাতব্বো কুসলো ধম্মো উপ্পজ্জতি হেতুপচ্চযা. হেতুযা একং.

৪৬. নদস্সনেন পহাতব্বহেতুকং নকুসলং ধম্মং পচ্চযা নদস্সনেন পহাতব্বহেতুকো কুসলো ধম্মো উপ্পজ্জতি হেতুপচ্চযা. হেতুযা একং.

৪৭. নভাৱনায পহাতব্বহেতুকং নকুসলং ধম্মং পচ্চযা নভাৱনায পহাতব্বহেতুকো কুসলো ধম্মো উপ্পজ্জতি হেতুপচ্চযা. হেতুযা একং.

৪৮. নসৱিতক্কং নকুসলং ধম্মং পচ্চযা সৱিতক্কো কুসলো ধম্মো উপ্পজ্জতি হেতুপচ্চযা… হেতুযা তীণি.

৪৯. নসৱিচাৰং নকুসলং ধম্মং পচ্চযা সৱিচাৰো কুসলো ধম্মো উপ্পজ্জতি হেতুপচ্চযা… হেতুযা তীণি.

৫০. নসপ্পীতিকং নকুসলং ধম্মং পচ্চযা সপ্পীতিকো কুসলো ধম্মো উপ্পজ্জতি হেতুপচ্চযা… হেতুযা তীণি.

৫১. নপীতিসহগতং নকুসলং ধম্মং পচ্চযা পীতিসহগতো কুসলো ধম্মো উপ্পজ্জতি হেতুপচ্চযা… হেতুযা তীণি.

৫২. নসুখসহগতং নকুসলং ধম্মং পচ্চযা সুখসহগতো কুসলো ধম্মো উপ্পজ্জতি হেতুপচ্চযা… হেতুযা তীণি.

৫৩. নউপেক্খাসহগতং নকুসলং ধম্মং পচ্চযা উপেক্খাসহগতো কুসলো ধম্মো উপ্পজ্জতি হেতুপচ্চযা… হেতুযা তীণি.

৫৪. ননকামাৱচৰং নকুসলং ধম্মং পচ্চযা নকামাৱচৰো কুসলো ধম্মো উপ্পজ্জতি হেতুপচ্চযা. ননকামাৱচৰং নকুসলং ধম্মং পচ্চযা কামাৱচৰো কুসলো ধম্মো উপ্পজ্জতি হেতুপচ্চযা. হেতুযা দ্ৱে.

৫৫. নৰূপাৱচৰং নকুসলং ধম্মং পচ্চযা ৰূপাৱচৰো কুসলো ধম্মো উপ্পজ্জতি হেতুপচ্চযা. নৰূপাৱচৰং নকুসলং ধম্মং পচ্চযা নৰূপাৱচৰো কুসলো ধম্মো উপ্পজ্জতি হেতুপচ্চযা. হেতুযা দ্ৱে.

৫৬. নঅৰূপাৱচৰং নকুসলং ধম্মং পচ্চযা অৰূপাৱচৰো কুসলো ধম্মো উপ্পজ্জতি হেতুপচ্চযা. নঅৰূপাৱচৰং নকুসলং ধম্মং পচ্চযা নঅৰূপাৱচৰো কুসলো ধম্মো উপ্পজ্জতি হেতুপচ্চযা. হেতুযা দ্ৱে.

৫৭. নঅপৰিযাপন্নং নকুসলং ধম্মং পচ্চযা অপৰিযাপন্নো কুসলো ধম্মো উপ্পজ্জতি হেতুপচ্চযা. নঅপৰিযাপন্নং নকুসলং ধম্মং পচ্চযা পৰিযাপন্নো কুসলো ধম্মো উপ্পজ্জতি হেতুপচ্চযা. হেতুযা দ্ৱে.

৫৮. ননিয্যানিকং নকুসলং ধম্মং পচ্চযা নিয্যানিকো কুসলো ধম্মো উপ্পজ্জতি হেতুপচ্চযা. ননিয্যানিকং নকুসলং ধম্মং পচ্চযা নঅনিয্যানিকো কুসলো ধম্মো উপ্পজ্জতি হেতুপচ্চযা. হেতুযা দ্ৱে.

৫৯. ননিযতং নকুসলং ধম্মং পচ্চযা নিযতো কুসলো ধম্মো উপ্পজ্জতি হেতুপচ্চযা. ননিযতং নকুসলং ধম্মং পচ্চযা অনিযতো কুসলো ধম্মো উপ্পজ্জতি হেতুপচ্চযা. হেতুযা দ্ৱে.

৬০. নঅনুত্তৰং নকুসলং ধম্মং পচ্চযা অনুত্তৰো কুসলো ধম্মো উপ্পজ্জতি হেতুপচ্চযা. নঅনুত্তৰং নকুসলং ধম্মং পচ্চযা সউত্তৰো কুসলো ধম্মো উপ্পজ্জতি হেতুপচ্চযা. হেতুযা দ্ৱে.

৬১. নসৰণং নকুসলং ধম্মং পচ্চযা অৰণো কুসলো ধম্মো উপ্পজ্জতি হেতুপচ্চযা. হেতুযা একং.

নসৰণং নঅকুসলং ধম্মং পচ্চযা সৰণো অকুসলো ধম্মো উপ্পজ্জতি হেতুপচ্চযা. হেতুযা একং.

নসৰণং নঅব্যাকতং ধম্মং পটিচ্চ অৰণো অব্যাকতো ধম্মো উপ্পজ্জতি হেতুপচ্চযা. নঅৰণং নঅব্যাকতং ধম্মং পটিচ্চ অৰণো অব্যাকতো ধম্মো উপ্পজ্জতি হেতুপচ্চযা. হেতুযা দ্ৱে.