১-১. হেতুদুক-সহেতুকদুকং

১. হেতুং সহেতুকং ধম্মং পটিচ্চ নহেতু নসহেতুকো ধম্মো উপ্পজ্জতি হেতুপচ্চযা. নহেতুং সহেতুকং ধম্মং পটিচ্চ নহেতু নসহেতুকো ধম্মো উপ্পজ্জতি হেতুপচ্চযা. হেতুং সহেতুকঞ্চ নহেতুং সহেতুকঞ্চ ধম্মং পটিচ্চ নহেতু নসহেতুকো ধম্মো উপ্পজ্জতি হেতুপচ্চযা. (সংখিত্তং.) হেতুযা তীণি, আৰম্মণে একং…পে… অৱিগতে পঞ্চ.

২. নহেতুং সহেতুকং ধম্মং পটিচ্চ ননহেতু নসহেতুকো ধম্মো উপ্পজ্জতি নহেতুপচ্চযা… (সংখিত্তং.) নহেতুযা একং, নআৰম্মণে তীণি…পে… নোৱিগতে তীণি.

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং.)

হেতু-আৰম্মণপচ্চযা

৩. হেতু সহেতুকো ধম্মো নহেতুস্স নসহেতুকস্স ধম্মস্স হেতুপচ্চযেন পচ্চযো. (১)

হেতু সহেতুকো ধম্মো নহেতুস্স নসহেতুকস্স ধম্মস্স আৰম্মণপচ্চযেন পচ্চযো. হেতু সহেতুকো ধম্মো ননহেতুস্স নসহেতুকস্স ধম্মস্স আৰম্মণপচ্চযেন পচ্চযো. হেতু সহেতুকো ধম্মো নহেতুস্স নসহেতুকস্স চ ননহেতুস্স নসহেতুকস্স চ ধম্মস্স আৰম্মণপচ্চযেন পচ্চযো. (৩)

নহেতু সহেতুকো ধম্মো ননহেতুস্স নসহেতুকস্স ধম্মস্স আৰম্মণপচ্চযেন পচ্চযো. নহেতু সহেতুকো ধম্মো নহেতুস্স নসহেতুকস্স ধম্মস্স আৰম্মণপচ্চযেন পচ্চযো. নহেতু সহেতুকো ধম্মো নহেতুস্স নসহেতুকস্স চ ননহেতুস্স নসহেতুকস্স চ ধম্মস্স আৰম্মণপচ্চযেন পচ্চযো. (৩) (সংখিত্তং.)

হেতুযা একং, আৰম্মণে ছ, অধিপতিযা দ্ৱে…পে… অৱিগতে পঞ্চ. (পঞ্হাৱাৰং ৱিত্থাৰেতব্বং.)

৪. হেতুং অহেতুকং ধম্মং পটিচ্চ নহেতু নঅহেতুকো ধম্মো উপ্পজ্জতি হেতুপচ্চযা. (১)

নহেতুং অহেতুকং ধম্মং পটিচ্চ ননহেতু নঅহেতুকো ধম্মো উপ্পজ্জতি হেতুপচ্চযা… তীণি. (সংখিত্তং.) হেতুযা চত্তাৰি.