২২-১৩. সনিদস্সনত্তিক-কেনচিৱিঞ্ঞেয্যদুকং

১০০. অনিদস্সনসপ্পটিঘং কেনচি ৱিঞ্ঞেয্যং ধম্মং পটিচ্চ নঅনিদস্সনসপ্পটিঘো নকেনচি ৱিঞ্ঞেয্যো ধম্মো উপ্পজ্জতি হেতুপচ্চযা. অনিদস্সনসপ্পটিঘং কেনচি ৱিঞ্ঞেয্যং ধম্মং পটিচ্চ নসনিদস্সনসপ্পটিঘো নকেনচি ৱিঞ্ঞেয্যো ধম্মো উপ্পজ্জতি হেতুপচ্চযা. অনিদস্সনসপ্পটিঘং কেনচি ৱিঞ্ঞেয্যং ধম্মং পটিচ্চ নঅনিদস্সনঅপ্পটিঘো নকেনচি ৱিঞ্ঞেয্যো ধম্মো উপ্পজ্জতি হেতুপচ্চযা…পে… অনিদস্সনসপ্পটিঘং কেনচি ৱিঞ্ঞেয্যং ধম্মং পটিচ্চ নসনিদস্সনসপ্পটিঘো নকেনচি ৱিঞ্ঞেয্যো চ নঅনিদস্সনসপ্পটিঘো নকেনচি ৱিঞ্ঞেয্যো চ ধম্মা উপ্পজ্জন্তি হেতুপচ্চযা… ছ.

অনিদস্সনঅপ্পটিঘং কেনচি ৱিঞ্ঞেয্যং ধম্মং পটিচ্চ নঅনিদস্সনঅপ্পটিঘো নকেনচি ৱিঞ্ঞেয্যো ধম্মো উপ্পজ্জতি হেতুপচ্চযা… ছ.

অনিদস্সনসপ্পটিঘং কেনচি ৱিঞ্ঞেয্যঞ্চ অনিদস্সনঅপ্পটিঘং কেনচি ৱিঞ্ঞেয্যঞ্চ ধম্মং পটিচ্চ নসনিদস্সনসপ্পটিঘো নকেনচি ৱিঞ্ঞেয্যো ধম্মো উপ্পজ্জতি হেতুপচ্চযা… ছ… হেতুযা অট্ঠাৰস.

অনিদস্সনসপ্পটিঘং কেনচি ৱিঞ্ঞেয্যং ধম্মং পটিচ্চ নসনিদস্সনসপ্পটিঘো ননকেনচি ৱিঞ্ঞেয্যো ধম্মো উপ্পজ্জতি হেতুপচ্চযা… হেতুযা অট্ঠাৰস.