১-৬০. কুসলত্তিক-চিত্তসমুট্ঠানদুকং

৩৮. কুসলং চিত্তসমুট্ঠানং ধম্মং পটিচ্চ নঅকুসলো নচিত্তসমুট্ঠানো ধম্মো উপ্পজ্জতি হেতুপচ্চযা. কুসলং চিত্তসমুট্ঠানং ধম্মং পটিচ্চ নঅব্যাকতো নচিত্তসমুট্ঠানো ধম্মো উপ্পজ্জতি হেতুপচ্চযা. কুসলং চিত্তসমুট্ঠানং ধম্মং পটিচ্চ নঅকুসলো নচিত্তসমুট্ঠানো চ নঅব্যাকতো নচিত্তসমুট্ঠানো চ ধম্মা উপ্পজ্জন্তি হেতুপচ্চযা. তীণি.

অকুসলং চিত্তসমুট্ঠানং ধম্মং পটিচ্চ নঅকুসলো নচিত্তসমুট্ঠানো ধম্মো উপ্পজ্জতি হেতুপচ্চযা. অকুসলং চিত্তসমুট্ঠানং ধম্মং পটিচ্চ নঅব্যাকতো নচিত্তসমুট্ঠানো ধম্মো উপ্পজ্জতি হেতুপচ্চযা. অকুসলং চিত্তসমুট্ঠানং ধম্মং পটিচ্চ নকুসলো নচিত্তসমুট্ঠানো চ নঅব্যাকতো নচিত্তসমুট্ঠানো চ ধম্মা উপ্পজ্জন্তি হেতুপচ্চযা. তীণি.

অব্যাকতং চিত্তসমুট্ঠানং ধম্মং পটিচ্চ নকুসলো নচিত্তসমুট্ঠানো ধম্মো উপ্পজ্জতি হেতুপচ্চযা… তীণি. হেতুযা নৱ…পে… অৱিগতে নৱ.

৩৯. কুসলং নোচিত্তসমুট্ঠানং ধম্মং পটিচ্চ নকুসলো ননোচিত্তসমুট্ঠানো ধম্মো উপ্পজ্জতি হেতুপচ্চযা… পঞ্চ.

অকুসলং নোচিত্তসমুট্ঠানং ধম্মং পটিচ্চ নঅকুসলো ননোচিত্তসমুট্ঠানো ধম্মো উপ্পজ্জতি হেতুপচ্চযা… পঞ্চ.

অব্যাকতং নোচিত্তসমুট্ঠানং ধম্মং পটিচ্চ নকুসলো ননোচিত্তসমুট্ঠানো ধম্মো উপ্পজ্জতি হেতুপচ্চযা… তীণি. হেতুযা তেৰস…পে… অৱিগতে তেৰস.