১-৭. পটিচ্চৱাৰাদি

পচ্চযচতুক্কং

হেতুপচ্চযো

১. কুসলং হেতুং ধম্মং পটিচ্চ নকুসলো নহেতু ধম্মো উপ্পজ্জতি হেতুপচ্চযা. কুসলং হেতুং ধম্মং পটিচ্চ নঅকুসলো নহেতু ধম্মো উপ্পজ্জতি হেতুপচ্চযা. কুসলং হেতুং ধম্মং পটিচ্চ নঅব্যাকতো নহেতু ধম্মো উপ্পজ্জতি হেতুপচ্চযা. কুসলং হেতুং ধম্মং পটিচ্চ নঅকুসলো নহেতু চ নঅব্যাকতো নহেতু চ ধম্মা উপ্পজ্জন্তি হেতুপচ্চযা. কুসলং হেতুং ধম্মং পটিচ্চ নকুসলো নহেতু চ নঅকুসলো নহেতু চ ধম্মা উপ্পজ্জন্তি হেতুপচ্চযা. (৫)

অকুসলং হেতুং ধম্মং পটিচ্চ নঅকুসলো নহেতু ধম্মো উপ্পজ্জতি হেতুপচ্চযা. অকুসলং হেতুং ধম্মং পটিচ্চ নকুসলো নহেতু ধম্মো উপ্পজ্জতি হেতুপচ্চযা. অকুসলং হেতুং ধম্মং পটিচ্চ নঅব্যাকতো নহেতু ধম্মো উপ্পজ্জতি হেতুপচ্চযা. অকুসলং হেতুং ধম্মং পটিচ্চ নকুসলো নহেতু চ নঅব্যাকতো নহেতু চ ধম্মা উপ্পজ্জন্তি হেতুপচ্চযা. অকুসলং হেতুং ধম্মং পটিচ্চ নকুসলো নহেতু চ নঅকুসলো নহেতু চ ধম্মা উপ্পজ্জন্তি হেতুপচ্চযা. (৫)

অব্যাকতং হেতুং ধম্মং পটিচ্চ নকুসলো নহেতু ধম্মো উপ্পজ্জতি হেতুপচ্চযা. অব্যাকতং হেতুং ধম্মং পটিচ্চ নঅকুসলো নহেতু ধম্মো উপ্পজ্জতি হেতুপচ্চযা. অব্যাকতং হেতুং ধম্মং পটিচ্চ নকুসলো নহেতু চ নঅকুসলো নহেতু চ ধম্মা উপ্পজ্জন্তি হেতুপচ্চযা. (৩) (সংখিত্তং.)

হেতুযা তেৰস, আৰম্মণে নৱ…পে… অৱিগতে তেৰস.

পচ্চনীযং

নআৰম্মণপচ্চযো

২. কুসলং হেতুং ধম্মং পটিচ্চ নকুসলো নহেতু ধম্মো উপ্পজ্জতি নআৰম্মণপচ্চযা. (সংখিত্তং.)

নআৰম্মণে নৱ, নঅধিপতিযা তেৰস…পে… নৱিপ্পযুত্তে নৱ.

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং ৱিত্থাৰেতব্বং.)

হেতু-আৰম্মণপচ্চযা

৩. কুসলো হেতু ধম্মো নকুসলস্স নহেতুস্স ধম্মস্স হেতুপচ্চযেন পচ্চযো. কুসলো হেতু ধম্মো নঅকুসলস্স নহেতুস্স ধম্মস্স হেতুপচ্চযেন পচ্চযো. কুসলো হেতু ধম্মো নঅব্যাকতস্স নহেতুস্স ধম্মস্স হেতুপচ্চযেন পচ্চযো. কুসলো হেতু ধম্মো নঅকুসলস্স নহেতুস্স চ নঅব্যাকতস্স নহেতুস্স চ ধম্মস্স হেতুপচ্চযেন পচ্চযো. কুসলো হেতু ধম্মো নকুসলস্স নহেতুস্স চ নঅকুসলস্স নহেতুস্স চ ধম্মস্স হেতুপচ্চযেন পচ্চযো. (৫)

অকুসলো হেতু ধম্মো নঅকুসলস্স নহেতুস্স ধম্মস্স হেতুপচ্চযেন পচ্চযো… পঞ্চ.

অব্যাকতো হেতু ধম্মো নকুসলস্স নহেতুস্স ধম্মস্স হেতুপচ্চযেন পচ্চযো… তীণি.

কুসলো হেতু ধম্মো নকুসলস্স নহেতুস্স ধম্মস্স আৰম্মণপচ্চযেন পচ্চযো. (সংখিত্তং.)

৪. হেতুযা তেৰস, আৰম্মণে অট্ঠাৰস…পে… অৱিগতে তেৰস. (পঞ্হাৱাৰং ৱিত্থাৰেতব্বং.)

৫. কুসলং নহেতুং ধম্মং পটিচ্চ নঅকুসলো ননহেতু ধম্মো উপ্পজ্জতি হেতুপচ্চযা. কুসলং নহেতুং ধম্মং পটিচ্চ নঅব্যাকতো ননহেতু ধম্মো উপ্পজ্জতি হেতুপচ্চযা. (সংখিত্তং.)

হেতুযা নৱ, আৰম্মণে নৱ…পে… অৱিগতে নৱ. (সব্বত্থ নৱ.)