১০০-২২. সৰণদুক-সনিদস্সনত্তিকং

১০২. অৰণং অনিদস্সনসপ্পটিঘং ধম্মং পটিচ্চ নসৰণো নঅনিদস্সনসপ্পটিঘো ধম্মো উপ্পজ্জতি হেতুপচ্চযা. (একং.)

সৰণং অনিদস্সনঅপ্পটিঘং ধম্মং পটিচ্চ নসৰণো নঅনিদস্সনঅপ্পটিঘো ধম্মো উপ্পজ্জতি হেতুপচ্চযা. অৰণং অনিদস্সনঅপ্পটিঘং ধম্মং পটিচ্চ নসৰণো নঅনিদস্সনঅপ্পটিঘো ধম্মো উপ্পজ্জতি হেতুপচ্চযা. সৰণং অনিদস্সনঅপ্পটিঘঞ্চ অৰণং অনিদস্সনঅপ্পটিঘঞ্চ ধম্মং পটিচ্চ নসৰণো নঅনিদস্সনঅপ্পটিঘো ধম্মো উপ্পজ্জতি হেতুপচ্চযা. (৩)

হেতুযা তীণি…পে… অৱিগতে তীণি.

নহেতু-নআৰম্মণপচ্চযা

১০৩. অৰণং অনিদস্সনঅপ্পটিঘং ধম্মং পটিচ্চ নসৰণো নঅনিদস্সনঅপ্পটিঘো ধম্মো উপ্পজ্জতি নহেতুপচ্চযা. (১)

সৰণং অনিদস্সনঅপ্পটিঘং ধম্মং পটিচ্চ নসৰণো নঅনিদস্সনঅপ্পটিঘো ধম্মো উপ্পজ্জতি নআৰম্মণপচ্চযা.

নহেতুযা একং, নআৰম্মণে তীণি…পে… নোৱিগতে তীণি.

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং.)

১০৪. সৰণো অনিদস্সনঅপ্পটিঘো ধম্মো নসৰণস্স নঅনিদস্সনঅপ্পটিঘস্স ধম্মস্স হেতুপচ্চযেন পচ্চযো. (১)

অৰণো অনিদস্সনঅপ্পটিঘো ধম্মো নসৰণস্স নঅনিদস্সনঅপ্পটিঘস্স ধম্মস্স হেতুপচ্চযেন পচ্চযো. (১)

হেতুযা দ্ৱে, অধিপতিযা দ্ৱে…পে… অৱিগতে তীণি.

পচ্চনীযুদ্ধাৰো

১০৫. সৰণো অনিদস্সনঅপ্পটিঘো ধম্মো নসৰণস্স নঅনিদস্সনঅপ্পটিঘস্স ধম্মস্স সহজাতপচ্চযেন পচ্চযো, পচ্ছাজাতপচ্চযেন পচ্চযো, কম্মপচ্চযেন পচ্চযো. (সংখিত্তং.) নহেতুযা তীণি, নআৰম্মণে তীণি…পে… নোঅৱিগতে তীণি.

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

ধম্মানুলোমপচ্চনীযে দুকতিকপট্ঠানং নিট্ঠিতং.