৪-৫-১. হেতুসহেতুকাদিদুকানি-কুসলত্তিকং

৩২. হেতু চেৱ সহেতুকো চ কুসলো ধম্মো নহেতুস্স চেৱ নঅহেতুকস্স চ নকুসলস্স ধম্মস্স আৰম্মণপচ্চযেন পচ্চযো. হেতু চেৱ সহেতুকো চ কুসলো ধম্মো নঅহেতুকস্স চেৱ নন চ হেতুস্স নকুসলস্স ধম্মস্স আৰম্মণপচ্চযেন পচ্চযো. হেতু চেৱ সহেতুকো চ কুসলো ধম্মো নহেতুস্স চেৱ নঅহেতুকস্স চ নকুসলস্স চ নঅহেতুকস্স চেৱ নন চ হেতুস্স নকুসলস্স চ ধম্মস্স আৰম্মণপচ্চযেন পচ্চযো. (৩)

সহেতুকো চেৱ ন চ হেতু কুসলো ধম্মো নঅহেতুকস্স চেৱ নন চ হেতুস্স নকুসলস্স ধম্মস্স আৰম্মণপচ্চযেন পচ্চযো. সহেতুকো চেৱ ন চ হেতু কুসলো ধম্মো নহেতুস্স চেৱ নঅহেতুকস্স চ নকুসলস্স ধম্মস্স আৰম্মণপচ্চযেন পচ্চযো. সহেতুকো চেৱ ন চ হেতু কুসলো ধম্মো নহেতুস্স চেৱ নঅহেতুকস্স চ নকুসলস্স চ নঅহেতুকস্স চেৱ নন চ হেতুস্স নকুসলস্স চ ধম্মস্স আৰম্মণপচ্চযেন পচ্চযো. (৩)

হেতু চেৱ সহেতুকো কুসলো চ সহেতুকো চেৱ ন চ হেতু কুসলো চ ধম্মা নহেতুস্স চেৱ নঅহেতুকস্স নকুসলস্স ধম্মস্স আৰম্মণপচ্চযেন পচ্চযো. হেতু চেৱ সহেতুকো কুসলো চ সহেতুকো চেৱ ন চ হেতু কুসলো চ ধম্মা নঅহেতুকস্স চেৱ নন চ হেতুস্স নকুসলস্স ধম্মস্স আৰম্মণপচ্চযেন পচ্চযো. হেতু চেৱ সহেতুকো কুসলো চ সহেতুকো চেৱ ন চ হেতু কুসলো চ ধম্মা নহেতুস্স চেৱ নঅহেতুকস্স নকুসলস্স চ নঅহেতুকস্স চেৱ নন হেতুস্স নকুসলস্স চ ধম্মস্স আৰম্মণপচ্চযেন পচ্চযো. (৩)

আৰম্মণে নৱ.

৩৩. হেতু চেৱ সহেতুকো চ অকুসলো ধম্মো নহেতুস্স চেৱ নঅহেতুকস্স নঅকুসলস্স চ ধম্মস্স আৰম্মণপচ্চযেন পচ্চযো. (এতেন উপাযেন নৱ পঞ্হা কাতব্বা.)

৩৪. হেতু চেৱ সহেতুকো চ অব্যাকতো ধম্মো নহেতুস্স চেৱ নঅহেতুকস্স চ নঅব্যাকতস্স ধম্মস্স আৰম্মণপচ্চযেন পচ্চযো. (নৱ পঞ্হা কাতব্বা.) (সংখিত্তং, হেতুহেতুসম্পযুত্তদুকং হেতুসহেতুকদুকসদিসং. সংখিত্তং. নৱ পঞ্হা.)