১. পচ্চযানুলোমং

হেতুপচ্চযো

১. হেতুং ধম্মং পটিচ্চ নহেতু ধম্মো উপ্পজ্জতি হেতুপচ্চযা – হেতুং ধম্মং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং; পটিসন্ধিক্খণে…পে… হেতুং ধম্মং পটিচ্চ ননহেতু ধম্মো উপ্পজ্জতি হেতুপচ্চযা. হেতুং ধম্মং পটিচ্চ নহেতু চ ননহেতু চ ধম্মা উপ্পজ্জন্তি হেতুপচ্চযা. (৩)

নহেতুং ধম্মং পটিচ্চ ননহেতু ধম্মো উপ্পজ্জতি হেতুপচ্চযা. নহেতুং ধম্মং পটিচ্চ নহেতু ধম্মো উপ্পজ্জতি হেতুপচ্চযা. নহেতুং ধম্মং পটিচ্চ নহেতু চ ননহেতু চ ধম্মা উপ্পজ্জন্তি হেতুপচ্চযা. (৩)

হেতুঞ্চ নহেতুঞ্চ ধম্মং পটিচ্চ নহেতু ধম্মো উপ্পজ্জতি হেতুপচ্চযা. হেতুঞ্চ নহেতুঞ্চ ধম্মং পটিচ্চ ননহেতু ধম্মো উপ্পজ্জতি হেতুপচ্চযা. হেতুঞ্চ নহেতুঞ্চ ধম্মং পটিচ্চ নহেতু চ ননহেতু চ ধম্মা উপ্পজ্জন্তি হেতুপচ্চযা. (৩) (সংখিত্তং.)

হেতুযা নৱ, আৰম্মণে নৱ…পে… অৱিগতে নৱ. (সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং.)

হেতু-আৰম্মণপচ্চযা

২. হেতু ধম্মো নহেতুস্স ধম্মস্স হেতুপচ্চযেন পচ্চযো… তীণি.

হেতু ধম্মো নহেতুস্স ধম্মস্স আৰম্মণপচ্চযেন পচ্চযো… তীণি.

নহেতু ধম্মো ননহেতুস্স ধম্মস্স আৰম্মণপচ্চযেন পচ্চযো… তীণি.

হেতু চ নহেতু চ ধম্মা নহেতুস্স ধম্মস্স আৰম্মণপচ্চযেন পচ্চযো… তীণি. (সংখিত্তং.)

৩. হেতুযা তীণি, আৰম্মণে নৱ…পে… অৱিগতে নৱ. (পঞ্হাৱাৰম্পি এৱং ৱিত্থাৰেতব্বং.)