১-৭. পটিচ্চৱাৰাদি

২৬. চেতসিকং ধম্মং পটিচ্চ নচেতসিকো ধম্মো উপ্পজ্জতি হেতুপচ্চযা.

২৭. চিত্তসম্পযুত্তং ধম্মং পটিচ্চ নচিত্তসম্পযুত্তো ধম্মো উপ্পজ্জতি হেতুপচ্চযা…পে….

চিত্তসংসট্ঠং ধম্মং পটিচ্চ নচিত্তসংসট্ঠো ধম্মো উপ্পজ্জতি হেতুপচ্চযা.

২৮. চিত্তসমুট্ঠানং ধম্মং পটিচ্চ নচিত্তসমুট্ঠানো ধম্মো উপ্পজ্জতি হেতুপচ্চযা.

২৯. চিত্তসহভুং ধম্মং পটিচ্চ নচিত্তসহভূ ধম্মো উপ্পজ্জতি হেতুপচ্চযা…পে… চিত্তানুপৰিৱত্তিং ধম্মং পটিচ্চ নচিত্তানুপৰিৱত্তী ধম্মো উপ্পজ্জতি হেতুপচ্চযা…পে… চিত্তসংসট্ঠসমুট্ঠানং ধম্মং পটিচ্চ নচিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা…পে… চিত্তসংসট্ঠসমুট্ঠানসহভুং ধম্মং পটিচ্চ নচিত্তসংসট্ঠসমুট্ঠানসহভূ ধম্মো উপ্পজ্জতি হেতুপচ্চযা…পে… চিত্তসংসট্ঠসমুট্ঠানানুপৰিৱত্তিং ধম্মং পটিচ্চ নচিত্তসংসট্ঠসমুট্ঠানানুপৰিৱত্তী ধম্মো উপ্পজ্জতি হেতুপচ্চযা.

৩০. অজ্ঝত্তিকং ধম্মং পটিচ্চ নঅজ্ঝত্তিকো ধম্মো উপ্পজ্জতি হেতুপচ্চযা… তীণি.

বাহিৰং ধম্মং পটিচ্চ নবাহিৰো ধম্মো উপ্পজ্জতি হেতুপচ্চযা… তীণি.

অজ্ঝত্তিকঞ্চ বাহিৰঞ্চ ধম্মং পটিচ্চ নঅজ্ঝত্তিকো ধম্মো উপ্পজ্জতি হেতুপচ্চযা… তীণি.

৩১. উপাদা ধম্মং পটিচ্চ নোউপাদা ধম্মো উপ্পজ্জতি হেতুপচ্চযা. (১)

নোউপাদা ধম্মং পটিচ্চ ননোউপাদা ধম্মো উপ্পজ্জতি হেতুপচ্চযা… তীণি.

উপাদা চ নোউপাদা চ ধম্মং পটিচ্চ নোউপাদা ধম্মো উপ্পজ্জতি হেতুপচ্চযা. (১)

৩২. উপাদিন্নং ধম্মং পটিচ্চ নউপাদিন্নো ধম্মো উপ্পজ্জতি হেতুপচ্চযা… তীণি.

অনুপাদিন্নং ধম্মং পটিচ্চ নঅনুপাদিন্নো ধম্মো উপ্পজ্জতি হেতুপচ্চযা. (১)

উপাদিন্নঞ্চ অনুপাদিন্নঞ্চ ধম্মং পটিচ্চ নউপাদিন্নো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা পঞ্চ…পে… অৱিগতে পঞ্চ. (সব্বত্থ ৱিত্থাৰো.)

মহন্তৰদুকং নিট্ঠিতং.