১-৭. পটিচ্চৱাৰাদি

হেতুপচ্চযো

৯০. ৱিপাকধম্মধম্মং কুসলং ধম্মং পটিচ্চ ৱিপাকধম্মধম্মো কুসলো ধম্মো উপ্পজ্জতি হেতুপচ্চযা. (সংখিত্তং.)

হেতুযা একং…পে… অৱিগতে একং. (সংখিত্তং.)

৯১. ৱিপাকধম্মধম্মং অকুসলং ধম্মং পটিচ্চ ৱিপাকধম্মধম্মো অকুসলো ধম্মো উপ্পজ্জতি হেতুপচ্চযা. (সংখিত্তং.)

হেতুযা একং. (সব্বত্থ একং.)

৯২. ৱিপাকং অব্যাকতং ধম্মং পটিচ্চ ৱিপাকো অব্যাকতো ধম্মো উপ্পজ্জতি হেতুপচ্চযা… তীণি.

নেৱৱিপাকনৱিপাকধম্মধম্মং অব্যাকতং ধম্মং পটিচ্চ নেৱৱিপাকনৱিপাকধম্মধম্মো অব্যাকতো ধম্মো উপ্পজ্জতি হেতুপচ্চযা… তীণি.

ৱিপাকং অব্যাকতঞ্চ নেৱৱিপাকনৱিপাকধম্মধম্মং অব্যাকতঞ্চ ধম্মং পটিচ্চ ৱিপাকো অব্যাকতো ধম্মো উপ্পজ্জতি হেতুপচ্চযা… তীণি. (সংখিত্তং.)

হেতুযা নৱ, অৱিগতে নৱ. (সংখিত্তং. সব্বত্থ ৱিত্থাৰো.)