১-৭. পটিচ্চৱাৰাদি

পচ্চযচতুক্কং

৮৪. অব্যাকতং অনিদস্সনসপ্পটিঘং ধম্মং পটিচ্চ অব্যাকতো অনিদস্সনসপ্পটিঘো ধম্মো উপ্পজ্জতি হেতুপচ্চযা. (সংখিত্তং.)

হেতুযা একং…পে… অৱিগতে একং. (সংখিত্তং.)

(সহজাতৱাৰম্পি…পে… পঞ্হাৱাৰম্পি ৱিত্থাৰেতব্বং.)

৮৫. কুসলং অনিদস্সনঅপ্পটিঘং ধম্মং পটিচ্চ কুসলো অনিদস্সনঅপ্পটিঘো ধম্মো উপ্পজ্জতি হেতুপচ্চযা. কুসলং অনিদস্সনঅপ্পটিঘং ধম্মং পটিচ্চ অব্যাকতো অনিদস্সনঅপ্পটিঘো ধম্মো উপ্পজ্জতি হেতুপচ্চযা. কুসলং অনিদস্সনঅপ্পটিঘং ধম্মং পটিচ্চ কুসলো অনিদস্সনঅপ্পটিঘো চ অব্যাকতো অনিদস্সনঅপ্পটিঘো চ ধম্মা উপ্পজ্জন্তি হেতুপচ্চযা. (৩)

অকুসলং অনিদস্সনঅপ্পটিঘং ধম্মং পটিচ্চ অকুসলো অনিদস্সনঅপ্পটিঘো ধম্মো উপ্পজ্জতি হেতুপচ্চযা… তীণি.

অব্যাকতং অনিদস্সনঅপ্পটিঘং ধম্মং পটিচ্চ অব্যাকতো অনিদস্সনঅপ্পটিঘো ধম্মো উপ্পজ্জতি হেতুপচ্চযা. (১)

কুসলং অনিদস্সনঅপ্পটিঘঞ্চ অব্যাকতং অনিদস্সনঅপ্পটিঘঞ্চ ধম্মং পটিচ্চ অব্যাকতো অনিদস্সনঅপ্পটিঘো ধম্মো উপ্পজ্জতি হেতুপচ্চযা. (১)

অকুসলং অনিদস্সনঅপ্পটিঘঞ্চ অব্যাকতং অনিদস্সনঅপ্পটিঘঞ্চ ধম্মং পটিচ্চ অব্যাকতো অনিদস্সনঅপ্পটিঘো ধম্মো উপ্পজ্জতি হেতুপচ্চযা. (১)

হেতুযা নৱ, আৰম্মণে তীণি…পে… ৱিপাকে একং…পে… অৱিগতে নৱ. (সংখিত্তং. সহজাতৱাৰম্পি…পে… সম্পযুত্তৱাৰম্পি পঞ্হাৱাৰম্পি ৱিত্থাৰেতব্বং.)

কুসলত্তিকসনিদস্সনত্তিকং নিট্ঠিতং.