১-৭. পটিচ্চৱাৰাদি

পচ্চযচতুক্কং

৫৮. অকুসলং হীনং ধম্মং পটিচ্চ অকুসলো হীনো ধম্মো উপ্পজ্জতি হেতুপচ্চযা. (সংখিত্তং.)

হেতুযা একং…পে… অৱিগতে একং. (সংখিত্তং. সব্বত্থ ৱিত্থাৰো.)

৫৯. কুসলং মজ্ঝিমং ধম্মং পটিচ্চ কুসলো মজ্ঝিমো ধম্মো উপ্পজ্জতি হেতুপচ্চযা. কুসলং মজ্ঝিমং ধম্মং পটিচ্চ অব্যাকতো মজ্ঝিমো ধম্মো উপ্পজ্জতি হেতুপচ্চযা. কুসলং মজ্ঝিমং ধম্মং পটিচ্চ কুসলো মজ্ঝিমো চ অব্যাকতো মজ্ঝিমো চ ধম্মা উপ্পজ্জন্তি হেতুপচ্চযা. (৩)

অব্যাকতং মজ্ঝিমং ধম্মং পটিচ্চ অব্যাকতো মজ্ঝিমো ধম্মো উপ্পজ্জতি হেতুপচ্চযা. (১)

কুসলং মজ্ঝিমঞ্চ অব্যাকতং মজ্ঝিমঞ্চ ধম্মং পটিচ্চ অব্যাকতো মজ্ঝিমো ধম্মো উপ্পজ্জতি হেতুপচ্চযা. (১)

কুসলং মজ্ঝিমং ধম্মং পটিচ্চ কুসলো মজ্ঝিমো ধম্মো উপ্পজ্জতি আৰম্মণপচ্চযা. (১)

অব্যাকতং মজ্ঝিমং ধম্মং পটিচ্চ অব্যাকতো মজ্ঝিমো ধম্মো উপ্পজ্জতি আৰম্মণপচ্চযা. (১) (সংখিত্তং.)

হেতুযা পঞ্চ, আৰম্মণে দ্ৱে, অৱিগতে পঞ্চ. (সংখিত্তং. সহজাতৱাৰম্পি …পে… সম্পযুত্তৱাৰম্পি পটিচ্চৱাৰসদিসং.)

৬০. কুসলো মজ্ঝিমো ধম্মো কুসলস্স মজ্ঝিমস্স ধম্মস্স হেতুপচ্চযেন পচ্চযো… তীণি.

অব্যাকতো মজ্ঝিমো ধম্মো অব্যাকতস্স মজ্ঝিমস্স ধম্মস্স হেতুপচ্চযেন পচ্চযো. (১)

কুসলো মজ্ঝিমো ধম্মো কুসলস্স মজ্ঝিমস্স ধম্মস্স আৰম্মণপচ্চযেন পচ্চযো. কুসলো মজ্ঝিমো ধম্মো অব্যাকতস্স মজ্ঝিমস্স ধম্মস্স আৰম্মণপচ্চযেন পচ্চযো. (২)

অব্যাকতো মজ্ঝিমো ধম্মো অব্যাকতস্স মজ্ঝিমস্স ধম্মস্স আৰম্মণপচ্চযেন পচ্চযো. অব্যাকতো মজ্ঝিমো ধম্মো কুসলস্স মজ্ঝিমস্স ধম্মস্স আৰম্মণপচ্চযেন পচ্চযো. (২) (সংখিত্তং).

৬১. হেতুযা চত্তাৰি, আৰম্মণে চত্তাৰি, অৱিগতে সত্ত.

(সংখিত্তং. যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

পণীতপদং

হেতুপচ্চযো

৬২. কুসলং পণীতং ধম্মং পটিচ্চ কুসলো পণীতো ধম্মো উপ্পজ্জতি হেতুপচ্চযা. (১)

অব্যাকতং পণীতং ধম্মং পটিচ্চ অব্যাকতো পণীতো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা দ্ৱে, অৱিগতে দ্ৱে. (সংখিত্তং. সহজাতৱাৰেপি…পে… পঞ্হাৱাৰেপি সব্বত্থ ৱিত্থাৰো.)