১-৭. পটিচ্চৱাৰাদি

৩৪. কুসলং পীতিসহগতং ধম্মং পটিচ্চ কুসলো পীতিসহগতো ধম্মো উপ্পজ্জতি হেতুপচ্চযা. (১)

অকুসলং পীতিসহগতং ধম্মং পটিচ্চ অকুসলো পীতিসহগতো ধম্মো উপ্পজ্জতি হেতুপচ্চযা. (১)

অব্যাকতং পীতিসহগতং ধম্মং পটিচ্চ অব্যাকতো পীতিসহগতো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা তীণি, আৰম্মণে তীণি, অৱিগতে তীণি. (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং.)

৩৫. কুসলো পীতিসহগতো ধম্মো কুসলস্স পীতিসহগতস্স ধম্মস্স হেতুপচ্চযেন পচ্চযো. (১)

অকুসলো পীতিসহগতো ধম্মো অকুসলস্স পীতিসহগতস্স ধম্মস্স হেতুপচ্চযেন পচ্চযো. (১)

অব্যাকতো পীতিসহগতো ধম্মো অব্যাকতস্স পীতিসহগতস্স ধম্মস্স হেতুপচ্চযেন পচ্চযো. (১) (সংখিত্তং.)

হেতুযা তীণি, আৰম্মণে নৱ, অধিপতিযা সত্ত, অনন্তৰে পঞ্চ অৱিগতে তীণি. (সংখিত্তং.)

(যথা কুসলত্তিকে পঞ্হাৱাৰং এৱং ৱিত্থাৰেতব্বং.)

৩৬. কুসলং সুখসহগতং ধম্মং পটিচ্চ কুসলো সুখসহগতো ধম্মো উপ্পজ্জতি হেতুপচ্চযা. (১)

অকুসলং সুখসহগতং ধম্মং পটিচ্চ অকুসলো সুখসহগতো ধম্মো উপ্পজ্জতি হেতুপচ্চযা. (১)

অব্যাকতং সুখসহগতং ধম্মং পটিচ্চ অব্যাকতো সুখসহগতো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা তীণি, আৰম্মণে তীণি, অৱিগতে তীণি. (সংখিত্তং. সহজাতৱাৰম্পি…পে… পঞ্হাৱাৰম্পি ৱিত্থাৰেতব্বং.)

৩৭. কুসলং উপেক্খাসহগতং ধম্মং পটিচ্চ কুসলো উপেক্খাসহগতো ধম্মো উপ্পজ্জতি হেতুপচ্চযা. (১)

অকুসলং উপেক্খাসহগতং ধম্মং পটিচ্চ অকুসলো উপেক্খাসহগতো ধম্মো উপ্পজ্জতি হেতুপচ্চযা. (১)

অব্যাকতং উপেক্খাসহগতং ধম্মং পটিচ্চ অব্যাকতো উপেক্খাসহগতো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা তীণি, অৱিগতে তীণি. (সংখিত্তং.)

(সহজাতৱাৰম্পি…পে… পঞ্হাৱাৰম্পি ৱিত্থাৰেতব্বং.)