১. ৱিভঙ্গৱাৰো

হেতুপচ্চযো

৮৭. পৰামট্ঠো চেৱ নো চ পৰামাসো ধম্মো পৰামট্ঠস্স চেৱ নো চ পৰামাসস্স ধম্মস্স হেতুপচ্চযেন পচ্চযো – পৰামট্ঠা চেৱ নো চ পৰামাসা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

পৰামট্ঠো চেৱ নো চ পৰামাসো ধম্মো পৰামাসস্স চেৱ পৰামট্ঠস্স চ ধম্মস্স হেতুপচ্চযেন পচ্চযো – পৰামট্ঠা চেৱ নো চ পৰামাসা হেতূ পৰামাসস্স হেতুপচ্চযেন পচ্চযো. (২)

পৰামট্ঠো চেৱ নো চ পৰামাসো ধম্মো পৰামাসস্স চেৱ পৰামট্ঠস্স চ পৰামট্ঠস্স চেৱ নো চ পৰামাসস্স চ ধম্মস্স হেতুপচ্চযেন পচ্চযো – পৰামট্ঠা চেৱ নো চ পৰামাসা হেতূ সম্পযুত্তকানং খন্ধানং পৰামাসস্স চ চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

আৰম্মণপচ্চযো

৮৮. পৰামাসো চেৱ পৰামট্ঠো চ ধম্মো পৰামাসস্স চেৱ পৰামট্ঠস্স চ ধম্মস্স আৰম্মণপচ্চযেন পচ্চযো… তীণি (আৰব্ভ কাতব্বানি পৰামাসদুকসদিসং).

৮৯. পৰামট্ঠো চেৱ নো চ পৰামাসো ধম্মো পৰামট্ঠস্স চেৱ নো চ পৰামাসস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি, অস্সাদেতি অভিনন্দতি, তং আৰব্ভ ৰাগো…পে… ৱিচিকিচ্ছা, উদ্ধচ্চং, দোমনস্সং উপ্পজ্জতি, পুব্বে…পে… ঝানা…পে… অৰিযা গোত্ৰভুং পচ্চৱেক্খন্তি, ৱোদানং পচ্চৱেক্খন্তি, পহীনে কিলেসে…পে… ৱিক্খম্ভিতে কিলেসে…পে… পুব্বে…পে… চক্খুং…পে… ৱত্থুং পৰামট্ঠে চেৱ নো চ পৰামাসে খন্ধে অনিচ্চতো…পে… দোমনস্সং উপ্পজ্জতি. দিব্বেন চক্খুনা ৰূপং পস্সতি (যাৱ আৱজ্জনা সব্বং কাতব্বং). (১)

পৰামট্ঠো চেৱ নো চ পৰামাসো ধম্মো পৰামাসস্স চেৱ পৰামট্ঠস্স চ ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৱত্থুং পৰামট্ঠে চেৱ নো চ পৰামাসে খন্ধে অস্সাদেতি অভিনন্দতি, তং আৰব্ভ দিট্ঠি উপ্পজ্জতি. (২)

পৰামট্ঠো চেৱ নো চ পৰামাসো ধম্মো পৰামাসস্স চেৱ পৰামট্ঠস্স চ পৰামট্ঠস্স চেৱ নো চ পৰামাসস্স চ ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৱত্থুং পৰামট্ঠে চেৱ নো চ পৰামাসে খন্ধে অস্সাদেতি অভিনন্দতি, তং আৰব্ভ পৰামাসো চ সম্পযুত্তকা চ খন্ধা উপ্পজ্জন্তি. (৩)

(এৱং ইতৰেপি তীণি আৰব্ভ কাতব্বানি. ইমং দুকং পৰামাসদুকসদিসং. লোকুত্তৰং যহিং ন লব্ভতি তহিং ন কাতব্বং.)

পৰামাসপৰামট্ঠদুকং নিট্ঠিতং.