১. ৱিভঙ্গৱাৰো

হেতুপচ্চযো

৬৩. পৰামাসসম্পযুত্তো ধম্মো পৰামাসসম্পযুত্তস্স ধম্মস্স হেতুপচ্চযেন পচ্চযো – পৰামাসসম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো. (মূলং কাতব্বং) পৰামাসসম্পযুত্তা হেতূ চিত্তসমুট্ঠানানং ৰূপানং হেতুপচ্চযেন পচ্চযো. (মূলং কাতব্বং) পৰামাসসম্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

পৰামাসৱিপ্পযুত্তো ধম্মো পৰামাসৱিপ্পযুত্তস্স ধম্মস্স হেতুপচ্চযেন পচ্চযো – পৰামাসৱিপ্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

আৰম্মণপচ্চযো

৬৪. পৰামাসসম্পযুত্তো ধম্মো পৰামাসসম্পযুত্তস্স ধম্মস্স আৰম্মণপচ্চযেন পচ্চযো – ৰাগং অস্সাদেতি অভিনন্দতি, তং আৰব্ভ পৰামাসসম্পযুত্তো ৰাগো উপ্পজ্জতি; পৰামাসসম্পযুত্তে খন্ধে অস্সাদেতি অভিনন্দতি, তং আৰব্ভ পৰামাসসম্পযুত্তো ৰাগো উপ্পজ্জতি. (১)

পৰামাসসম্পযুত্তো ধম্মো পৰামাসৱিপ্পযুত্তস্স ধম্মস্স আৰম্মণপচ্চযেন পচ্চযো – অৰিযা পৰামাসসম্পযুত্তে পহীনে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি, পৰামাসসম্পযুত্তে খন্ধে অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ পৰামাসৱিপ্পযুত্তো ৰাগো…পে… ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি; চেতোপৰিযঞাণেন পৰামাসসম্পযুত্তচিত্তসমঙ্গিস্স চিত্তং জানাতি, পৰামাসসম্পযুত্তা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

৬৫. পৰামাসৱিপ্পযুত্তো ধম্মো পৰামাসৱিপ্পযুত্তস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি, অস্সাদেতি অভিনন্দতি, তং আৰব্ভ পৰামাসৱিপ্পযুত্তো ৰাগো…পে… ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি; পুব্বে সুচিণ্ণানি…পে… ঝানা…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং…পে… নিব্বানং…পে… নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো; অৰিযা পৰামাসৱিপ্পযুত্তে পহীনে কিলেসে…পে… ৱিক্খম্ভিতে কিলেসে…পে… পুব্বে…পে… চক্খুং…পে… ৱত্থুং পৰামাসৱিপ্পযুত্তে খন্ধে অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ পৰামাসৱিপ্পযুত্তো ৰাগো…পে… ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন পৰামাসৱিপ্পযুত্তচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… পৰামাসৱিপ্পযুত্তা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

পৰামাসৱিপ্পযুত্তো ধম্মো পৰামাসসম্পযুত্তস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৱত্থুং পৰামাসৱিপ্পযুত্তে খন্ধে অস্সাদেতি অভিনন্দতি. তং আৰব্ভ পৰামাসসম্পযুত্তো ৰাগো উপ্পজ্জতি. (২)

অধিপতিপচ্চযো

৬৬. পৰামাসসম্পযুত্তো ধম্মো পৰামাসসম্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – ৰাগং গৰুং কত্ৱা অস্সাদেতি অভিনন্দতি, তং গৰুং কত্ৱা পৰামাসসম্পযুত্তো ৰাগো উপ্পজ্জতি, পৰামাসসম্পযুত্তে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা পৰামাসসম্পযুত্তো ৰাগো উপ্পজ্জতি. সহজাতাধিপতি – পৰামাসসম্পযুত্তাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

পৰামাসসম্পযুত্তো ধম্মো পৰামাসৱিপ্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – পৰামাসসম্পযুত্তে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা পৰামাসৱিপ্পযুত্তো ৰাগো উপ্পজ্জতি. সহজাতাধিপতি – পৰামাসসম্পযুত্তাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

পৰামাসসম্পযুত্তো ধম্মো পৰামাসসম্পযুত্তস্স চ পৰামাসৱিপ্পযুত্তস্স চ ধম্মস্স অধিপতিপচ্চযেন পচ্চযো. সহজাতাধিপতি – পৰামাসসম্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

৬৭. পৰামাসৱিপ্পযুত্তো ধম্মো পৰামাসৱিপ্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং কত্ৱা তং গৰুং কত্ৱা পচ্চৱেক্খতি, অস্সাদেতি অভিনন্দতি, তং গৰুং কত্ৱা পৰামাসৱিপ্পযুত্তো ৰাগো উপ্পজ্জতি, পুব্বে…পে… ঝানা…পে… অৰিযা মগ্গা ৱুট্ঠহিত্ৱা মগ্গং গৰুং কত্ৱা…পে… ফলং…পে… নিব্বানং…পে… নিব্বানং গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৱত্থুং পৰামাসৱিপ্পযুত্তে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা পৰামাসৱিপ্পযুত্তো ৰাগো উপ্পজ্জতি. সহজাতাধিপতি – পৰামাসৱিপ্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

পৰামাসৱিপ্পযুত্তো ধম্মো পৰামাসসম্পযুত্তস্স ধম্মস্স অধিপতিপচ্চযেন পচ্চযো. আৰম্মণাধিপতি – দানং…পে… সীলং…পে… উপোসথকম্মং কত্ৱা তং গৰুং কত্ৱা অস্সাদেতি অভিনন্দতি, তং গৰুং কত্ৱা পৰামাসসম্পযুত্তো ৰাগো উপ্পজ্জতি, পুব্বে…পে… ঝানা…পে… চক্খুং…পে… ৱত্থুং পৰামাসৱিপ্পযুত্তে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা পৰামাসসম্পযুত্তো ৰাগো উপ্পজ্জতি. (২)

অনন্তৰ-সমনন্তৰপচ্চযা

৬৮. পৰামাসসম্পযুত্তো ধম্মো পৰামাসসম্পযুত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা পৰামাসসম্পযুত্তা খন্ধা পচ্ছিমানং পচ্ছিমানং পৰামাসসম্পযুত্তকানং খন্ধানং অনন্তৰপচ্চযেন পচ্চযো. (১)

পৰামাসসম্পযুত্তো ধম্মো পৰামাসৱিপ্পযুত্তস্স ধম্মস্স অনন্তৰপচ্চযেন পচ্চযো – পৰামাসসম্পযুত্তা খন্ধা ৱুট্ঠানস্স অনন্তৰপচ্চযেন পচ্চযো. (২)

৬৯. পৰামাসৱিপ্পযুত্তো ধম্মো পৰামাসৱিপ্পযুত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা পৰামাসৱিপ্পযুত্তা খন্ধা পচ্ছিমানং পচ্ছিমানং পৰামাসৱিপ্পযুত্তানং খন্ধানং অনন্তৰপচ্চযেন পচ্চযো; অনুলোমং…পে… ফলসমাপত্তিযা অনন্তৰপচ্চযেন পচ্চযো. (১)

পৰামাসৱিপ্পযুত্তো ধম্মো পৰামাসসম্পযুত্তস্স ধম্মস্স অনন্তৰপচ্চযেন পচ্চযো – আৱজ্জনা পৰামাসসম্পযুত্তকানং খন্ধানং অনন্তৰপচ্চযেন পচ্চযো… সমনন্তৰপচ্চযেন পচ্চযো. (২)

সহজাতপচ্চযাদি

৭০. পৰামাসসম্পযুত্তো ধম্মো পৰামাসসম্পযুত্তস্স ধম্মস্স সহজাতপচ্চযেন পচ্চযো… পঞ্চ… অঞ্ঞমঞ্ঞপচ্চযেন পচ্চযো… দ্ৱে… নিস্সযপচ্চযেন পচ্চযো… সত্ত.

উপনিস্সযপচ্চযো

৭১. পৰামাসসম্পযুত্তো ধম্মো পৰামাসসম্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পৰামাসসম্পযুত্তো ৰাগো… মোহো… পত্থনা পৰামাসসম্পযুত্তস্স ৰাগস্স… মোহস্স… পত্থনায উপনিস্সযপচ্চযেন পচ্চযো. (১)

পৰামাসসম্পযুত্তো ধম্মো পৰামাসৱিপ্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পৰামাসসম্পযুত্তং ৰাগং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি; পৰামাসসম্পযুত্তং মোহং… পত্থনং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, পাণং হনতি…পে… সঙ্ঘং ভিন্দতি; পৰামাসসম্পযুত্তো ৰাগো… মোহো… পত্থনা সদ্ধায …পে… পঞ্ঞায, ৰাগস্স… দোসস্স… মোহস্স… মানস্স… পত্থনায… কাযিকস্স সুখস্স…পে… ফলসমাপত্তিযা উপনিস্সযপচ্চযেন পচ্চযো. (২)

৭২. পৰামাসৱিপ্পযুত্তো ধম্মো পৰামাসৱিপ্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি …পে… সমাপত্তিং উপ্পাদেতি, মানং জপ্পেতি; সীলং…পে… পঞ্ঞং, ৰাগং…পে… মানং…পে… পত্থনং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি; কাযিকং সুখং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… পঞ্ঞা, ৰাগো…পে… মানো… পত্থনা… কাযিকং সুখং…পে… সেনাসনং সদ্ধায…পে… পঞ্ঞায, ৰাগস্স…পে… মানস্স… পত্থনায… কাযিকস্স সুখস্স…পে… ফলসমাপত্তিযা উপনিস্সযপচ্চযেন পচ্চযো. (১)

পৰামাসৱিপ্পযুত্তো ধম্মো পৰামাসসম্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায পৰামাসসম্পযুত্তো ৰাগো উপ্পজ্জতি; সীলং…পে… সেনাসনং উপনিস্সায পৰামাসসম্পযুত্তো ৰাগো উপ্পজ্জতি; সদ্ধা…পে… সেনাসনং পৰামাসসম্পযুত্তস্স ৰাগস্স…পে… পত্থনায উপনিস্সযপচ্চযেন পচ্চযো. (২)

পুৰেজাতপচ্চযো

৭৩. পৰামাসৱিপ্পযুত্তো ধম্মো পৰামাসৱিপ্পযুত্তস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ পৰামাসৱিপ্পযুত্তো ৰাগো…পে… ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স …পে… কাযাযতনং কাযৱিঞ্ঞাণস্স…পে… ৱত্থু পৰামাসৱিপ্পযুত্তানং খন্ধানং পুৰেজাতপচ্চযেন পচ্চযো. (১)

পৰামাসৱিপ্পযুত্তো ধম্মো পৰামাসসম্পযুত্তস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ পৰামাসসম্পযুত্তো ৰাগো উপ্পজ্জতি. ৱত্থুপুৰেজাতং – ৱত্থু পৰামাসসম্পযুত্তকানং খন্ধানং পুৰেজাতপচ্চযেন পচ্চযো. (২)

পচ্ছাজাতাসেৱনপচ্চযা

৭৪. পৰামাসসম্পযুত্তো ধম্মো পৰামাসৱিপ্পযুত্তস্স ধম্মস্স পচ্ছাজাতপচ্চযেন পচ্চযো (সংখিত্তং). (১)

পৰামাসৱিপ্পযুত্তো ধম্মো পৰামাসৱিপ্পযুত্তস্স ধম্মস্স পচ্ছাজাতপচ্চযেন পচ্চযো (সংখিত্তং). (১)

পৰামাসসম্পযুত্তো ধম্মো পৰামাসসম্পযুত্তস্স ধম্মস্স আসেৱনপচ্চযেন পচ্চযো… দ্ৱে.

কম্মপচ্চযাদি

৭৫. পৰামাসসম্পযুত্তো ধম্মো পৰামাসসম্পযুত্তস্স ধম্মস্স কম্মপচ্চযেন পচ্চযো – পৰামাসসম্পযুত্তা চেতনা সম্পযুত্তকানং খন্ধানং কম্মপচ্চযেন পচ্চযো. (১)

পৰামাসসম্পযুত্তো ধম্মো পৰামাসৱিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – পৰামাসসম্পযুত্তা চেতনা চিত্তসমুট্ঠানানং ৰূপানং কম্মপচ্চযেন পচ্চযো. নানাক্খণিকা – পৰামাসসম্পযুত্তা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (মূলং কাতব্বং) পৰামাসসম্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

পৰামাসৱিপ্পযুত্তো ধম্মো পৰামাসৱিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – পৰামাসৱিপ্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – পৰামাসৱিপ্পযুত্তা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (১)

ৱিপাকপচ্চযেন পচ্চযো… একং, আহাৰপচ্চযেন পচ্চযো… চত্তাৰি, ইন্দ্ৰিযপচ্চযেন পচ্চযো… চত্তাৰি, ঝানপচ্চযেন পচ্চযো… চত্তাৰি, মগ্গপচ্চযেন পচ্চযো… চত্তাৰি, সম্পযুত্তপচ্চযেন পচ্চযো… দ্ৱে.

ৱিপ্পযুত্তপচ্চযো

৭৬. পৰামাসসম্পযুত্তো ধম্মো পৰামাসৱিপ্পযুত্তস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

পৰামাসৱিপ্পযুত্তো ধম্মো পৰামাসৱিপ্পযুত্তস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). (১)

পৰামাসৱিপ্পযুত্তো ধম্মো পৰামাসসম্পযুত্তস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু পৰামাসম্পযুত্তকানং খন্ধানং ৱিপ্পযুত্তপচ্চযেন পচ্চযো. (১)

অত্থিপচ্চযো

৭৭. পৰামাসসম্পযুত্তো ধম্মো পৰামাসসম্পযুত্তস্স ধম্মস্স অত্থিপচ্চযেন পচ্চযো – পৰামাসসম্পযুত্তো একো খন্ধো তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা…পে…. (১)

পৰামাসসম্পযুত্তো ধম্মো পৰামাসৱিপ্পযুত্তস্স ধম্মস্স অত্থিপচ্চযেন পচ্চযো – পৰামাসসম্পযুত্তা খন্ধা চিত্তসমুট্ঠানানং ৰূপানং অত্থিপচ্চযেন পচ্চযো. (মূলং কাতব্বং.) (২)

পৰামাসসম্পযুত্তো ধম্মো পৰামাসসম্পযুত্তস্স চ পৰামাসৱিপ্পযুত্তস্স চ ধম্মস্স অত্থিপচ্চযেন পচ্চযো – পৰামাসসম্পযুত্তো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা…পে…. (৩)

৭৮. পৰামাসৱিপ্পযুত্তো ধম্মো পৰামাসৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). (১)

পৰামাসৱিপ্পযুত্তো ধম্মো পৰামাসসম্পযুত্তস্স ধম্মস্স অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ পৰামাসসম্পযুত্তো ৰাগো উপ্পজ্জতি, ৱত্থু পৰামাসসম্পযুত্তকানং খন্ধানং অত্থিপচ্চযেন পচ্চযো. (২)

৭৯. পৰামাসসম্পযুত্তো চ পৰামাসৱিপ্পযুত্তো চ ধম্মা পৰামাসসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – পৰামাসসম্পযুত্তো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে…. (১)

পৰামাসসম্পযুত্তো চ পৰামাসৱিপ্পযুত্তো চ ধম্মা পৰামাসৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – পৰামাসসম্পযুত্তা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – পৰামাসসম্পযুত্তা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – পৰামাসসম্পযুত্তা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)