১. ৱিভঙ্গৱাৰো

হেতুপচ্চযো

১৭. নোপৰামাসো ধম্মো নোপৰামাসস্স ধম্মস্স হেতুপচ্চযেন পচ্চযো – নোপৰামাসা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

নোপৰামাসো ধম্মো পৰামাসস্স ধম্মস্স হেতুপচ্চযেন পচ্চযো – নোপৰামাসা হেতূ পৰামাসস্স হেতুপচ্চযেন পচ্চযো. (২)

নোপৰামাসো ধম্মো পৰামাসস্স চ নোপৰামাসস্স চ ধম্মস্স হেতুপচ্চযেন পচ্চযো – নোপৰামাসা হেতূ সম্পযুত্তকানং খন্ধানং পৰামাসস্স চ চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

আৰম্মণপচ্চযো

১৮. পৰামাসো ধম্মো পৰামাসস্স ধম্মস্স আৰম্মণপচ্চযেন পচ্চযো – পৰামাসং আৰব্ভ পৰামাসো উপ্পজ্জতি. (মূলং কাতব্বং) পৰামাসং আৰব্ভ নোপৰামাসা খন্ধা উপ্পজ্জন্তি. (মূলং কাতব্বং) পৰামাসং আৰব্ভ পৰামাসো চ সম্পযুত্তকা চ খন্ধা উপ্পজ্জন্তি. (৩)

১৯. নোপৰামাসো ধম্মো নোপৰামাসস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি, অস্সাদেতি অভিনন্দতি, তং আৰব্ভ ৰাগো…পে… ৱিচিকিচ্ছা… উদ্ধচ্চং… দোমনস্সং উপ্পজ্জতি; পুব্বে সুচিণ্ণানি …পে… ঝানা ৱুট্ঠহিত্ৱা ঝানং…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি, নিব্বানং পচ্চৱেক্খন্তি. নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো; অৰিযা নোপৰামাসে পহীনে কিলেসে…পে… ৱিক্খম্ভিতে কিলেসে…পে… পুব্বে…পে… চক্খুং…পে… ৱত্থুং নোপৰামাসে খন্ধে অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ ৰাগো…পে… ৱিচিকিচ্ছা… উদ্ধচ্চং… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন নোপৰামাসচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… নোপৰামাসা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

নোপৰামাসো ধম্মো পৰামাসস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… তং অস্সাদেতি অভিনন্দতি, তং আৰব্ভ দিট্ঠি উপ্পজ্জতি, পুব্বে…পে… ঝানা…পে… চক্খুং…পে… ৱত্থুং নোপৰামাসে খন্ধে অস্সাদেতি অভিনন্দতি, তং আৰব্ভ দিট্ঠি উপ্পজ্জতি. (২)

নোপৰামাসো ধম্মো পৰামাসস্স চ নোপৰামাসস্স চ ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… তং অস্সাদেতি অভিনন্দতি, তং আৰব্ভ পৰামাসো চ সম্পযুত্তকা চ খন্ধা উপ্পজ্জন্তি, পুব্বে…পে… ঝানা …পে… চক্খুং…পে… ৱত্থুং নোপৰামাসে খন্ধে অস্সাদেতি অভিনন্দতি, তং আৰব্ভ পৰামাসো চ সম্পযুত্তকা চ খন্ধা উপ্পজ্জন্তি. (৩)

২০. পৰামাসো চ নোপৰামাসো চ ধম্মা পৰামাসস্স ধম্মস্স আৰম্মণপচ্চযেন পচ্চযো – পৰামাসঞ্চ সম্পযুত্তকে চ খন্ধে আৰব্ভ পৰামাসো উপ্পজ্জতি… তীণি.

অধিপতিপচ্চযো

২১. পৰামাসো ধম্মো পৰামাসস্স ধম্মস্স অধিপতিপচ্চযেন পচ্চযো – পৰামাসং গৰুং কত্ৱা পৰামাসো উপ্পজ্জতি… তীণি (আৰম্মণাধিপতিযেৱ কাতব্বা).

২২. নোপৰামাসো ধম্মো নোপৰামাসস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং…পে… তং গৰুং কত্ৱা পচ্চৱেক্খতি, অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, পুব্বে…পে… ঝানা…পে… অৰিযা মগ্গা ৱুট্ঠহিত্ৱা মগ্গং গৰুং কত্ৱা…পে… ফলং গৰুং কত্ৱা…পে… নিব্বানং গৰুং কত্ৱা…পে… নিব্বানং গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৱত্থুং নোপৰামাসে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি. সহজাতাধিপতি – নোপৰামাসাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

নোপৰামাসো ধম্মো পৰামাসস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৱত্থুং নোপৰামাসে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা দিট্ঠি উপ্পজ্জতি. সহজাতাধিপতি – নোপৰামাসাধিপতি পৰামাসস্স অধিপতিপচ্চযেন পচ্চযো. (২)

নোপৰামাসো ধম্মো পৰামাসস্স চ নোপৰামাসস্স চ ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং…পে… পুব্বে…পে… ঝানা …পে… চক্খুং…পে… ৱত্থুং নোপৰামাসে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা পৰামাসো চ সম্পযুত্তকা চ খন্ধা উপ্পজ্জন্তি. সহজাতাধিপতি – নোপৰামাসাধিপতি সম্পযুত্তকানং খন্ধানং পৰামাসস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

পৰামাসো চ নোপৰামাসো চ ধম্মা পৰামাসস্স ধম্মস্স অধিপতিপচ্চযেন পচ্চযো. আৰম্মণাধিপতি – পৰামাসঞ্চ সম্পযুত্তকে চ খন্ধে গৰুং কত্ৱা পৰামাসো… তীণি.

অনন্তৰপচ্চযো

২৩. পৰামাসো ধম্মো পৰামাসস্স ধম্মস্স অনন্তৰপচ্চযেন পচ্চযো – পুৰিমো পুৰিমো পৰামাসো পচ্ছিমস্স পচ্ছিমস্স পৰামাসস্স অনন্তৰপচ্চযেন পচ্চযো. (মূলং কাতব্বং) পুৰিমো পুৰিমো পৰামাসো পচ্ছিমানং পচ্ছিমানং নোপৰামাসানং খন্ধানং অনন্তৰপচ্চযেন পচ্চযো; পৰামাসো ৱুট্ঠানস্স অনন্তৰপচ্চযেন পচ্চযো. (মূলং কাতব্বং) পুৰিমো পুৰিমো পৰামাসো পচ্ছিমস্স পচ্ছিমস্স পৰামাসস্স সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)

২৪. নোপৰামাসো ধম্মো নোপৰামাসস্স ধম্মস্স অনন্তৰপচ্চযেন পচ্চযো – পুৰিমা পুৰিমা নোপৰামাসা খন্ধা পচ্ছিমানং পচ্ছিমানং নোপৰামাসানং খন্ধানং অনন্তৰপচ্চযেন পচ্চযো…পে… অনুলোমং ফলসমাপত্তিযা অনন্তৰপচ্চযেন পচ্চযো. (মূলং কাতব্বং) পুৰিমা পুৰিমা নোপৰামাসা খন্ধা পচ্ছিমস্স পচ্ছিমস্স পৰামাসস্স অনন্তৰপচ্চযেন পচ্চযো; আৱজ্জনা পৰামাসস্স অনন্তৰপচ্চযেন পচ্চযো. (মূলং কাতব্বং) পুৰিমা পুৰিমা নোপৰামাসা খন্ধা পচ্ছিমস্স পচ্ছিমস্স পৰামাসস্স চ সম্পযুত্তকানঞ্চ খন্ধানং অনন্তৰপচ্চযেন পচ্চযো; আৱজ্জনা পৰামাসস্স চ সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)

২৫. পৰামাসো চ নোপৰামাসো চ ধম্মা পৰামাসস্স ধম্মস্স অনন্তৰপচ্চযেন পচ্চযো – পুৰিমো পুৰিমো পৰামাসো চ সম্পযুত্তকা চ খন্ধা পচ্ছিমস্স পচ্ছিমস্স পৰামাসস্স অনন্তৰপচ্চযেন পচ্চযো. (মূলং কাতব্বং) পুৰিমো পুৰিমো পৰামাসো চ সম্পযুত্তকা চ খন্ধা পচ্ছিমানং পচ্ছিমানং নোপৰামাসানং খন্ধানং অনন্তৰপচ্চযেন পচ্চযো; পৰামাসো চ সম্পযুত্তকা চ খন্ধা ৱুট্ঠানস্স অনন্তৰপচ্চযেন পচ্চযো. (মূলং কাতব্বং) পুৰিমো পুৰিমো পৰামাসো চ সম্পযুত্তকা চ খন্ধা পচ্ছিমস্স পচ্ছিমস্স পৰামাসস্স সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)

সমনন্তৰপচ্চযাদি

২৬. পৰামাসো ধম্মো পৰামাসস্স ধম্মস্স সমনন্তৰপচ্চযেন পচ্চযো… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো… পঞ্চ.

উপনিস্সযপচ্চযো

২৭. পৰামাসো ধম্মো পৰামাসস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পৰামাসো পৰামাসস্স উপনিস্সযপচ্চযেন পচ্চযো… তীণি.

২৮. নোপৰামাসো ধম্মো নোপৰামাসস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি… মানং জপ্পেতি… সীলং…পে… পঞ্ঞং… ৰাগং… দোসং… মোহং… মানং… পত্থনং… কাযিকং সুখং…পে… সেনাসনং উপনিস্সায দানং দেতি…পে… সমাপত্তিং উপ্পাদেতি… পাণং হনতি…পে… সঙ্ঘং ভিন্দতি; সদ্ধা…পে… সেনাসনং, সদ্ধায…পে… পঞ্ঞায, ৰাগস্স…পে… পত্থনায… কাযিকস্স সুখস্স…পে… মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

নোপৰামাসো ধম্মো পৰামাসস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দিট্ঠিং গণ্হাতি, সীলং…পে… পঞ্ঞং, ৰাগং…পে… পত্থনং, কাযিকং সুখং…পে… সেনাসনং উপনিস্সায দিট্ঠিং গণ্হাতি; সদ্ধা…পে… সেনাসনং পৰামাসস্স উপনিস্সযপচ্চযেন পচ্চযো. (২)

নোপৰামাসো ধম্মো পৰামাসস্স চ নোপৰামাসস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দিট্ঠিং গণ্হাতি, সীলং…পে… সেনাসনং উপনিস্সায দিট্ঠিং গণ্হাতি; সদ্ধা…পে… সেনাসনং পৰামাসস্স সম্পযুত্তকানঞ্চ খন্ধানং উপনিস্সযপচ্চযেন পচ্চযো. (৩)

২৯. পৰামাসো চ নোপৰামাসো চ ধম্মা পৰামাসস্স ধম্মস্স উপনিস্সযপচ্চযেন পচ্চযো – তীণি উপনিস্সযা পৰামাসো চ সম্পযুত্তকা চ খন্ধা পৰামাসস্স উপনিস্সযপচ্চযেন পচ্চযো… তীণি.

পুৰেজাতপচ্চযো

৩০. নোপৰামাসো ধম্মো নোপৰামাসস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ ৰাগো…পে… ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নোপৰামাসানং খন্ধানং পুৰেজাতপচ্চযেন পচ্চযো. (১)

নোপৰামাসো ধম্মো পৰামাসস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ দিট্ঠি উপ্পজ্জতি. ৱত্থুপুৰেজাতং – ৱত্থু পৰামাসস্স পুৰেজাতপচ্চযেন পচ্চযো. (২)

নোপৰামাসো ধম্মো পৰামাসস্স চ নোপৰামাসস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ পৰামাসো চ সম্পযুত্তকা চ খন্ধা উপ্পজ্জন্তি. ৱত্থুপুৰেজাতং – ৱত্থু পৰামাসস্স চ সম্পযুত্তকানঞ্চ খন্ধানং পুৰেজাতপচ্চযেন পচ্চযো. (৩)

পচ্ছাজাতাসেৱনপচ্চযা

৩১. পৰামাসো ধম্মো নোপৰামাসস্স ধম্মস্স পচ্ছাজাতপচ্চযেন পচ্চযো… তীণি (পচ্ছাজাতা কাতব্বা)… আসেৱনপচ্চযেন পচ্চযো… নৱ.

কম্মপচ্চযো

৩২. নোপৰামাসো ধম্মো নোপৰামাসস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নোপৰামাসা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নোপৰামাসা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (মূলং কাতব্বং) নোপৰামাসা চেতনা পৰামাসস্স কম্মপচ্চযেন পচ্চযো. (মূলং কাতব্বং) নোপৰামাসা চেতনা পৰামাসস্স চ সম্পযুত্তকানঞ্চ খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

ৱিপাকপচ্চযাদি

৩৩. নোপৰামাসো ধম্মো নোপৰামাসস্স ধম্মস্স ৱিপাকপচ্চযেন পচ্চযো… একং… আহাৰপচ্চযেন পচ্চযো… তীণি, ইন্দ্ৰিযপচ্চযেন পচ্চযো… তীণি… ঝানপচ্চযেন পচ্চযো… তীণি.

পৰামাসো ধম্মো নোপৰামাসস্স ধম্মস্স মগ্গপচ্চযেন পচ্চযো – পৰামাসানি মগ্গঙ্গানি…পে… (এৱং পঞ্চ পঞ্হা কাতব্বা) সম্পযুত্তপচ্চযেন পচ্চযো… পঞ্চ.

ৱিপ্পযুত্তপচ্চযো

৩৪. পৰামাসো ধম্মো নোপৰামাসস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

নোপৰামাসো ধম্মো নোপৰামাসস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). (১)

নোপৰামাসো ধম্মো পৰামাসস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু পৰামাসস্স ৱিপ্পযুত্তপচ্চযেন পচ্চযো. (২)

নোপৰামাসো ধম্মো পৰামাসস্স চ নোপৰামাসস্স চ ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু পৰামাসস্স চ সম্পযুত্তকানঞ্চ খন্ধানং ৱিপ্পযুত্তপচ্চযেন পচ্চযো. (৩)

পৰামাসো চ নোপৰামাসো চ ধম্মা নোপৰামাসস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

অত্থিপচ্চযো

৩৫. পৰামাসো ধম্মো নোপৰামাসস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতো – পৰামাসো সম্পযুত্তকানঞ্চ খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো. পচ্ছাজাতো – পৰামাসো পুৰেজাতস্স ইমস্স কাযস্স অত্থিপচ্চযেন পচ্চযো. (১)

৩৬. নোপৰামাসো ধম্মো নোপৰামাসস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). (১)

নোপৰামাসো ধম্মো পৰামাসস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতা – নোপৰামাসা খন্ধা পৰামাসস্স অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ দিট্ঠি উপ্পজ্জতি, ৱত্থু পৰামাসস্স অত্থিপচ্চযেন পচ্চযো. (২)

নোপৰামাসো ধম্মো পৰামাসস্স চ নোপৰামাসস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – নোপৰামাসো একো খন্ধো তিণ্ণন্নং খন্ধানং পৰামাসস্স চ চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে…. পুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ পৰামাসো চ সম্পযুত্তকা চ খন্ধা উপ্পজ্জন্তি, ৱত্থু পৰামাসস্স চ সম্পযুত্তকানঞ্চ খন্ধানং অত্থিপচ্চযেন পচ্চযো. (৩)

৩৭. পৰামাসো চ নোপৰামাসো চ ধম্মা নোপৰামাসস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – নোপৰামাসো একো খন্ধো চ পৰামাসো চ তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা চ…পে… পৰামাসো চ সম্পযুত্তকা চ খন্ধা চিত্তসমুট্ঠানানং ৰূপানং অত্থিপচ্চযেন পচ্চযো; পৰামাসো চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো; পৰামাসো চ ৱত্থু চ নোপৰামাসানং খন্ধানং অত্থিপচ্চযেন পচ্চযো. পচ্ছাজাতো – পৰামাসো চ সম্পযুত্তকা চ খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতো – পৰামাসো চ সম্পযুত্তকা চ খন্ধা কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতো – পৰামাসো চ সম্পযুত্তকা চ খন্ধা ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (১)