১. ৱিভঙ্গৱাৰো

নহেতুপচ্চযো

৫. নোগন্থং ধম্মং পটিচ্চ নোগন্থো ধম্মো উপ্পজ্জতি নহেতুপচ্চযা – অহেতুকং নোগন্থং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে (যাৱ অসঞ্ঞসত্তা), ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

নআৰম্মণপচ্চযাদি

৬. গন্থং ধম্মং পটিচ্চ নোগন্থো ধম্মো উপ্পজ্জতি নআৰম্মণপচ্চযা – গন্থে পটিচ্চ চিত্তসমুট্ঠানং ৰূপং. (১)

নোগন্থং ধম্মং পটিচ্চ নোগন্থো ধম্মো উপ্পজ্জতি নআৰম্মণপচ্চযা – নোগন্থে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে… (যাৱ অসঞ্ঞসত্তা). (১)

গন্থঞ্চ নোগন্থঞ্চ ধম্মং পটিচ্চ নোগন্থো ধম্মো উপ্পজ্জতি নআৰম্মণপচ্চযা – গন্থে চ সম্পযুত্তকে চ খন্ধে পটিচ্চ চিত্তসমুট্ঠানং ৰূপং (সংখিত্তং).

নঅধিপতিপচ্চযা… নৱ, নঅনন্তৰপচ্চযা… তীণি, নসমনন্তৰপচ্চযা… তীণি, নঅঞ্ঞমঞ্ঞপচ্চযা… তীণি, নউপনিস্সযপচ্চযা… তীণি.

নপুৰেজাতপচ্চযাদি

৭. গন্থং ধম্মং পটিচ্চ গন্থো ধম্মো উপ্পজ্জতি নপুৰেজাতপচ্চযা – অৰূপে ইদংসচ্চাভিনিৱেসং কাযগন্থং পটিচ্চ অভিজ্ঝাকাযগন্থো, অভিজ্ঝাকাযগন্থং পটিচ্চ ইদংসচ্চাভিনিৱেসো কাযগন্থো (অৰূপে সীলব্বতপৰামাসো নত্থি, এৱং নৱ পঞ্হা কাতব্বা), নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নআহাৰে একং, নইন্দ্ৰিযে একং, নঝানে একং, নমগ্গে একং, নসম্পযুত্তে তীণি, নৱিপ্পযুত্তে নৱ, নোনত্থিযা তীণি, নোৱিগতে তীণি.