১. ৱিভঙ্গৱাৰো

হেতুপচ্চযো

১০৪. গন্থো চেৱ গন্থনিযো চ ধম্মো গন্থস্স চেৱ গন্থনিযস্স চ ধম্মস্স হেতুপচ্চযেন পচ্চযো – গন্থা হেতূ সম্পযুত্তকানং গন্থানং হেতুপচ্চযেন পচ্চযো (এৱং নৱ পঞ্হা ৱিত্থাৰেতব্বা).

আৰম্মণপচ্চযো

১০৫. গন্থো চেৱ গন্থনিযো চ ধম্মো গন্থস্স চেৱ গন্থনিযস্স চ ধম্মস্স আৰম্মণপচ্চযেন পচ্চযো – গন্থে আৰব্ভ গন্থা উপ্পজ্জন্তি. (মূলং পুচ্ছিতব্বং) গন্থে আৰব্ভ গন্থনিযা চেৱ নো চ গন্থা খন্ধা উপ্পজ্জন্তি. (মূলং পুচ্ছিতব্বং) গন্থে আৰব্ভ গন্থা চ সম্পযুত্তকা চ খন্ধা উপ্পজ্জন্তি. (৩)

১০৬. গন্থনিযো চেৱ নো চ গন্থো ধম্মো গন্থনিযস্স চেৱ নো চ গন্থস্স চ ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি…পে… ঝানা…পে… অৰিযা গোত্ৰভুং পচ্চৱেক্খন্তি, ৱোদানং পচ্চৱেক্খন্তি, পহীনে কিলেসে…পে… ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি, চক্খুং…পে… ৱত্থুং গন্থনিযে চেৱ নো চ গন্থে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. (সব্বং ৱিত্থাৰেতব্বং) আৱজ্জনায আৰম্মণপচ্চযেন পচ্চযো. (১)

গন্থনিযো চেৱ নো চ গন্থো ধম্মো গন্থস্স চেৱ গন্থনিযস্স চ ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি…পে… ৱিচিকিচ্ছা…পে… দোমনস্সং উপ্পজ্জতি; পুব্বে সুচিণ্ণানি…পে… ঝানা ৱুট্ঠহিত্ৱা ঝানং…পে… চক্খুং…পে… ৱত্থুং গন্থনিযে চেৱ নো চ গন্থে খন্ধে অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি…পে… দোমনস্সং উপ্পজ্জতি. (২)

গন্থনিযো চেৱ নো চ গন্থো ধম্মো গন্থস্স চেৱ গন্থনিযস্স চ গন্থনিযস্স চেৱ নো চ গন্থস্স চ ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা ৱুট্ঠহিত্ৱা ঝানং…পে… চক্খুং…পে… ৱত্থুং গন্থনিযে চেৱ নো চ গন্থে খন্ধে অস্সাদেতি অভিনন্দতি, তং আৰব্ভ গন্থা চ সম্পযুত্তকা চ খন্ধা উপ্পজ্জন্তি (এৱং ইতৰেপি তীণি ৱিত্থাৰেতব্বা). (৩)

(আৰব্ভ কাতব্বা. ইমস্মিং দুকে লোকুত্তৰং নত্থি, গন্থদুকসদিসং, নিন্নানাকৰণং. ‘‘গন্থনিয’’ন্তি নিযামেতব্বং, মগ্গে নৱ পঞ্হা কাতব্বা.)

গন্থগন্থনিযদুকং নিট্ঠিতং.