২. সঙ্খ্যাৱাৰো

সুদ্ধং

৯৬. হেতুযা নৱ, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে ছ, নিস্সযে নৱ, উপনিস্সযে নৱ, পুৰেজাতে তীণি, পচ্ছাজাতে তীণি, আসেৱনে নৱ, কম্মে চত্তাৰি, ৱিপাকে একং, আহাৰে চত্তাৰি, ইন্দ্ৰিযে চত্তাৰি, ঝানে চত্তাৰি, মগ্গে চত্তাৰি, সম্পযুত্তে ছ, ৱিপ্পযুত্তে পঞ্চ, অত্থিযা নৱ, নত্থিযা নৱ, ৱিগতে নৱ, অৱিগতে নৱ.

অনুলোমং.

পচ্চনীযুদ্ধাৰো

৯৭. গন্থসম্পযুত্তো ধম্মো গন্থসম্পযুত্তস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

গন্থসম্পযুত্তো ধম্মো গন্থৱিপ্পযুত্তস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো. (২)

গন্থসম্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)

৯৮. গন্থৱিপ্পযুত্তো ধম্মো গন্থৱিপ্পযুত্তস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো. (১)

গন্থৱিপ্পযুত্তো ধম্মো গন্থসম্পযুত্তস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো. (২)

গন্থৱিপ্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো. (৩)

৯৯. গন্থসম্পযুত্তো চ গন্থৱিপ্পযুত্তো চ ধম্মা গন্থসম্পযুত্তস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

গন্থসম্পযুত্তো চ গন্থৱিপ্পযুত্তো চ ধম্মা গন্থৱিপ্পযুত্তস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (২)

গন্থসম্পযুত্তো চ গন্থৱিপ্পযুত্তো চ ধম্মা গন্থসম্পযুত্তস্স চ গন্থৱিপ্পযুত্তস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)