১. ৱিভঙ্গৱাৰো

হেতুপচ্চযো

৬৯. গন্থসম্পযুত্তো ধম্মো গন্থসম্পযুত্তস্স ধম্মস্স হেতুপচ্চযেন পচ্চযো – গন্থসম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো. (১)

গন্থসম্পযুত্তো ধম্মো গন্থৱিপ্পযুত্তস্স ধম্মস্স হেতুপচ্চযেন পচ্চযো – গন্থসম্পযুত্তা হেতূ চিত্তসমুট্ঠানানং ৰূপানং হেতুপচ্চযেন পচ্চযো; দিট্ঠিগতৱিপ্পযুত্তলোভসহগতো হেতু লোভস্স চিত্তসমুট্ঠানানঞ্চ ৰূপানং হেতুপচ্চযেন পচ্চযো; দোমনস্সসহগতো হেতু পটিঘস্স চিত্তসমুট্ঠানানঞ্চ ৰূপানং হেতুপচ্চযেন পচ্চযো. (২)

গন্থসম্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স হেতুপচ্চযেন পচ্চযো – গন্থসম্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; দিট্ঠিগতৱিপ্পযুত্তলোভসহগতো হেতু সম্পযুত্তকানং খন্ধানং লোভস্স চ চিত্তসমুট্ঠানানঞ্চ ৰূপানং হেতুপচ্চযেন পচ্চযো; দোমনস্সসহগতো হেতু সম্পযুত্তকানং খন্ধানং পটিঘস্স চ চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

৭০. গন্থৱিপ্পযুত্তো ধম্মো গন্থৱিপ্পযুত্তস্স ধম্মস্স হেতুপচ্চযেন পচ্চযো – গন্থৱিপ্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; দিট্ঠিগতৱিপ্পযুত্তো লোভো চিত্তসমুট্ঠানানং ৰূপানং হেতুপচ্চযেন পচ্চযো; পটিঘং চিত্তসমুট্ঠানানং ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

গন্থৱিপ্পযুত্তো ধম্মো গন্থসম্পযুত্তস্স ধম্মস্স হেতুপচ্চযেন পচ্চযো – দিট্ঠিগতৱিপ্পযুত্তো লোভো সম্পযুত্তকানং খন্ধানং হেতুপচ্চযেন পচ্চযো; পটিঘং সম্পযুত্তকানং খন্ধানং হেতুপচ্চযেন পচ্চযো. (২)

গন্থৱিপ্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স হেতুপচ্চযেন পচ্চযো – দিট্ঠিগতৱিপ্পযুত্তো লোভো সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিঘং সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

৭১. গন্থসম্পযুত্তো চ গন্থৱিপ্পযুত্তো চ ধম্মা গন্থসম্পযুত্তস্স ধম্মস্স হেতুপচ্চযেন পচ্চযো – দিট্ঠিগতৱিপ্পযুত্তলোভসহগতো হেতু চ লোভো চ সম্পযুত্তকানং খন্ধানং হেতুপচ্চযেন পচ্চযো; দোমনস্সসহগতো হেতু চ পটিঘঞ্চ সম্পযুত্তকানং খন্ধানং হেতুপচ্চযেন পচ্চযো. (১)

গন্থসম্পযুত্তো চ গন্থৱিপ্পযুত্তো চ ধম্মা গন্থৱিপ্পযুত্তস্স ধম্মস্স হেতুপচ্চযেন পচ্চযো – দিট্ঠিগতৱিপ্পযুত্তলোভসহগতো হেতু চ লোভো চ চিত্তসমুট্ঠানানং ৰূপানং হেতুপচ্চযেন পচ্চযো; দোমনস্সসহগতো হেতু চ পটিঘঞ্চ চিত্তসমুট্ঠানানং ৰূপানং হেতুপচ্চযেন পচ্চযো. (২)

গন্থসম্পযুত্তো চ গন্থৱিপ্পযুত্তো চ ধম্মা গন্থসম্পযুত্তস্স চ গন্থৱিপ্পযুত্তস্স চ ধম্মস্স হেতুপচ্চযেন পচ্চযো – দিট্ঠিগতৱিপ্পযুত্তলোভসহগতো হেতু চ লোভো চ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; দোমনস্সসহগতো হেতু চ পটিঘঞ্চ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

আৰম্মণপচ্চযো

৭২. গন্থসম্পযুত্তো ধম্মো গন্থসম্পযুত্তস্স ধম্মস্স আৰম্মণপচ্চযেন পচ্চযো – গন্থসম্পযুত্তে খন্ধে আৰব্ভ গন্থসম্পযুত্তকা খন্ধা উপ্পজ্জন্তি. (তীসুপি মূলা পুচ্ছিতব্বা) গন্থসম্পযুত্তে খন্ধে আৰব্ভ গন্থৱিপ্পযুত্তা খন্ধা উপ্পজ্জন্তি, গন্থসম্পযুত্তে খন্ধে আৰব্ভ দিট্ঠিগতৱিপ্পযুত্তলোভসহগতা খন্ধা চ লোভো চ উপ্পজ্জন্তি, দোমনস্সসহগতা খন্ধা চ পটিঘঞ্চ উপ্পজ্জন্তি. (৩)

৭৩. গন্থৱিপ্পযুত্তো ধম্মো গন্থৱিপ্পযুত্তস্স ধম্মস্স আৰম্মণপচ্চযেন পচ্চযো – দানং দত্ৱা সীলং…পে… উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, ঝানা ৱুট্ঠহিত্ৱা ঝানং পচ্চৱেক্খতি, অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি, নিব্বানং পচ্চৱেক্খন্তি, নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো; অৰিযা গন্থৱিপ্পযুত্তে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি, চক্খুং…পে… ৱত্থুং গন্থৱিপ্পযুত্তে খন্ধে চ লোভঞ্চ পটিঘঞ্চ অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ গন্থৱিপ্পযুত্তো ৰাগো উপ্পজ্জতি, ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন গন্থৱিপ্পযুত্তচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… গন্থৱিপ্পযুত্তা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

গন্থৱিপ্পযুত্তো ধম্মো গন্থসম্পযুত্তস্স ধম্মস্স আৰম্মণপচ্চযেন পচ্চযো – দানং দত্ৱা সীলং…পে… উপোসথকম্মং…পে… পুব্বে…পে… ঝানা…পে… তং অস্সাদেতি অভিনন্দতি, তং আৰব্ভ গন্থসম্পযুত্তো ৰাগো উপ্পজ্জতি… দিট্ঠি উপ্পজ্জতি… দোমনস্সং উপ্পজ্জতি (সংখিত্তং). (২)

গন্থৱিপ্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স আৰম্মণপচ্চযেন পচ্চযো – চক্খুং…পে… ৱত্থুং গন্থৱিপ্পযুত্তে খন্ধে চ লোভঞ্চ পটিঘঞ্চ আৰব্ভ দিট্ঠিগতৱিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ উপ্পজ্জন্তি. (৩)

৭৪. গন্থসম্পযুত্তো চ গন্থৱিপ্পযুত্তো চ ধম্মা গন্থসম্পযুত্তস্স ধম্মস্স আৰম্মণপচ্চযেন পচ্চযো – দিট্ঠিগতৱিপ্পযুত্তলোভসহগতে খন্ধে চ লোভঞ্চ দোমনস্সসহগতে খন্ধে চ পটিঘঞ্চ আৰব্ভ গন্থসম্পযুত্তকা খন্ধা উপ্পজ্জন্তি. (মূলং পুচ্ছিতব্বং) দিট্ঠিগতৱিপ্পযুত্তলোভসহগতে খন্ধে চ লোভঞ্চ দোমনস্সসহগতে খন্ধে চ পটিঘঞ্চ আৰব্ভ গন্থৱিপ্পযুত্তা খন্ধা উপ্পজ্জন্তি, দিট্ঠিগতৱিপ্পযুত্তলোভসহগতে খন্ধে চ লোভঞ্চ দোমনস্সসহগতে খন্ধে চ পটিঘঞ্চ আৰব্ভ দিট্ঠিগতৱিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ উপ্পজ্জন্তি. (৩)

অধিপতিপচ্চযো

৭৫. গন্থসম্পযুত্তো ধম্মো গন্থসম্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – গন্থসম্পযুত্তে খন্ধে গৰুং কত্ৱা গন্থসম্পযুত্তকা খন্ধা উপ্পজ্জন্তি. সহজাতাধিপতি – গন্থসম্পযুত্তাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

গন্থসম্পযুত্তো ধম্মো গন্থৱিপ্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – গন্থসম্পযুত্তে খন্ধে গৰুং কত্ৱা দিট্ঠিগতৱিপ্পযুত্তো লোভো উপ্পজ্জতি. সহজাতাধিপতি – গন্থসম্পযুত্তাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো; দিট্ঠিগতৱিপ্পযুত্তলোভসহগতাধিপতি লোভস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো; দোমনস্সসহগতাধিপতি পটিঘস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (২)

গন্থসম্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – গন্থসম্পযুত্তে খন্ধে গৰুং কত্ৱা দিট্ঠিগতৱিপ্পযুত্তলোভসহগতা খন্ধা চ লোভো চ উপ্পজ্জন্তি. সহজাতাধিপতি – দিট্ঠিগতৱিপ্পযুত্তলোভসহগতাধিপতি সম্পযুত্তকানং খন্ধানং লোভস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো; দোমনস্সসহগতাধিপতি সম্পযুত্তকানং খন্ধানং পটিঘস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো.(৩)

৭৬. গন্থৱিপ্পযুত্তো ধম্মো গন্থৱিপ্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং কত্ৱা তং গৰুং কত্ৱা পচ্চৱেক্খতি, পুব্বে সুচিণ্ণানি গৰুং কত্ৱা পচ্চৱেক্খতি, ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি, অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ফলা ৱুট্ঠহিত্ৱা ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি, নিব্বানং গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৱত্থুং গন্থৱিপ্পযুত্তে খন্ধে চ লোভঞ্চ গৰুং কত্ৱা অস্সাদেতি অভিনন্দতি, তং গৰুং কত্ৱা গন্থৱিপ্পযুত্তো ৰাগো উপ্পজ্জতি. সহজাতাধিপতি – গন্থৱিপ্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

গন্থৱিপ্পযুত্তো ধম্মো গন্থসম্পযুত্তস্স ধম্মস্স অধিপতিপচ্চযেন পচ্চযো. আৰম্মণাধিপতি – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা ৱুট্ঠহিত্ৱা ঝানং…পে… চক্খুং…পে… ৱত্থুং গন্থৱিপ্পযুত্তে খন্ধে চ লোভঞ্চ গৰুং কত্ৱা অস্সাদেতি অভিনন্দতি, তং গৰুং কত্ৱা গন্থসম্পযুত্তো ৰাগো উপ্পজ্জতি… দিট্ঠি উপ্পজ্জতি. (২)

গন্থৱিপ্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স অধিপতিপচ্চযেন পচ্চযো. আৰম্মণাধিপতি – চক্খুং…পে… ৱত্থুং গন্থৱিপ্পযুত্তে খন্ধে চ লোভঞ্চ গৰুং কত্ৱা দিট্ঠিগতৱিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

৭৭. গন্থসম্পযুত্তো চ গন্থৱিপ্পযুত্তো চ ধম্মা গন্থসম্পযুত্তস্স ধম্মস্স অধিপতিপচ্চযেন পচ্চযো. আৰম্মণাধিপতি – দিট্ঠিগতৱিপ্পযুত্তলোভসহগতে খন্ধে চ লোভঞ্চ গৰুং কত্ৱা গন্থসম্পযুত্তকা খন্ধা উপ্পজ্জন্তি. (মূলা পুচ্ছিতব্বা) দিট্ঠিগতৱিপ্পযুত্তলোভসহগতে খন্ধে চ লোভঞ্চ গৰুং কত্ৱা দিট্ঠিগতৱিপ্পযুত্তো লোভো উপ্পজ্জতি. (মূলা পুচ্ছিতব্বা) দিট্ঠিগতৱিপ্পযুত্তলোভসহগতে খন্ধে চ লোভঞ্চ গৰুং কত্ৱা দিট্ঠিগতৱিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

অনন্তৰপচ্চযো

৭৮. গন্থসম্পযুত্তো ধম্মো গন্থসম্পযুত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা গন্থসম্পযুত্তা খন্ধা পচ্ছিমানং পচ্ছিমানং গন্থসম্পযুত্তকানং খন্ধানং অনন্তৰপচ্চযেন পচ্চযো. (মূলা পুচ্ছিতব্বা) পুৰিমা পুৰিমা দিট্ঠিগতৱিপ্পযুত্তলোভসহগতা খন্ধা পচ্ছিমস্স পচ্ছিমস্স দিট্ঠিগতৱিপ্পযুত্তস্স লোভস্স অনন্তৰপচ্চযেন পচ্চযো; পুৰিমা পুৰিমা দোমনস্সসহগতা খন্ধা পচ্ছিমস্স পচ্ছিমস্স পটিঘস্স অনন্তৰপচ্চযেন পচ্চযো; গন্থসম্পযুত্তা খন্ধা ৱুট্ঠানস্স অনন্তৰপচ্চযেন পচ্চযো. (মূলা পুচ্ছিতব্বা) পুৰিমা পুৰিমা দিট্ঠিগতৱিপ্পযুত্তলোভসহগতা খন্ধা পচ্ছিমানং পচ্ছিমানং দিট্ঠিগতৱিপ্পযুত্তলোভসহগতানং খন্ধানং লোভস্স চ অনন্তৰপচ্চযেন পচ্চযো; পুৰিমা পুৰিমা দোমনস্সসহগতা খন্ধা পচ্ছিমানং পচ্ছিমানং দোমনস্সসহগতানং খন্ধানং পটিঘস্স চ অনন্তৰপচ্চযেন পচ্চযো. (৩)

৭৯. গন্থৱিপ্পযুত্তো ধম্মো গন্থৱিপ্পযুত্তস্স ধম্মস্স অনন্তৰপচ্চযেন পচ্চযো – পুৰিমো পুৰিমো দিট্ঠিগতৱিপ্পযুত্তো লোভো পচ্ছিমস্স পচ্ছিমস্স দিট্ঠিগতৱিপ্পযুত্তস্স লোভস্স অনন্তৰপচ্চযেন পচ্চযো; পুৰিমং পুৰিমং পটিঘং পচ্ছিমস্স পচ্ছিমস্স পটিঘস্স অনন্তৰপচ্চযেন পচ্চযো; পুৰিমা পুৰিমা গন্থৱিপ্পযুত্তা খন্ধা পচ্ছিমানং পচ্ছিমানং গন্থৱিপ্পযুত্তানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স…পে… ফলসমাপত্তিযা অনন্তৰপচ্চযেন পচ্চযো. (১)

গন্থৱিপ্পযুত্তো ধম্মো গন্থসম্পযুত্তস্স ধম্মস্স অনন্তৰপচ্চযেন পচ্চযো – পুৰিমো পুৰিমো দিট্ঠিগতৱিপ্পযুত্তো লোভো পচ্ছিমানং পচ্ছিমানং দিট্ঠিগতৱিপ্পযুত্তলোভসহগতানং খন্ধানং অনন্তৰপচ্চযেন পচ্চযো; পুৰিমং পুৰিমং পটিঘং পচ্ছিমানং পচ্ছিমানং দোমনস্সসহগতানং খন্ধানং অনন্তৰপচ্চযেন পচ্চযো; আৱজ্জনা গন্থসম্পযুত্তকানং খন্ধানং অনন্তৰপচ্চযেন পচ্চযো. (২)

গন্থৱিপ্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স অনন্তৰপচ্চযেন পচ্চযো – পুৰিমো পুৰিমো দিট্ঠিগতৱিপ্পযুত্তো লোভো পচ্ছিমানং পচ্ছিমানং দিট্ঠিগতৱিপ্পযুত্তলোভসহগতানং খন্ধানং লোভস্স চ অনন্তৰপচ্চযেন পচ্চযো; পুৰিমং পুৰিমং পটিঘং পচ্ছিমানং পচ্ছিমানং দোমনস্সসহগতানং খন্ধানং পটিঘস্স চ অনন্তৰপচ্চযেন পচ্চযো; আৱজ্জনা দিট্ঠিগতৱিপ্পযুত্তলোভসহগতানং খন্ধানং লোভস্স চ দোমনস্সসহগতানং খন্ধানং পটিঘস্স চ অনন্তৰপচ্চযেন পচ্চযো. (৩)

৮০. গন্থসম্পযুত্তো চ গন্থৱিপ্পযুত্তো চ ধম্মা গন্থসম্পযুত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা দিট্ঠিগতৱিপ্পযুত্তলোভসহগতা খন্ধা চ লোভো চ পচ্ছিমানং পচ্ছিমানং দিট্ঠিগতৱিপ্পযুত্তলোভসহগতানং খন্ধানং অনন্তৰপচ্চযেন পচ্চযো; পুৰিমা পুৰিমা দোমনস্সসহগতা খন্ধা চ পটিঘঞ্চ পচ্ছিমানং পচ্ছিমানং দোমনস্সসহগতানং খন্ধানং অনন্তৰপচ্চযেন পচ্চযো. (মূলা পুচ্ছিতব্বা) পুৰিমা পুৰিমা দিট্ঠিগতৱিপ্পযুত্তলোভসহগতা খন্ধা চ লোভো চ পচ্ছিমস্স পচ্ছিমস্স দিট্ঠিগতৱিপ্পযুত্তস্স লোভস্স অনন্তৰপচ্চযেন পচ্চযো; পুৰিমা পুৰিমা দোমনস্সসহগতা খন্ধা চ পটিঘঞ্চ পচ্ছিমস্স পচ্ছিমস্স পটিঘস্স অনন্তৰপচ্চযেন পচ্চযো; দিট্ঠিগতৱিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ ৱুট্ঠানস্স অনন্তৰপচ্চযেন পচ্চযো. (মূলা পুচ্ছিতব্বা) পুৰিমা পুৰিমা দিট্ঠিগতৱিপ্পযুত্তলোভসহগতা খন্ধা চ লোভো চ পচ্ছিমানং পচ্ছিমানং দিট্ঠিগতৱিপ্পযুত্তলোভসহগতানং খন্ধানং লোভস্স চ অনন্তৰপচ্চযেন পচ্চযো; পুৰিমা পুৰিমা দোমনস্সসহগতা খন্ধা চ পটিঘঞ্চ পচ্ছিমানং পচ্ছিমানং দোমনস্সসহগতানং খন্ধানং পটিঘস্স চ অনন্তৰপচ্চযেন পচ্চযো. (৩)

সমনন্তৰপচ্চযাদি

৮১. গন্থসম্পযুত্তো ধম্মো গন্থসম্পযুত্তস্স ধম্মস্স সমনন্তৰপচ্চযেন পচ্চযো… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো.

উপনিস্সযপচ্চযো

৮২. গন্থসম্পযুত্তো ধম্মো গন্থসম্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – গন্থসম্পযুত্তা খন্ধা গন্থসম্পযুত্তকানং খন্ধানং উপনিস্সযপচ্চযেন পচ্চযো. (মূলং পুচ্ছিতব্বং, তীণিপি উপনিস্সযা) গন্থসম্পযুত্তা খন্ধা গন্থৱিপ্পযুত্তানং খন্ধানং উপনিস্সযপচ্চযেন পচ্চযো. (মূলং, তীণিপি উপনিস্সযা) গন্থসম্পযুত্তা খন্ধা দিট্ঠিগতৱিপ্পযুত্তলোভসহগতানং খন্ধানং লোভস্স চ উপনিস্সযপচ্চযেন পচ্চযো; দোমনস্সসহগতানং খন্ধানং পটিঘস্স চ উপনিস্সযপচ্চযেন পচ্চযো. (৩)

৮৩. গন্থৱিপ্পযুত্তো ধম্মো গন্থৱিপ্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি… মানং জপ্পেতি… সীলং…পে… পঞ্ঞং … ৰাগং… দোসং… মোহং… মানং… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সমাপত্তিং উপ্পাদেতি… পাণং হনতি…পে… সঙ্ঘং ভিন্দতি; সদ্ধা…পে… পঞ্ঞা, ৰাগো…পে… পত্থনা…পে… সেনাসনং সদ্ধায…পে… পঞ্ঞায… ৰাগস্স… দোসস্স… মোহস্স… মানস্স… পত্থনায…পে… ফলসমাপত্তিযা উপনিস্সযপচ্চযেন পচ্চযো. (১)

গন্থৱিপ্পযুত্তো ধম্মো গন্থসম্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… পঞ্ঞং… ৰাগং…পে… মানং… পত্থনং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং ৰাগস্স… দোসস্স … মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. (২)

গন্থৱিপ্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স উপনিস্সযপচ্চযেন পচ্চযো (তীণি উপনিস্সযা); সদ্ধং উপনিস্সায মানং জপ্পেতি; সীলং…পে… পঞ্ঞং… ৰাগং… দোসং… মোহং… মানং… পত্থনং… কাযিকং সুখং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… পঞ্ঞা… ৰাগো… দোসো… মোহো… মানো… পত্থনা…পে… সেনাসনং দিট্ঠিগতৱিপ্পযুত্তলোভসহগতানং খন্ধানং লোভস্স চ দোমনস্সসহগতানং খন্ধানং পটিঘস্স চ উপনিস্সযপচ্চযেন পচ্চযো. (৩)

৮৪. গন্থসম্পযুত্তো চ গন্থৱিপ্পযুত্তো চ ধম্মা গন্থসম্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো …পে…. পকতূপনিস্সযো – দিট্ঠিগতৱিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ গন্থসম্পযুত্তকানং খন্ধানং উপনিস্সযপচ্চযেন পচ্চযো. (মূলং কাতব্বং) দিট্ঠিগতৱিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ গন্থৱিপ্পযুত্তানং খন্ধানং দিট্ঠিগতৱিপ্পযুত্তলোভস্স চ পটিঘস্স চ উপনিস্সযপচ্চযেন পচ্চযো. (মূলং পুচ্ছিতব্বং) দিট্ঠিগতৱিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ দিট্ঠিগতৱিপ্পযুত্তলোভসহগতানং খন্ধানং লোভস্স চ দোমনস্সসহগতানং খন্ধানং পটিঘস্স চ উপনিস্সযপচ্চযেন পচ্চযো. (৩)

পুৰেজাতপচ্চযো

৮৫. গন্থৱিপ্পযুত্তো ধম্মো গন্থৱিপ্পযুত্তস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো ৱিপস্সতি, অস্সাদেতি অভিনন্দতি, তং আৰব্ভ গন্থৱিপ্পযুত্তো ৰাগো উপ্পজ্জতি, ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু গন্থৱিপ্পযুত্তানং খন্ধানং দিট্ঠিগতৱিপ্পযুত্তস্স লোভস্স চ পটিঘস্স চ পুৰেজাতপচ্চযেন পচ্চযো. (১)

গন্থৱিপ্পযুত্তো ধম্মো গন্থসম্পযুত্তস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ গন্থসম্পযুত্তো ৰাগো উপ্পজ্জতি, দিট্ঠি…পে… দোমনস্সং উপ্পজ্জতি. ৱত্থুপুৰেজাতং – ৱত্থু গন্থসম্পযুত্তকানং খন্ধানং পুৰেজাতপচ্চযেন পচ্চযো. (২)

গন্থৱিপ্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং আৰব্ভ দিট্ঠিগতৱিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ উপ্পজ্জন্তি. ৱত্থুপুৰেজাতং – ৱত্থু দিট্ঠিগতৱিপ্পযুত্তলোভসহগতানং খন্ধানং লোভস্স চ দোমনস্সসহগতানং খন্ধানং পটিঘস্স চ পুৰেজাতপচ্চযেন পচ্চযো. (৩)

পচ্ছাজাতপচ্চযো

৮৬. গন্থসম্পযুত্তো ধম্মো গন্থৱিপ্পযুত্তস্স ধম্মস্স পচ্ছাজাতপচ্চযেন পচ্চযো… একং.

গন্থৱিপ্পযুত্তো ধম্মো গন্থৱিপ্পযুত্তস্স ধম্মস্স পচ্ছাজাতপচ্চযেন পচ্চযো… একং.

গন্থসম্পযুত্তো চ গন্থৱিপ্পযুত্তো চ ধম্মা গন্থৱিপ্পযুত্তস্স ধম্মস্স পচ্ছাজাতপচ্চযেন পচ্চযো – পচ্ছাজাতা দিট্ঠিগতৱিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৱনপচ্চযো

৮৭. গন্থসম্পযুত্তো ধম্মো গন্থসম্পযুত্তস্স ধম্মস্স আসেৱনপচ্চযেন পচ্চযো (অনন্তৰসদিসং, আৱজ্জনাপি ৱুট্ঠানম্পি নত্থি).

কম্মপচ্চযো

৮৮. গন্থসম্পযুত্তো ধম্মো গন্থসম্পযুত্তস্স ধম্মস্স কম্মপচ্চযেন পচ্চযো – গন্থসম্পযুত্তা চেতনা সম্পযুত্তকানং খন্ধানং কম্মপচ্চযেন পচ্চযো. (১)

গন্থসম্পযুত্তো ধম্মো গন্থৱিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – গন্থসম্পযুত্তা চেতনা চিত্তসমুট্ঠানানং ৰূপানং কম্মপচ্চযেন পচ্চযো; দিট্ঠিগতৱিপ্পযুত্তলোভসহগতা চেতনা লোভস্স চ চিত্তসমুট্ঠানানঞ্চ ৰূপানং কম্মপচ্চযেন পচ্চযো; দোমনস্সসহগতা চেতনা পটিঘস্স চ চিত্তসমুট্ঠানানঞ্চ ৰূপানং কম্মপচ্চযেন পচ্চযো. নানাক্খণিকা – গন্থসম্পযুত্তা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (২)

গন্থসম্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স কম্মপচ্চযেন পচ্চযো – গন্থসম্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; দিট্ঠিগতৱিপ্পযুত্তলোভসহগতা চেতনা সম্পযুত্তকানং খন্ধানং লোভস্স চ চিত্তসমুট্ঠানানঞ্চ ৰূপানং কম্মপচ্চযেন পচ্চযো; দোমনস্সসহগতা চেতনা সম্পযুত্তকানং খন্ধানং পটিঘস্স চ চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

৮৯. গন্থৱিপ্পযুত্তো ধম্মো গন্থৱিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – গন্থৱিপ্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – গন্থৱিপ্পযুত্তা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (১)

ৱিপাকপচ্চযাদি

৯০. গন্থৱিপ্পযুত্তো ধম্মো গন্থৱিপ্পযুত্তস্স ধম্মস্স ৱিপাকপচ্চযেন পচ্চযো… একং.

গন্থসম্পযুত্তো ধম্মো গন্থসম্পযুত্তস্স ধম্মস্স আহাৰপচ্চযেন পচ্চযো… চত্তাৰি… ইন্দ্ৰিযপচ্চযেন পচ্চযো… চত্তাৰি… ঝানপচ্চযেন পচ্চযো… চত্তাৰি… মগ্গপচ্চযেন পচ্চযো … চত্তাৰি… সম্পযুত্তপচ্চযেন পচ্চযো… ছ.

ৱিপ্পযুত্তপচ্চযো

৯১. গন্থসম্পযুত্তো ধম্মো গন্থৱিপ্পযুত্তস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং, ৱিভজিতব্বং). (১)

গন্থৱিপ্পযুত্তো ধম্মো গন্থৱিপ্পযুত্তস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). (১)

গন্থৱিপ্পযুত্তো ধম্মো গন্থসম্পযুত্তস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু গন্থসম্পযুত্তকানং খন্ধানং ৱিপ্পযুত্তপচ্চযেন পচ্চযো. (২)

গন্থৱিপ্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু দিট্ঠিগতৱিপ্পযুত্তলোভসহগতানং খন্ধানং লোভস্স চ দোমনস্সসহগতানং খন্ধানং পটিঘস্স চ ৱিপ্পযুত্তপচ্চযেন পচ্চযো. (৩)

৯২. গন্থসম্পযুত্তো চ গন্থৱিপ্পযুত্তো চ ধম্মা গন্থৱিপ্পযুত্তস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – দিট্ঠিগতৱিপ্পযুত্তলোভসহগতা খন্ধা চ লোভো চ চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; দোমনস্সসহগতা খন্ধা চ পটিঘঞ্চ চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – দিট্ঠিগতৱিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অত্থিপচ্চযো

৯৩. গন্থসম্পযুত্তো ধম্মো গন্থসম্পযুত্তস্স ধম্মস্স অত্থিপচ্চযেন পচ্চযো… একং (পটিচ্চসদিসং). (১)

গন্থসম্পযুত্তো ধম্মো গন্থৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং, ৱিভজিতব্বং). (২)

গন্থসম্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স অত্থিপচ্চযেন পচ্চযো… একং (পটিচ্চসদিসং). (৩)

৯৪. গন্থৱিপ্পযুত্তো ধম্মো গন্থৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং, ৱিভজিতব্বং). (১)

গন্থৱিপ্পযুত্তো ধম্মো গন্থসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – দিট্ঠিগতৱিপ্পযুত্তো লোভো সম্পযুত্তকানং খন্ধানং অত্থিপচ্চযেন পচ্চযো; দোমনস্সসহগতং পটিঘং সম্পযুত্তকানং খন্ধানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ গন্থসম্পযুত্তো ৰাগো…পে… দিট্ঠি…পে… দোমনস্সং উপ্পজ্জতি, ৱত্থু গন্থসম্পযুত্তকানং খন্ধানং অত্থিপচ্চযেন পচ্চযো. (২)

গন্থৱিপ্পযুত্তো ধম্মো গন্থসম্পযুত্তস্স চ গন্থৱিপ্পযুত্তস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – দিট্ঠিগতৱিপ্পযুত্তো লোভো সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো; পটিঘং সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং আৰব্ভ দিট্ঠিগতৱিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ উপ্পজ্জন্তি, ৱত্থু দিট্ঠিগতৱিপ্পযুত্তলোভসহগতানং খন্ধানং লোভস্স চ দোমনস্সসহগতানং খন্ধানং পটিঘস্স চ অত্থিপচ্চযেন পচ্চযো. (৩)

৯৫. গন্থসম্পযুত্তো চ গন্থৱিপ্পযুত্তো চ ধম্মা গন্থসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – গন্থসম্পযুত্তো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে…. সহজাতো – দিট্ঠিগতৱিপ্পযুত্তলোভসহগতো একো খন্ধো চ লোভো চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে… দোমনস্সসহগতো একো খন্ধো চ পটিঘঞ্চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে…. (১)

গন্থসম্পযুত্তো চ গন্থৱিপ্পযুত্তো চ ধম্মা গন্থৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতা – গন্থসম্পযুত্তা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. সহজাতা – দিট্ঠিগতৱিপ্পযুত্তলোভসহগতা খন্ধা চ লোভো চ চিত্তসমুট্ঠানানং ৰূপানং অত্থিপচ্চযেন পচ্চযো. সহজাতা – দোমনস্সসহগতা খন্ধা চ পটিঘঞ্চ চিত্তসমুট্ঠানানং ৰূপানং অত্থিপচ্চযেন পচ্চযো; দিট্ঠিগতৱিপ্পযুত্তলোভসহগতা খন্ধা চ ৱত্থু চ লোভস্স অত্থিপচ্চযেন পচ্চযো; দোমনস্সসহগতা খন্ধা চ ৱত্থু চ পটিঘস্স অত্থিপচ্চযেন পচ্চযো. পচ্ছাজাতা – দিট্ঠিগতৱিপ্পযুত্তলোভসহগতা খন্ধা চ লোভো চ দোমনস্সসহগতা খন্ধা চ পটিঘঞ্চ পুৰেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – গন্থসম্পযুত্তা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – গন্থসম্পযুত্তা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

গন্থসম্পযুত্তো চ গন্থৱিপ্পযুত্তো চ ধম্মা গন্থসম্পযুত্তস্স চ গন্থৱিপ্পযুত্তস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – দিট্ঠিগতৱিপ্পযুত্তলোভসহগতো একো খন্ধো চ লোভো চ তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা চ…পে…. সহজাতো – দোমনস্সসহগতো একো খন্ধো চ পটিঘঞ্চ তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা চ…পে…. সহজাতো – দিট্ঠিগতৱিপ্পযুত্তলোভসহগতো একো খন্ধো চ ৱত্থু চ তিণ্ণন্নং খন্ধানং লোভস্স চ অত্থিপচ্চযেন পচ্চযো…পে… দ্ৱে খন্ধা চ…পে…. সহজাতো – দোমনস্সসহগতো একো খন্ধো চ ৱত্থু চ তিণ্ণন্নং খন্ধানং পটিঘস্স চ অত্থিপচ্চযেন পচ্চযো…পে… দ্ৱে খন্ধা চ…পে…. (৩)