১. ৱিভঙ্গৱাৰো

হেতুপচ্চযো

৬২. গন্থসম্পযুত্তং ধম্মং সংসট্ঠো গন্থসম্পযুত্তো ধম্মো উপ্পজ্জতি হেতুপচ্চযা – গন্থসম্পযুত্তং একং খন্ধং সংসট্ঠা তযো খন্ধা…পে… দ্ৱে খন্ধে…পে…. (১)

গন্থসম্পযুত্তং ধম্মং সংসট্ঠো গন্থৱিপ্পযুত্তো ধম্মো উপ্পজ্জতি হেতুপচ্চযা – দিট্ঠিগতৱিপ্পযুত্তলোভসহগতে খন্ধে সংসট্ঠো লোভো, দোমনস্সসহগতে খন্ধে সংসট্ঠং পটিঘং. (২)

গন্থসম্পযুত্তং ধম্মং সংসট্ঠো গন্থসম্পযুত্তো চ গন্থৱিপ্পযুত্তো চ ধম্মা উপ্পজ্জন্তি হেতুপচ্চযা – দিট্ঠিগতৱিপ্পযুত্তলোভসহগতং একং খন্ধং সংসট্ঠা তযো খন্ধা লোভো চ…পে… দ্ৱে খন্ধে…পে… দোমনস্সসহগতং একং খন্ধং সংসট্ঠা তযো খন্ধা পটিঘঞ্চ…পে… দ্ৱে খন্ধে…পে…. (৩)

৬৩. গন্থৱিপ্পযুত্তং ধম্মং সংসট্ঠো গন্থৱিপ্পযুত্তো ধম্মো উপ্পজ্জতি হেতুপচ্চযা – গন্থৱিপ্পযুত্তং একং খন্ধং সংসট্ঠা তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

গন্থৱিপ্পযুত্তং ধম্মং সংসট্ঠো গন্থসম্পযুত্তো ধম্মো উপ্পজ্জতি হেতুপচ্চযা – দিট্ঠিগতৱিপ্পযুত্তং লোভং সংসট্ঠা সম্পযুত্তকা খন্ধা, পটিঘং সংসট্ঠা সম্পযুত্তকা খন্ধা. (২)

গন্থসম্পযুত্তঞ্চ গন্থৱিপ্পযুত্তঞ্চ ধম্মং সংসট্ঠো গন্থসম্পযুত্তো ধম্মো উপ্পজ্জতি হেতুপচ্চযা – দিট্ঠিগতৱিপ্পযুত্তং লোভসহগতং একং খন্ধঞ্চ লোভঞ্চ সংসট্ঠা তযো খন্ধা…পে… দ্ৱে খন্ধে…পে… দোমনস্সসহগতং একং খন্ধঞ্চ পটিঘঞ্চ সংসট্ঠা তযো খন্ধা…পে… দ্ৱে খন্ধে…পে… (সংখিত্তং).