১. ৱিভঙ্গৱাৰো

হেতুপচ্চযো

১. গন্থং ধম্মং পটিচ্চ গন্থো ধম্মো উপ্পজ্জতি হেতুপচ্চযা – সীলব্বতপৰামাসং কাযগন্থং পটিচ্চ অভিজ্ঝাকাযগন্থো, অভিজ্ঝাকাযগন্থং পটিচ্চ সীলব্বতপৰামাসো কাযগন্থো, ইদংসচ্চাভিনিৱেসং কাযগন্থং পটিচ্চ অভিজ্ঝাকাযগন্থো, অভিজ্ঝাকাযগন্থং পটিচ্চ ইদংসচ্চাভিনিৱেসো কাযগন্থো. (১)

গন্থং ধম্মং পটিচ্চ নোগন্থো ধম্মো উপ্পজ্জতি হেতুপচ্চযা – গন্থে পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং. (২)

গন্থং ধম্মং পটিচ্চ গন্থো চ নোগন্থো চ ধম্মা উপ্পজ্জন্তি হেতুপচ্চযা – সীলব্বতপৰামাসং কাযগন্থং পটিচ্চ অভিজ্ঝাকাযগন্থো সম্পযুত্তকা চ খন্ধা চিত্তসমুট্ঠানঞ্চ ৰূপং (চক্কং). (৩)

২. নোগন্থং ধম্মং পটিচ্চ নোগন্থো ধম্মো উপ্পজ্জতি হেতুপচ্চযা – নোগন্থং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে…. (১)

নোগন্থং ধম্মং পটিচ্চ গন্থো ধম্মো উপ্পজ্জতি হেতুপচ্চযা – নোগন্থে খন্ধে পটিচ্চ গন্থা. (২)

নোগন্থং ধম্মং পটিচ্চ গন্থো চ নোগন্থো চ ধম্মা উপ্পজ্জন্তি হেতুপচ্চযা – নোগন্থং একং খন্ধং পটিচ্চ তযো খন্ধা গন্থা চ চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

৩. গন্থঞ্চ নোগন্থঞ্চ ধম্মং পটিচ্চ গন্থো ধম্মো উপ্পজ্জতি হেতুপচ্চযা – সীলব্বতপৰামাসং কাযগন্থঞ্চ সম্পযুত্তকে চ খন্ধে পটিচ্চ অভিজ্ঝাকাযগন্থো (চক্কং). (১)

গন্থঞ্চ নোগন্থঞ্চ ধম্মং পটিচ্চ নোগন্থো ধম্মো উপ্পজ্জতি হেতুপচ্চযা – নোগন্থং একং খন্ধঞ্চ গন্থে চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে চ…পে… গন্থে চ সম্পযুত্তকে খন্ধে চ পটিচ্চ চিত্তসমুট্ঠানং ৰূপং. (২)

গন্থঞ্চ নোগন্থঞ্চ ধম্মং পটিচ্চ গন্থো চ নোগন্থো চ ধম্মা উপ্পজ্জন্তি হেতুপচ্চযা – নোগন্থং একং খন্ধঞ্চ সীলব্বতপৰামাসকাযগন্থঞ্চ পটিচ্চ তযো খন্ধা অভিজ্ঝাকাযগন্থো চিত্তসমুট্ঠানঞ্চ ৰূপং…পে… দ্ৱে খন্ধে চ…পে…. (চক্কং. সংখিত্তং.) (৩)

আৰম্মণপচ্চযা…পে… অৱিগতপচ্চযা.