১. ৱিভঙ্গৱাৰো

হেতুপচ্চযো

৯৩. ৰূপিং ধম্মং পটিচ্চ ৰূপী ধম্মো উপ্পজ্জতি হেতুপচ্চযা – একং মহাভূতং পটিচ্চ তযো মহাভূতা…পে… দ্ৱে মহাভূতে…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

ৰূপিং ধম্মং পটিচ্চ অৰূপী ধম্মো উপ্পজ্জতি হেতুপচ্চযা – পটিসন্ধিক্খণে ৱত্থুং পটিচ্চ অৰূপিনো খন্ধা. (২)

ৰূপিং ধম্মং পটিচ্চ ৰূপী চ অৰূপী চ ধম্মা উপ্পজ্জন্তি হেতুপচ্চযা – পটিসন্ধিক্খণে ৱত্থুং পটিচ্চ অৰূপিনো খন্ধা, মহাভূতে পটিচ্চ কটত্তাৰূপং. (৩)

৯৪. অৰূপিং ধম্মং পটিচ্চ অৰূপী ধম্মো উপ্পজ্জতি হেতুপচ্চযা – অৰূপিং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

অৰূপিং ধম্মং পটিচ্চ ৰূপী ধম্মো উপ্পজ্জতি হেতুপচ্চযা – অৰূপিনো খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে…. (২)

অৰূপিং ধম্মং পটিচ্চ ৰূপী চ অৰূপী চ ধম্মা উপ্পজ্জন্তি হেতুপচ্চযা – অৰূপিং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে…. (৩)

৯৫. ৰূপিঞ্চ অৰূপিঞ্চ ধম্মং পটিচ্চ ৰূপী ধম্মো উপ্পজ্জতি হেতুপচ্চযা – অৰূপিনো খন্ধে চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে…পে…. (১)

ৰূপিঞ্চ অৰূপিঞ্চ ধম্মং পটিচ্চ অৰূপী ধম্মো উপ্পজ্জতি হেতুপচ্চযা – পটিসন্ধিক্খণে অৰূপিং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে…পে…. (২)

ৰূপিঞ্চ অৰূপিঞ্চ ধম্মং পটিচ্চ ৰূপী চ অৰূপী চ ধম্মা উপ্পজ্জন্তি হেতুপচ্চযা – পটিসন্ধিক্খণে অৰূপিং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে…পে… অৰূপিনো খন্ধে চ মহাভূতে চ পটিচ্চ কটত্তাৰূপং (সংখিত্তং). (৩)