১. ৱিভঙ্গৱাৰো

হেতুপচ্চযো

৬৮. অপ্পটিঘো ধম্মো অপ্পটিঘস্স ধম্মস্স হেতুপচ্চযেন পচ্চযো – অপ্পটিঘা হেতূ সম্পযুত্তকানং খন্ধানং অপ্পটিঘানঞ্চ চিত্তসমুট্ঠানানং ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

অপ্পটিঘো ধম্মো সপ্পটিঘস্স ধম্মস্স হেতুপচ্চযেন পচ্চযো – অপ্পটিঘা হেতূ সপ্পটিঘানং চিত্তসমুট্ঠানানং ৰূপানং হেতুপচ্চযেন পচ্চযো; পটিসন্ধিক্খণে…পে…. (২)

অপ্পটিঘো ধম্মো সপ্পটিঘস্স চ অপ্পটিঘস্স চ ধম্মস্স হেতুপচ্চযেন পচ্চযো – অপ্পটিঘা হেতূ সম্পযুত্তকানং খন্ধানং সপ্পটিঘানঞ্চ অপ্পটিঘানঞ্চ চিত্তসমুট্ঠানানং ৰূপানং হেতুপচ্চযেন পচ্চযো; পটিসন্ধিক্খণে…পে…. (৩)

আৰম্মণপচ্চযো

৬৯. সপ্পটিঘো ধম্মো অপ্পটিঘস্স ধম্মস্স আৰম্মণপচ্চযেন পচ্চযো – চক্খুং…পে… ফোট্ঠব্বে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… সপ্পটিঘা খন্ধা ইদ্ধিৱিধঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অপ্পটিঘো ধম্মো অপ্পটিঘস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, ঝানা ৱুট্ঠহিত্ৱা ঝানং পচ্চৱেক্খতি, অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি, নিব্বানং পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো; অৰিযা পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি; ৱত্থুং…পে… ইত্থিন্দ্ৰিযং… পুৰিসিন্দ্ৰিযং… জীৱিতিন্দ্ৰিযং… আপোধাতুং, কবড়ীকাৰং আহাৰং অনিচ্চতো…পে… দোমনস্সং উপ্পজ্জতি; চেতোপৰিযঞাণেন অপ্পটিঘচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… অপ্পটিঘা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অধিপতিপচ্চযো

৭০. সপ্পটিঘো ধম্মো অপ্পটিঘস্স ধম্মস্স অধিপতিপচ্চযেন পচ্চযো. আৰম্মণাধিপতি – চক্খুং…পে… ফোট্ঠব্বে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (১)

অপ্পটিঘো ধম্মো অপ্পটিঘস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং কত্ৱা তং গৰুং কত্ৱা পচ্চৱেক্খতি, পুব্বে সুচিণ্ণানি গৰুং কত্ৱা পচ্চৱেক্খতি, ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি, অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো; ৱত্থুং…পে… ইত্থিন্দ্ৰিযং… পুৰিসিন্দ্ৰিযং… জীৱিতিন্দ্ৰিযং… আপোধাতুং, কবড়ীকাৰং আহাৰং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – অপ্পটিঘাধিপতি সম্পযুত্তকানং খন্ধানং অপ্পটিঘানঞ্চ চিত্তসমুট্ঠানানং ৰূপানং অধিপতিপচ্চযেন পচ্চযো. (১)

অপ্পটিঘো ধম্মো সপ্পটিঘস্স ধম্মস্স অধিপতিপচ্চযেন পচ্চযো. সহজাতাধিপতি – অপ্পটিঘাধিপতি সপ্পটিঘানং চিত্তসমুট্ঠানানং ৰূপানং অধিপতিপচ্চযেন পচ্চযো. (১)

অপ্পটিঘো ধম্মো সপ্পটিঘস্স চ অপ্পটিঘস্স চ ধম্মস্স অধিপতিপচ্চযেন পচ্চযো. সহজাতাধিপতি – অপ্পটিঘাধিপতি সম্পযুত্তকানং খন্ধানং সপ্পটিঘানঞ্চ অপ্পটিঘানঞ্চ চিত্তসমুট্ঠানানং ৰূপানং অধিপতিপচ্চযেন পচ্চযো. (৩)

অনন্তৰপচ্চযো

৭১. অপ্পটিঘো ধম্মো অপ্পটিঘস্স ধম্মস্স অনন্তৰপচ্চযেন পচ্চযো – পুৰিমা পুৰিমা অপ্পটিঘা খন্ধা…পে… ফলসমাপত্তিযা অনন্তৰপচ্চযেন পচ্চযো.

সমনন্তৰপচ্চযো

৭২. অপ্পটিঘো ধম্মো অপ্পটিঘস্স ধম্মস্স সমনন্তৰপচ্চযেন পচ্চযো…পে….

সহজাতপচ্চযাদি

৭৩. সপ্পটিঘো ধম্মো সপ্পটিঘস্স ধম্মস্স সহজাতপচ্চযেন পচ্চযো… নৱ… অঞ্ঞমঞ্ঞপচ্চযেন পচ্চযো… ছ… নিস্সযপচ্চযেন পচ্চযো… নৱ.

উপনিস্সযপচ্চযো

৭৪. সপ্পটিঘো ধম্মো অপ্পটিঘস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – উতুং, সেনাসনং উপনিস্সায দানং দেতি…পে… সঙ্ঘং ভিন্দতি; উতু, সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

অপ্পটিঘো ধম্মো অপ্পটিঘস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… দিট্ঠিং গণ্হাতি; সীলং…পে… কাযিকং সুখং, কাযিকং দুক্খং, ভোজনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… ভোজনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

পুৰেজাতপচ্চযো

৭৫. সপ্পটিঘো ধম্মো অপ্পটিঘস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ফোট্ঠব্বে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স পুৰেজাতপচ্চযেন পচ্চযো. (১)

অপ্পটিঘো ধম্মো অপ্পটিঘস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – ৱত্থুং…পে… ইত্থিন্দ্ৰিযং, পুৰিসিন্দ্ৰিযং, জীৱিতিন্দ্ৰিযং, আপোধাতুং, কবড়ীকাৰং আহাৰং অনিচ্চতো …পে… দোমনস্সং উপ্পজ্জতি. ৱত্থুপুৰেজাতং – ৱত্থু অপ্পটিঘানং খন্ধানং পুৰেজাতপচ্চযেন পচ্চযো. (১)

সপ্পটিঘো চ অপ্পটিঘো চ ধম্মা অপ্পটিঘস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. চক্খাযতনঞ্চ ৱত্থু চ…পে… ফোট্ঠব্বাযতনঞ্চ ৱত্থু চ অপ্পটিঘানং খন্ধানং পুৰেজাতপচ্চযেন পচ্চযো. (১)

পচ্ছাজাতপচ্চযো

৭৬. অপ্পটিঘো ধম্মো অপ্পটিঘস্স ধম্মস্স পচ্ছাজাতপচ্চযেন পচ্চযো – পচ্ছাজাতা অপ্পটিঘা খন্ধা পুৰেজাতস্স ইমস্স অপ্পটিঘস্স কাযস্স পচ্ছাজাতপচ্চযেন পচ্চযো. (মূলং কাতব্বং) পচ্ছাজাতা অপ্পটিঘা খন্ধা পুৰেজাতস্স ইমস্স সপ্পটিঘস্স কাযস্স পচ্ছাজাতপচ্চযেন পচ্চযো. (মূলং কাতব্বং) পচ্ছাজাতা অপ্পটিঘা খন্ধা পুৰেজাতস্স ইমস্স সপ্পটিঘস্স চ অপ্পটিঘস্স চ কাযস্স পচ্ছাজাতপচ্চযেন পচ্চযো (দ্ৱিন্নম্পি মূলা কাতব্বা). (৩)

আসেৱনপচ্চযো

৭৭. অপ্পটিঘো ধম্মো অপ্পটিঘস্স ধম্মস্স আসেৱনপচ্চযেন পচ্চযো – পুৰিমা পুৰিমা অপ্পটিঘা খন্ধা…পে… ৱোদানং মগ্গস্স আসেৱনপচ্চযেন পচ্চযো. (১)

কম্মপচ্চযো

৭৮. অপ্পটিঘো ধম্মো অপ্পটিঘস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অপ্পটিঘা চেতনা সম্পযুত্তকানং খন্ধানং অপ্পটিঘানঞ্চ চিত্তসমুট্ঠানানং ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অপ্পটিঘা চেতনা ৱিপাকানং খন্ধানং অপ্পটিঘানঞ্চ কটত্তাৰূপানং কম্মপচ্চযেন পচ্চযো. (১)

অপ্পটিঘো ধম্মো সপ্পটিঘস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অপ্পটিঘা চেতনা সপ্পটিঘানং চিত্তসমুট্ঠানানং ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অপ্পটিঘা চেতনা সপ্পটিঘানং কটত্তাৰূপানং কম্মপচ্চযেন পচ্চযো. (২)

অপ্পটিঘো ধম্মো সপ্পটিঘস্স চ অপ্পটিঘস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অপ্পটিঘা চেতনা সম্পযুত্তকানং খন্ধানং সপ্পটিঘানঞ্চ অপ্পটিঘানঞ্চ চিত্তসমুট্ঠানানং ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অপ্পটিঘা চেতনা ৱিপাকানং খন্ধানং সপ্পটিঘানঞ্চ অপ্পটিঘানঞ্চ কটত্তাৰূপানং কম্মপচ্চযেন পচ্চযো. (৩)

ৱিপাকপচ্চযো

৭৯. অপ্পটিঘো ধম্মো অপ্পটিঘস্স ধম্মস্স ৱিপাকপচ্চযেন পচ্চযো – ৱিপাকো অপ্পটিঘো…পে… তীণি.

আহাৰপচ্চযো

৮০. অপ্পটিঘো ধম্মো অপ্পটিঘস্স ধম্মস্স আহাৰপচ্চযেন পচ্চযো – অপ্পটিঘা আহাৰা সম্পযুত্তকানং খন্ধানং অপ্পটিঘানঞ্চ চিত্তসমুট্ঠানানং ৰূপানং আহাৰপচ্চযেন পচ্চযো; পটিসন্ধিক্খণে…পে… কবড়ীকাৰো আহাৰো ইমস্স অপ্পটিঘস্স কাযস্স আহাৰপচ্চযেন পচ্চযো (অৱসেসা দ্ৱেপি পঞ্হা কাতব্বা, পটিসন্ধি কবড়ীকাৰো আহাৰো দ্ৱীসুপি কাতব্বো অগ্গে). (৩)

ইন্দ্ৰিযপচ্চযাদি

৮১. সপ্পটিঘো ধম্মো অপ্পটিঘস্স ধম্মস্স ইন্দ্ৰিযপচ্চযেন পচ্চযো – চক্খুন্দ্ৰিযং চক্খুৱিঞ্ঞাণস্স…পে… কাযিন্দ্ৰিযং কাযৱিঞ্ঞাণস্স ইন্দ্ৰিযপচ্চযেন পচ্চযো. (১)

অপ্পটিঘো ধম্মো অপ্পটিঘস্স ধম্মস্স ইন্দ্ৰিযপচ্চযেন পচ্চযো… তীণি (তীসুপি জীৱিতিন্দ্ৰিযং অগ্গে কাতব্বং). (৩)

সপ্পটিঘো চ অপ্পটিঘো চ ধম্মা অপ্পটিঘস্স ধম্মস্স ইন্দ্ৰিযপচ্চযেন পচ্চযো – চক্খুন্দ্ৰিযঞ্চ চক্খুৱিঞ্ঞাণঞ্চ চক্খুৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো…পে… কাযিন্দ্ৰিযঞ্চ কাযৱিঞ্ঞাণঞ্চ কাযৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো… ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… একং.

ৱিপ্পযুত্তপচ্চযো

৮২. সপ্পটিঘো ধম্মো অপ্পটিঘস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স ৱিপ্পযুত্তপচ্চযেন পচ্চযো. (১)

অপ্পটিঘো ধম্মো অপ্পটিঘস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – অপ্পটিঘা খন্ধা অপ্পটিঘানং চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে…পে… খন্ধা ৱত্থুস্স ৱিপ্পযুত্তপচ্চযেন পচ্চযো, ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – ৱত্থু অপ্পটিঘানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – অপ্পটিঘা খন্ধা পুৰেজাতস্স ইমস্স অপ্পটিঘস্স কাযস্স ৱিপ্পযুত্তপচ্চযেন পচ্চযো. (১)

অপ্পটিঘো ধম্মো সপ্পটিঘস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অপ্পটিঘা খন্ধা সপ্পটিঘানং চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – অপ্পটিঘা খন্ধা পুৰেজাতস্স ইমস্স সপ্পটিঘস্স কাযস্স ৱিপ্পযুত্তপচ্চযেন পচ্চযো. (২)

অপ্পটিঘো ধম্মো সপ্পটিঘস্স চ অপ্পটিঘস্স চ ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অপ্পটিঘা খন্ধা সপ্পটিঘানঞ্চ অপ্পটিঘানঞ্চ চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে …পে…. পচ্ছাজাতা – অপ্পটিঘা খন্ধা পুৰেজাতস্স ইমস্স সপ্পটিঘস্স চ অপ্পটিঘস্স চ কাযস্স ৱিপ্পযুত্তপচ্চযেন পচ্চযো. (৩)

অত্থিপচ্চযো

৮৩. সপ্পটিঘো ধম্মো সপ্পটিঘস্স ধম্মস্স অত্থিপচ্চযেন পচ্চযো… একং (পটিচ্চসদিসা পঠমপঞ্হা). (১)

সপ্পটিঘো ধম্মো অপ্পটিঘস্স ধম্মস্স অত্থিপচ্চযেন পচ্চযো সহজাতং, পুৰেজাতং. সহজাতা – সপ্পটিঘা মহাভূতা আপোধাতুযা অত্থিপচ্চযেন পচ্চযো, সপ্পটিঘা মহাভূতা অপ্পটিঘানং চিত্তসমুট্ঠানানং ৰূপানং কটত্তাৰূপানং উপাদাৰূপানং অত্থিপচ্চযেন পচ্চযো; ফোট্ঠব্বাযতনং ইত্থিন্দ্ৰিযস্স…পে… কবড়ীকাৰস্স আহাৰস্স অত্থিপচ্চযেন পচ্চযো; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে…. পুৰেজাতং – চক্খুং…পে… ফোট্ঠব্বে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনঞ্চ চক্খাযতনঞ্চ চক্খুৱিঞ্ঞাণস্স…পে… ফোট্ঠব্বাযতনঞ্চ কাযাযতনঞ্চ কাযৱিঞ্ঞাণস্স অত্থিপচ্চযেন পচ্চযো. (২)

সপ্পটিঘো ধম্মো সপ্পটিঘস্স চ অপ্পটিঘস্স চ ধম্মস্স অত্থিপচ্চযেন পচ্চযো – সপ্পটিঘং একং মহাভূতং দ্ৱিন্নং মহাভূতানং আপোধাতুযা চ অত্থিপচ্চযেন পচ্চযো…পে… (পটিচ্চসদিসং যাৱ অসঞ্ঞসত্তা). (৩)

৮৪. অপ্পটিঘো ধম্মো অপ্পটিঘস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – অপ্পটিঘো একো খন্ধো তিণ্ণন্নং খন্ধানং…পে… (যাৱ অসঞ্ঞসত্তা). পুৰেজাতং – ৱত্থুং…পে… ইত্থিন্দ্ৰিযং… পুৰিসিন্দ্ৰিযং… জীৱিতিন্দ্ৰিযং… আপোধাতুং… কবড়ীকাৰং আহাৰং অনিচ্চতো…পে… দোমনস্সং উপ্পজ্জতি; ৱত্থু অপ্পটিঘানং খন্ধানং অত্থিপচ্চযেন পচ্চযো. পচ্ছাজাতা – অপ্পটিঘা খন্ধা পুৰেজাতস্স ইমস্স অপ্পটিঘস্স কাযস্স অত্থিপচ্চযেন পচ্চযো; কবড়ীকাৰো আহাৰো ইমস্স অপ্পটিঘস্স কাযস্স অত্থিপচ্চযেন পচ্চযো; ৰূপজীৱিতিন্দ্ৰিযং অপ্পটিঘানং কটত্তাৰূপানং অত্থিপচ্চযেন পচ্চযো. (১)

অপ্পটিঘো ধম্মো সপ্পটিঘস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – অপ্পটিঘা খন্ধা সপ্পটিঘানং চিত্তসমুট্ঠানানং ৰূপানং অত্থিপচ্চযেন পচ্চযো; পটিসন্ধিক্খণে…পে… আপোধাতু সপ্পটিঘানং মহাভূতানং অত্থিপচ্চযেন পচ্চযো; আপোধাতু সপ্পটিঘানং চিত্তসমুট্ঠানানং ৰূপানং কটত্তাৰূপানং উপাদাৰূপানং অত্থিপচ্চযেন পচ্চযো; আপোধাতু চক্খাযতনস্স…পে… ফোট্ঠব্বাযতনস্স অত্থিপচ্চযেন পচ্চযো; বাহিৰং, আহাৰসমুট্ঠানং, উতুসমুট্ঠানং, অসঞ্ঞসত্তানং…পে…. পচ্ছাজাতা – অপ্পটিঘা খন্ধা পুৰেজাতস্স ইমস্স সপ্পটিঘস্স কাযস্স অত্থিপচ্চযেন পচ্চযো; কবড়ীকাৰো আহাৰো ইমস্স সপ্পটিঘস্স কাযস্স অত্থিপচ্চযেন পচ্চযো; ৰূপজীৱিতিন্দ্ৰিযং সপ্পটিঘানং কটত্তাৰূপানং অত্থিপচ্চযেন পচ্চযো. (২)

অপ্পটিঘো ধম্মো সপ্পটিঘস্স চ অপ্পটিঘস্স চ ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতো – অপ্পটিঘো একো খন্ধো তিণ্ণন্নং খন্ধানং সপ্পটিঘানঞ্চ অপ্পটিঘানঞ্চ…পে… (পটিচ্চসদিসং যাৱ অসঞ্ঞসত্তা). পচ্ছাজাতা – অপ্পটিঘা খন্ধা পুৰেজাতস্স ইমস্স সপ্পটিঘস্স চ অপ্পটিঘস্স চ কাযস্স অত্থিপচ্চযেন পচ্চযো; কবড়ীকাৰো আহাৰো ইমস্স সপ্পটিঘস্স চ অপ্পটিঘস্স চ কাযস্স অত্থিপচ্চযেন পচ্চযো; ৰূপজীৱিতিন্দ্ৰিযং সপ্পটিঘানঞ্চ অপ্পটিঘানঞ্চ কটত্তাৰূপানং অত্থিপচ্চযেন পচ্চযো. (৩)

৮৫. সপ্পটিঘো চ অপ্পটিঘো চ ধম্মা সপ্পটিঘস্স ধম্মস্স অত্থিপচ্চযেন পচ্চযো (পটিচ্চসদিসং যাৱ অসঞ্ঞসত্তা). (১)

সপ্পটিঘো চ অপ্পটিঘো চ ধম্মা অপ্পটিঘস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতা – অপ্পটিঘা খন্ধা চ মহাভূতা চ অপ্পটিঘানং চিত্তসমুট্ঠানানং ৰূপানং…পে… (পটিচ্চসদিসং যাৱ অসঞ্ঞসত্তা). সহজাতো – চক্খুৱিঞ্ঞাণসহগতো একো খন্ধো চ চক্খাযতনঞ্চ তিণ্ণন্নং খন্ধানং…পে… দ্ৱে খন্ধা চ…পে… কাযৱিঞ্ঞাণসহগতো একো খন্ধো চ কাযাযতনঞ্চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে…. (২)

সপ্পটিঘো চ অপ্পটিঘো চ ধম্মা সপ্পটিঘস্স চ অপ্পটিঘস্স চ ধম্মস্স অত্থিপচ্চযেন পচ্চযো (পটিচ্চসদিসং). (৩)