১. ৱিভঙ্গৱাৰো

হেতুপচ্চযো

৫৩. সপ্পটিঘং ধম্মং পটিচ্চ সপ্পটিঘো ধম্মো উপ্পজ্জতি হেতুপচ্চযা – সপ্পটিঘং একং মহাভূতং পটিচ্চ দ্ৱে মহাভূতা, দ্ৱে মহাভূতে পটিচ্চ একং মহাভূতং, সপ্পটিঘে মহাভূতে পটিচ্চ সপ্পটিঘং চিত্তসমুট্ঠানং ৰূপং, কটত্তাৰূপং, উপাদাৰূপং, ফোট্ঠব্বাযতনং পটিচ্চ চক্খাযতনং…পে… ৰসাযতনং. (১)

সপ্পটিঘং ধম্মং পটিচ্চ অপ্পটিঘো ধম্মো উপ্পজ্জতি হেতুপচ্চযা – সপ্পটিঘে মহাভূতে পটিচ্চ আপোধাতু, সপ্পটিঘে মহাভূতে পটিচ্চ অপ্পটিঘং চিত্তসমুট্ঠানং ৰূপং, কটত্তাৰূপং, উপাদাৰূপং, ফোট্ঠব্বাযতনং পটিচ্চ আপোধাতু ইত্থিন্দ্ৰিযং…পে… কবড়ীকাৰো আহাৰো. (২)

সপ্পটিঘং ধম্মং পটিচ্চ সপ্পটিঘো চ অপ্পটিঘো চ ধম্মা উপ্পজ্জন্তি হেতুপচ্চযা – সপ্পটিঘং একং মহাভূতং পটিচ্চ দ্ৱে মহাভূতা আপোধাতু চ, দ্ৱে মহাভূতে…পে… সপ্পটিঘে মহাভূতে পটিচ্চ সপ্পটিঘঞ্চ অপ্পটিঘঞ্চ চিত্তসমুট্ঠানং ৰূপং, কটত্তাৰূপং, উপাদাৰূপং, ফোট্ঠব্বাযতনং পটিচ্চ চক্খাযতনং…পে… ৰসাযতনং আপোধাতু ইত্থিন্দ্ৰিযং…পে… কবড়ীকাৰো আহাৰো. (৩)

৫৪. অপ্পটিঘং ধম্মং পটিচ্চ অপ্পটিঘো ধম্মো উপ্পজ্জতি হেতুপচ্চযা – অপ্পটিঘং একং খন্ধং পটিচ্চ তযো খন্ধা অপ্পটিঘং চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, আপোধাতুং পটিচ্চ অপ্পটিঘং চিত্তসমুট্ঠানং ৰূপং, কটত্তাৰূপং, উপাদাৰূপং, আপোধাতুং পটিচ্চ ইত্থিন্দ্ৰিযং…পে… কবড়ীকাৰো আহাৰো. (১)

অপ্পটিঘং ধম্মং পটিচ্চ সপ্পটিঘো ধম্মো উপ্পজ্জতি হেতুপচ্চযা – অপ্পটিঘে খন্ধে পটিচ্চ সপ্পটিঘং চিত্তসমুট্ঠানং ৰূপং; পটিসন্ধিক্খণে…পে… আপোধাতুং পটিচ্চ সপ্পটিঘা মহাভূতা, আপোধাতুং পটিচ্চ সপ্পটিঘং চিত্তসমুট্ঠানং ৰূপং, কটত্তাৰূপং, উপাদাৰূপং, আপোধাতুং পটিচ্চ চক্খাযতনং…পে… ফোট্ঠব্বাযতনং. (২)

অপ্পটিঘং ধম্মং পটিচ্চ সপ্পটিঘো চ অপ্পটিঘো চ ধম্মা উপ্পজ্জন্তি হেতুপচ্চযা – অপ্পটিঘং একং খন্ধং পটিচ্চ তযো খন্ধা সপ্পটিঘঞ্চ অপ্পটিঘঞ্চ চিত্তসমুট্ঠানং ৰূপং…পে… দ্ৱে খন্ধে…পে… পটিসন্ধিক্খণে…পে… আপোধাতুং পটিচ্চ সপ্পটিঘঞ্চ অপ্পটিঘঞ্চ চিত্তসমুট্ঠানং ৰূপং, কটত্তাৰূপং, উপাদাৰূপং, আপোধাতুং পটিচ্চ চক্খাযতনং…পে… ফোট্ঠব্বাযতনং, ইত্থিন্দ্ৰিযং…পে… কবড়ীকাৰো আহাৰো. (৩)

৫৫. সপ্পটিঘঞ্চ অপ্পটিঘঞ্চ ধম্মং পটিচ্চ সপ্পটিঘো ধম্মো উপ্পজ্জতি হেতুপচ্চযা – অপ্পটিঘে খন্ধে চ মহাভূতে চ পটিচ্চ সপ্পটিঘং চিত্তসমুট্ঠানং ৰূপং; পটিসন্ধিক্খণে…পে… সপ্পটিঘং একং মহাভূতঞ্চ আপোধাতুঞ্চ পটিচ্চ দ্ৱে মহাভূতা…পে… সপ্পটিঘে মহাভূতে চ আপোধাতুঞ্চ পটিচ্চ সপ্পটিঘং চিত্তসমুট্ঠানং ৰূপং, কটত্তাৰূপং, উপাদাৰূপং, ফোট্ঠব্বাযতনঞ্চ আপোধাতুঞ্চ পটিচ্চ চক্খাযতনং…পে…. (১)

সপ্পটিঘঞ্চ অপ্পটিঘঞ্চ ধম্মং পটিচ্চ অপ্পটিঘো ধম্মো উপ্পজ্জতি হেতুপচ্চযা – অপ্পটিঘে খন্ধে চ মহাভূতে চ পটিচ্চ অপ্পটিঘং চিত্তসমুট্ঠানং ৰূপং; পটিসন্ধিক্খণে অপ্পটিঘে খন্ধে চ মহাভূতে চ পটিচ্চ অপ্পটিঘং কটত্তাৰূপং, ফোট্ঠব্বাযতনঞ্চ আপোধাতুঞ্চ পটিচ্চ অপ্পটিঘং চিত্তসমুট্ঠানং ৰূপং, কটত্তাৰূপং, উপাদাৰূপং, ফোট্ঠব্বাযতনঞ্চ আপোধাতুঞ্চ পটিচ্চ ইত্থিন্দ্ৰিযং…পে… কবড়ীকাৰো আহাৰো. (২)

সপ্পটিঘঞ্চ অপ্পটিঘঞ্চ ধম্মং পটিচ্চ সপ্পটিঘো চ অপ্পটিঘো চ ধম্মা উপ্পজ্জন্তি হেতুপচ্চযা – অপ্পটিঘে খন্ধে চ মহাভূতে চ পটিচ্চ সপ্পটিঘঞ্চ অপ্পটিঘঞ্চ চিত্তসমুট্ঠানং ৰূপং; পটিসন্ধিক্খণে…পে… অপ্পটিঘে খন্ধে চ মহাভূতে চ পটিচ্চ সপ্পটিঘঞ্চ অপ্পটিঘঞ্চ কটত্তাৰূপং, ফোট্ঠব্বাযতনঞ্চ আপোধাতুঞ্চ পটিচ্চ সপ্পটিঘঞ্চ অপ্পটিঘঞ্চ চিত্তসমুট্ঠানং ৰূপং, কটত্তাৰূপং, উপাদাৰূপং, ফোট্ঠব্বাযতনঞ্চ আপোধাতুঞ্চ পটিচ্চ চক্খাযতনং…পে… ৰসাযতনং, ইত্থিন্দ্ৰিযং…পে… কবড়ীকাৰো আহাৰো. (৩)

আৰম্মণপচ্চযো

৫৬. অপ্পটিঘং ধম্মং পটিচ্চ অপ্পটিঘো ধম্মো উপ্পজ্জতি আৰম্মণপচ্চযা – অপ্পটিঘং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে… ৱত্থুং পটিচ্চ খন্ধা.

অধিপতিপচ্চযাদি

৫৭. সপ্পটিঘং ধম্মং পটিচ্চ অপ্পটিঘো ধম্মো উপ্পজ্জতি অধিপতিপচ্চযা (পটিসন্ধি ৱজ্জেতব্বা, কটত্তাৰূপা চ)… অনন্তৰপচ্চযা… সমনন্তৰপচ্চযা… সহজাতপচ্চযা (সব্বে মহাভূতা কাতব্বা)… অঞ্ঞমঞ্ঞপচ্চযা – সপ্পটিঘং একং মহাভূতং পটিচ্চ দ্ৱে মহাভূতা, দ্ৱে মহাভূতে…পে…. (১)

সপ্পটিঘং ধম্মং পটিচ্চ অপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – সপ্পটিঘে মহাভূতে পটিচ্চ আপোধাতু…পে…. (২)

সপ্পটিঘং ধম্মং পটিচ্চ সপ্পটিঘো চ অপ্পটিঘো চ ধম্মা উপ্পজ্জন্তি অঞ্ঞমঞ্ঞপচ্চযা – সপ্পটিঘং একং মহাভূতং পটিচ্চ দ্ৱে মহাভূতা আপোধাতু চ, দ্ৱে মহাভূতে…পে…. (৩)

৫৮. অপ্পটিঘং ধম্মং পটিচ্চ অপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – অপ্পটিঘং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা. (১)

অপ্পটিঘং ধম্মং পটিচ্চ সপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – আপোধাতুং পটিচ্চ সপ্পটিঘা মহাভূতা (ইমে অজ্ঝত্তিকবাহিৰা মহাভূতা কাতব্বা). (২)

সপ্পটিঘঞ্চ অপ্পটিঘঞ্চ ধম্মং পটিচ্চ সপ্পটিঘো ধম্মো উপ্পজ্জতি অঞ্ঞমঞ্ঞপচ্চযা – সপ্পটিঘং একং মহাভূতঞ্চ আপোধাতুঞ্চ পটিচ্চ দ্ৱে মহাভূতা…পে… নিস্সযপচ্চযা…পে… অৱিগতপচ্চযা.