১. ৱিভঙ্গৱাৰো

হেতুপচ্চযো

৩৪. অনিদস্সনো ধম্মো অনিদস্সনস্স ধম্মস্স হেতুপচ্চযেন পচ্চযো – অনিদস্সনা হেতূ সম্পযুত্তকানং খন্ধানং অনিদস্সনানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

অনিদস্সনো ধম্মো সনিদস্সনস্স ধম্মস্স হেতুপচ্চযেন পচ্চযো – অনিদস্সনা হেতূ সনিদস্সনানং চিত্তসমুট্ঠানানং ৰূপানং হেতুপচ্চযেন পচ্চযো; পটিসন্ধিক্খণে…পে…. (২)

অনিদস্সনো ধম্মো সনিদস্সনস্স চ অনিদস্সনস্স চ ধম্মস্স হেতুপচ্চযেন পচ্চযো – অনিদস্সনা হেতূ সম্পযুত্তকানং খন্ধানং সনিদস্সনানঞ্চ অনিদস্সনানঞ্চ চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (৩)

আৰম্মণপচ্চযো

৩৫. সনিদস্সনো ধম্মো অনিদস্সনস্স ধম্মস্স আৰম্মণপচ্চযেন পচ্চযো – সনিদস্সনং ৰূপং অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, ৰূপাযতনং চক্খুৱিঞ্ঞাণস্স আৰম্মণপচ্চযেন পচ্চযো; সনিদস্সনা খন্ধা ইদ্ধিৱিধঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অনিদস্সনো ধম্মো অনিদস্সনস্স ধম্মস্স আৰম্মণপচ্চযেন পচ্চযো – দানং দত্ৱা সীলং…পে… উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, ঝানা ৱুট্ঠহিত্ৱা…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি, নিব্বানং পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো; অৰিযা পহীনে কিলেসে পচ্চৱেক্খন্তি, ৱিক্খম্ভিতে কিলেসে…পে… পুব্বে…পে… চক্খুং…পে… কাযং… সদ্দে…পে… ৱত্থুং অনিদস্সনে খন্ধে অনিচ্চতো…পে… দোমনস্সং উপ্পজ্জতি; দিব্বায সোতধাতুযা সদ্দং সুণাতি, চেতোপৰিযঞাণেন অনিদস্সনচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… সদ্দাযতনং সোতৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… অনিদস্সনা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অধিপতিপচ্চযো

৩৬. সনিদস্সনো ধম্মো অনিদস্সনস্স ধম্মস্স অধিপতিপচ্চযেন পচ্চযো. আৰম্মণাধিপতি – সনিদস্সনং ৰূপং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (১)

অনিদস্সনো ধম্মো অনিদস্সনস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং…পে… উপোসথকম্মং কত্ৱা তং গৰুং কত্ৱা পচ্চৱেক্খতি, পুব্বে সুচিণ্ণানি…পে… ঝানা ৱুট্ঠহিত্ৱা…পে… অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৱত্থুং অনিদস্সনে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – অনিদস্সনাধিপতি সম্পযুত্তকানং খন্ধানং অনিদস্সনানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

অনিদস্সনো ধম্মো সনিদস্সনস্স ধম্মস্স অধিপতিপচ্চযেন পচ্চযো. সহজাতাধিপতি – অনিদস্সনাধিপতি সনিদস্সনানং চিত্তসমুট্ঠানানং ৰূপানং অধিপতিপচ্চযেন পচ্চযো. (২)

অনিদস্সনো ধম্মো সনিদস্সনস্স চ অনিদস্সনস্স চ ধম্মস্স অধিপতিপচ্চযেন পচ্চযো. সহজাতাধিপতি – অনিদস্সনাধিপতি সম্পযুত্তকানং খন্ধানং সনিদস্সনানঞ্চ অনিদস্সনানঞ্চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

অনন্তৰপচ্চযো

৩৭. অনিদস্সনো ধম্মো অনিদস্সনস্স ধম্মস্স অনন্তৰপচ্চযেন পচ্চযো – পুৰিমা পুৰিমা অনিদস্সনা খন্ধা পচ্ছিমানং পচ্ছিমানং অনিদস্সনানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স…পে… গোত্ৰভু মগ্গস্স…পে… নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. (১)

সমনন্তৰপচ্চযাদি

৩৮. অনিদস্সনো ধম্মো অনিদস্সনস্স ধম্মস্স সমনন্তৰপচ্চযেন পচ্চযো… সহজাতপচ্চযেন পচ্চযো… তীণি… অঞ্ঞমঞ্ঞপচ্চযেন পচ্চযো… একং… নিস্সযপচ্চযেন পচ্চযো… তীণি.

উপনিস্সযপচ্চযো

৩৯. সনিদস্সনো ধম্মো অনিদস্সনস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – ৱণ্ণসম্পদং পত্থযমানো দানং…পে… সীলং…পে… উপোসথকম্মং কৰোতি, ৱণ্ণসম্পদা সদ্ধায…পে… পত্থনায… কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

অনিদস্সনো ধম্মো অনিদস্সনস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

পুৰেজাতপচ্চযো

৪০. সনিদস্সনো ধম্মো অনিদস্সনস্স ধম্মস্স পুৰেজাতপচ্চযেন পচ্চযো – সনিদস্সনং ৰূপং অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, ৰূপাযতনং চক্খুৱিঞ্ঞাণস্স পুৰেজাতপচ্চযেন পচ্চযো. (১)

অনিদস্সনো ধম্মো অনিদস্সনস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি, দিব্বায সোতধাতুযা সদ্দং সুণাতি, সদ্দাযতনং সোতৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু অনিদস্সনানং খন্ধানং পুৰেজাতপচ্চযেন পচ্চযো. (১)

সনিদস্সনো চ অনিদস্সনো চ ধম্মা অনিদস্সনস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. ৰূপাযতনঞ্চ ৱত্থু চ অনিদস্সনানং খন্ধানং পুৰেজাতপচ্চযেন পচ্চযো; ৰূপাযতনঞ্চ চক্খাযতনঞ্চ চক্খুৱিঞ্ঞাণস্স পুৰেজাতপচ্চযেন পচ্চযো. (১)

পচ্ছাজাতপচ্চযো

৪১. অনিদস্সনো ধম্মো অনিদস্সনস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনিদস্সনা খন্ধা পুৰেজাতস্স ইমস্স অনিদস্সনস্স কাযস্স পচ্ছাজাতপচ্চযেন পচ্চযো. (১)

অনিদস্সনো ধম্মো সনিদস্সনস্স ধম্মস্স পচ্ছাজাতপচ্চযেন পচ্চযো – পচ্ছাজাতা অনিদস্সনা খন্ধা পুৰেজাতস্স ইমস্স সনিদস্সনস্স কাযস্স পচ্ছাজাতপচ্চযেন পচ্চযো. (২)

অনিদস্সনো ধম্মো সনিদস্সনস্স চ অনিদস্সনস্স চ ধম্মস্স পচ্ছাজাতপচ্চযেন পচ্চযো – পচ্ছাজাতা অনিদস্সনা খন্ধা পুৰেজাতস্স ইমস্স সনিদস্সনস্স চ অনিদস্সনস্স চ কাযস্স পচ্ছাজাতপচ্চযেন পচ্চযো. (৩)

আসেৱনপচ্চযো

৪২. অনিদস্সনো ধম্মো অনিদস্সনস্স ধম্মস্স আসেৱনপচ্চযেন পচ্চযো – পুৰিমা পুৰিমা অনিদস্সনা খন্ধা পচ্ছিমানং পচ্ছিমানং অনিদস্সনানং খন্ধানং…পে… অনুলোমং গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (১)

কম্মপচ্চযো

৪৩. অনিদস্সনো ধম্মো অনিদস্সনস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অনিদস্সনা চেতনা সম্পযুত্তকানং খন্ধানং অনিদস্সনানঞ্চ চিত্তসমুট্ঠানানং ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অনিদস্সনা চেতনা ৱিপাকানং খন্ধানং অনিদস্সনানঞ্চ কটত্তাৰূপানং কম্মপচ্চযেন পচ্চযো. (১)

অনিদস্সনো ধম্মো সনিদস্সনস্স ধম্মস্স কম্মপচ্চযেন পচ্চযো – সহজাতা, নানাক্খণিকা (ৱিত্থাৰেতব্বং). (২)

অনিদস্সনো ধম্মো সনিদস্সনস্স চ অনিদস্সনস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা (ৱিত্থাৰেতব্বং). (৩)

ৱিপাকপচ্চযাদি

৪৪. অনিদস্সনো ধম্মো অনিদস্সনস্স ধম্মস্স ৱিপাকপচ্চযেন পচ্চযো… তীণি… আহাৰপচ্চযেন পচ্চযো… তীণি (তীসুপি কবড়ীকাৰো আহাৰো কাতব্বো)… ইন্দ্ৰিযপচ্চযেন পচ্চযো… তীণি (তীসুপি ৰূপজীৱিতিন্দ্ৰিযং)… ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… একং.

ৱিপ্পযুত্তপচ্চযো

৪৫. অনিদস্সনো ধম্মো অনিদস্সনস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – অনিদস্সনা খন্ধা অনিদস্সনানং চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে অনিদস্সনা খন্ধা অনিদস্সনানং কটত্তাৰূপানং ৱিপ্পযুত্তপচ্চযেন পচ্চযো; খন্ধা ৱত্থুস্স ৱিপ্পযুত্তপচ্চযেন পচ্চযো, ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু অনিদস্সনানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – অনিদস্সনা খন্ধা পুৰেজাতস্স ইমস্স অনিদস্সনস্স কাযস্স ৱিপ্পযুত্তপচ্চযেন পচ্চযো. (১)

অনিদস্সনো ধম্মো সনিদস্সনস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অনিদস্সনা খন্ধা সনিদস্সনানং চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – অনিদস্সনা খন্ধা পুৰেজাতস্স ইমস্স সনিদস্সনস্স কাযস্স ৱিপ্পযুত্তপচ্চযেন পচ্চযো. (২)

অনিদস্সনো ধম্মো সনিদস্সনস্স চ অনিদস্সনস্স চ ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অনিদস্সনা খন্ধা সনিদস্সনানঞ্চ অনিদস্সনানঞ্চ চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – অনিদস্সনা খন্ধা পুৰেজাতস্স ইমস্স সনিদস্সনস্স চ অনিদস্সনস্স চ কাযস্স ৱিপ্পযুত্তপচ্চযেন পচ্চযো. (৩)

অত্থিপচ্চযাদি

৪৬. সনিদস্সনো ধম্মো অনিদস্সনস্স ধম্মস্স অত্থিপচ্চযেন পচ্চযো – সনিদস্সনং ৰূপং অনিচ্চতো…পে… দোমনস্সং উপ্পজ্জতি, দিব্বেন চক্খুনা ৰূপং পস্সতি, ৰূপাযতনং চক্খুৱিঞ্ঞাণস্স অত্থিপচ্চযেন পচ্চযো. (১)

অনিদস্সনো ধম্মো অনিদস্সনস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – অনিদস্সনো একো খন্ধো তিণ্ণন্নং খন্ধানং অনিদস্সনানঞ্চ চিত্তসমুট্ঠানানং ৰূপানং অত্থিপচ্চযেন পচ্চযো…পে… দ্ৱে খন্ধে…পে… (সংখিত্তং. যাৱ অসঞ্ঞসত্তা). পুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি, দিব্বায সোতধাতুযা সদ্দং সুণাতি, সদ্দাযতনং সোতৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু অনিদস্সনানং খন্ধানং অত্থিপচ্চযেন পচ্চযো. পচ্ছাজাতা – অনিদস্সনা খন্ধা পুৰেজাতস্স ইমস্স অনিদস্সনস্স কাযস্স অত্থিপচ্চযেন পচ্চযো; কবড়ীকাৰো আহাৰো ইমস্স অনিদস্সনস্স কাযস্স অত্থিপচ্চযেন পচ্চযো; ৰূপজীৱিতিন্দ্ৰিযং অনিদস্সনানং কটত্তাৰূপানং অত্থিপচ্চযেন পচ্চযো. (১)

অনিদস্সনো ধম্মো সনিদস্সনস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – অনিদস্সনা খন্ধা সনিদস্সনানং চিত্তসমুট্ঠানানং ৰূপানং অত্থিপচ্চযেন পচ্চযো; পটিসন্ধিক্খণে…পে… মহাভূতা সনিদস্সনানং চিত্তসমুট্ঠানানং ৰূপানং কটত্তাৰূপানং উপাদাৰূপানং অত্থিপচ্চযেন পচ্চযো…পে… বাহিৰা… আহাৰসমুট্ঠানা… উতুসমুট্ঠানা… অসঞ্ঞসত্তানং মহাভূতা সনিদস্সনানং কটত্তাৰূপানং, উপাদাৰূপানং অত্থিপচ্চযেন পচ্চযো. পচ্ছাজাতা – অনিদস্সনা খন্ধা পুৰেজাতস্স ইমস্স সনিদস্সনস্স কাযস্স অত্থিপচ্চযেন পচ্চযো; কবড়ীকাৰো আহাৰো ইমস্স সনিদস্সনস্স কাযস্স অত্থিপচ্চযেন পচ্চযো; ৰূপজীৱিতিন্দ্ৰিযং সনিদস্সনানং কটত্তাৰূপানং অত্থিপচ্চযেন পচ্চযো. (২)

অনিদস্সনো ধম্মো সনিদস্সনস্স চ অনিদস্সনস্স চ ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতো – অনিদস্সনো একো খন্ধো তিণ্ণন্নং খন্ধানং সনিদস্সনানঞ্চ অনিদস্সনানঞ্চ চিত্তসমুট্ঠানানং ৰূপানং অত্থিপচ্চযেন পচ্চযো…পে… দ্ৱে খন্ধা…পে… পটিসন্ধিক্খণে…পে… মহাভূতা সনিদস্সনানঞ্চ অনিদস্সনানঞ্চ চিত্তসমুট্ঠানানং ৰূপানং, কটত্তাৰূপানং, উপাদাৰূপানং অত্থিপচ্চযেন পচ্চযো; বাহিৰা… আহাৰসমুট্ঠানা… উতুসমুট্ঠানা… অসঞ্ঞসত্তানং মহাভূতা সনিদস্সনানঞ্চ অনিদস্সনানঞ্চ কটত্তাৰূপানং উপাদাৰূপানং অত্থিপচ্চযেন পচ্চযো. (৩)

৪৭. সনিদস্সনো চ অনিদস্সনো চ ধম্মা অনিদস্সনস্স ধম্মস্স অত্থিপচ্চযেন পচ্চযো. পুৰেজাতং – ৰূপাযতনঞ্চ ৱত্থু চ অনিদস্সনানং খন্ধানং অত্থিপচ্চযেন পচ্চযো; ৰূপাযতনঞ্চ চক্খাযতনঞ্চ চক্খুৱিঞ্ঞাণস্স অত্থিপচ্চযেন পচ্চযো.

নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো.