১. পটিচ্চৱাৰো

১-৪. পচ্চযানুলোমাদি

১. সপ্পচ্চযং ধম্মং পটিচ্চ সপ্পচ্চযো ধম্মো উপ্পজ্জতি হেতুপচ্চযা – সপ্পচ্চযং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং.

সপ্পচ্চযং ধম্মং পটিচ্চ সপ্পচ্চযো ধম্মো উপ্পজ্জতি আৰম্মণপচ্চযা…পে… অৱিগতপচ্চযা.

২. হেতুযা একং, আৰম্মণে একং…পে… অৱিগতে একং.

অনুলোমং.

৩. সপ্পচ্চযং ধম্মং পটিচ্চ সপ্পচ্চযো ধম্মো উপ্পজ্জতি নহেতুপচ্চযা – অহেতুকং সপ্পচ্চযং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, দ্ৱে খন্ধে…পে… অহেতুকপটিসন্ধিক্খণে …পে… (যাৱ অসঞ্ঞসত্তা) ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো (সংখিত্তং).

৪. নহেতুযা একং, নআৰম্মণে একং, নঅধিপতিযা একং…পে… নোৱিগতে একং.

পচ্চনীযং.

৫. হেতুপচ্চযা নআৰম্মণে একং, নঅধিপতিযা একং…পে… নোৱিগতে একং.

অনুলোমপচ্চনীযং.

৬. নহেতুপচ্চযা আৰম্মণে একং অনন্তৰে একং…পে… অৱিগতে একং.

পচ্চনীযানুলোমং.