১. ৱিভঙ্গৱাৰো

হেতুপচ্চযো

১৪৮. লোকিযো ধম্মো লোকিযস্স ধম্মস্স হেতুপচ্চযেন পচ্চযো – লোকিযা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

লোকুত্তৰো ধম্মো লোকুত্তৰস্স ধম্মস্স হেতুপচ্চযেন পচ্চযো… তীণি.

আৰম্মণপচ্চযো

১৪৯. লোকিযো ধম্মো লোকিযস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, ঝানা…পে… অৰিযা গোত্ৰভুং পচ্চৱেক্খন্তি, ৱোদানং পচ্চৱেক্খন্তি, পহীনে কিলেসে পচ্চৱেক্খন্তি, ৱিক্খম্ভিতে কিলেসে…পে… পুব্বে সমুদাচিণ্ণে কিলেসে জানন্তি; চক্খুং…পে… ৱত্থুং লোকিযে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন লোকিযচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স, লোকিযা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

১৫০. লোকুত্তৰো ধম্মো লোকুত্তৰস্স ধম্মস্স আৰম্মণপচ্চযেন পচ্চযো – নিব্বানং মগ্গস্স, ফলস্স আৰম্মণপচ্চযেন পচ্চযো. (১)

লোকুত্তৰো ধম্মো লোকিযস্স ধম্মস্স আৰম্মণপচ্চযেন পচ্চযো – অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি, নিব্বানং পচ্চৱেক্খন্তি; নিব্বানং গোত্ৰভুস্স, ৱোদানস্স, আৱজ্জনায আৰম্মণপচ্চযেন পচ্চযো; অৰিযা চেতোপৰিযঞাণেন লোকুত্তৰচিত্তসমঙ্গিস্স চিত্তং জানন্তি, লোকুত্তৰা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

অধিপতিপচ্চযো

১৫১. লোকিযো ধম্মো লোকিযস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং…পে… উপোসথকম্মং …পে… পুব্বে…পে… ঝানা…পে… সেক্খা গোত্ৰভুং গৰুং কত্ৱা পচ্চৱেক্খন্তি, ৱোদানং গৰুং কত্ৱা পচ্চৱেক্খন্তি; চক্খুং…পে… ৱত্থুং লোকিযে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – লোকিযাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

১৫২. লোকুত্তৰো ধম্মো লোকুত্তৰস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – নিব্বানং মগ্গস্স, ফলস্স অধিপতিপচ্চযেন পচ্চযো. সহজাতাধিপতি – লোকুত্তৰাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

লোকুত্তৰো ধম্মো লোকিযস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি; নিব্বানং গোত্ৰভুস্স, ৱোদানস্স অধিপতিপচ্চযেন পচ্চযো. সহজাতাধিপতি – লোকুত্তৰাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

লোকুত্তৰো ধম্মো লোকিযস্স চ লোকুত্তৰস্স চ ধম্মস্স অধিপতিপচ্চযেন পচ্চযো. সহজাতাধিপতি – লোকুত্তৰাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

অনন্তৰপচ্চযো

১৫৩. লোকিযো ধম্মো লোকিযস্স ধম্মস্স অনন্তৰপচ্চযেন পচ্চযো – পুৰিমা পুৰিমা লোকিযা খন্ধা পচ্ছিমানং পচ্ছিমানং লোকিযানং খন্ধানং…পে… অনুলোমং গোত্ৰভুস্স… অনুলোমং ৱোদানস্স অনন্তৰপচ্চযেন পচ্চযো. (১)

লোকিযো ধম্মো লোকুত্তৰস্স ধম্মস্স অনন্তৰপচ্চযেন পচ্চযো – গোত্ৰভু মগ্গস্স… ৱোদানং মগ্গস্স… অনুলোমং ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. (২)

১৫৪. লোকুত্তৰো ধম্মো লোকুত্তৰস্স ধম্মস্স অনন্তৰপচ্চযেন পচ্চযো – পুৰিমা পুৰিমা লোকুত্তৰা খন্ধা পচ্ছিমানং পচ্ছিমানং লোকুত্তৰানং খন্ধানং অনন্তৰপচ্চযেন পচ্চযো; মগ্গো ফলস্স, ফলং ফলস্স অনন্তৰপচ্চযেন পচ্চযো. (১)

লোকুত্তৰো ধম্মো লোকিযস্স ধম্মস্স অনন্তৰপচ্চযেন পচ্চযো – ফলং ৱুট্ঠানস্স অনন্তৰপচ্চযেন পচ্চযো. (২)

সমনন্তৰপচ্চযাদি

১৫৫. লোকিযো ধম্মো লোকিযস্স ধম্মস্স সমনন্তৰপচ্চযেন পচ্চযো… সহজাতপচ্চযেন পচ্চযো (পঞ্চ পঞ্হা, ঘটনা নত্থি) অঞ্ঞমঞ্ঞপচ্চযেন পচ্চযো… দ্ৱে… নিস্সযপচ্চযেন পচ্চযো.

উপনিস্সযপচ্চযো

১৫৬. লোকিযো ধম্মো লোকিযস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – লোকিযং সদ্ধং উপনিস্সায দানং দেতি…পে… ৱিপস্সনং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; লোকিযং সীলং…পে… সেনাসনং উপনিস্সায দানং দেতি…পে… সঙ্ঘং ভিন্দতি; লোকিযা সদ্ধা…পে… সেনাসনং লোকিযায সদ্ধায…পে… কাযিকস্স দুক্খস্স উপনিস্সযপচ্চযেন পচ্চযো; কুসলাকুসলং কম্মং ৱিপাকস্স উপনিস্সযপচ্চযেন পচ্চযো. (১)

লোকিযো ধম্মো লোকুত্তৰস ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – পঠমস্স মগ্গস্স পৰিকম্মং পঠমস্স মগ্গস্স উপনিস্সযপচ্চযেন পচ্চযো…পে… চতুত্থস্স মগ্গস্স পৰিকম্মং চতুত্থস্স মগ্গস্স উপনিস্সযপচ্চযেন পচ্চযো. (২)

১৫৭. লোকুত্তৰো ধম্মো লোকুত্তৰস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পঠমো মগ্গো দুতিযস্স মগ্গস্স উপনিস্সযপচ্চযেন পচ্চযো…পে… ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো. (১)

লোকুত্তৰো ধম্মো লোকিযস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অৰিযা মগ্গং উপনিস্সায অনুপ্পন্নং সমাপত্তিং উপ্পাদেন্তি, উপ্পন্নং সমাপজ্জন্তি, সঙ্খাৰে অনিচ্চতো দুক্খতো অনত্ততো ৱিপস্সন্তি, অৰিযানং মগ্গো…পে… ঠানাঠানকোসল্লস্স উপনিস্সযপচ্চযেন পচ্চযো; ফলসমাপত্তি কাযিকস্স সুখস্স উপনিস্সযপচ্চযেন পচ্চযো. (২)

পুৰেজাতপচ্চযো

১৫৮. লোকিযো ধম্মো লোকিযস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো দুক্খতো অনত্ততো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু লোকিযানং খন্ধানং পুৰেজাতপচ্চযেন পচ্চযো. (১)

লোকিযো ধম্মো লোকুত্তৰস্স ধম্মস্স পুৰেজাতপচ্চযেন পচ্চযো. ৱত্থুপুৰেজাতং – ৱত্থু লোকুত্তৰানং খন্ধানং পুৰেজাতপচ্চযেন পচ্চযো. (২)

পচ্ছাজাতপচ্চযো

১৫৯. লোকিযো ধম্মো লোকিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা লোকিযা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

লোকুত্তৰো ধম্মো লোকিযস্স ধম্মস্স পচ্ছাজাতপচ্চযেন পচ্চযো – পচ্ছাজাতা লোকুত্তৰা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৱনপচ্চযো

১৬০. লোকিযো ধম্মো লোকিযস্স ধম্মস্স আসেৱনপচ্চযেন পচ্চযো – পুৰিমা পুৰিমা লোকিযা খন্ধা পচ্ছিমানং পচ্ছিমানং লোকিযানং খন্ধানং আসেৱনপচ্চযেন পচ্চযো; অনুলোমং গোত্ৰভুস্স… অনুলোমং ৱোদানস্স আসেৱনপচ্চযেন পচ্চযো. (১)

লোকিযো ধম্মো লোকুত্তৰস্স ধম্মস্স আসেৱনপচ্চযেন পচ্চযো – গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (২)

কম্মপচ্চযো

১৬১. লোকিযো ধম্মো লোকিযস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – লোকিযা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – লোকিযা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (১)

লোকুত্তৰো ধম্মো লোকুত্তৰস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – লোকুত্তৰা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – লোকুত্তৰা চেতনা ৱিপাকানং খন্ধানং কম্মপচ্চযেন পচ্চযো. (১)

লোকুত্তৰো ধম্মো লোকিযস্স ধম্মস্স কম্মপচ্চযেন পচ্চযো – লোকুত্তৰা চেতনা চিত্তসমুট্ঠানানং ৰূপানং কম্মপচ্চযেন পচ্চযো. (২)

লোকুত্তৰো ধম্মো লোকিযস্স চ লোকুত্তৰস্স চ ধম্মস্স কম্মপচ্চযেন পচ্চযো – লোকুত্তৰা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

ৱিপাকপচ্চযো

১৬২. লোকিযো ধম্মো লোকিযস্স ধম্মস্স ৱিপাকপচ্চযেন পচ্চযো – ৱিপাকো লোকিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো…পে… দ্ৱে খন্ধা…পে… পটিসন্ধিক্খণে…পে…. (১)

লোকুত্তৰো ধম্মো লোকুত্তৰস্স ধম্মস্স ৱিপাকপচ্চযেন পচ্চযো… তীণি.

আহাৰপচ্চযো

১৬৩. লোকিযো ধম্মো লোকিযস্স ধম্মস্স আহাৰপচ্চযেন পচ্চযো – লোকিযা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে…পে… কবড়ীকাৰো আহাৰো ইমস্স কাযস্স আহাৰপচ্চযেন পচ্চযো. (১)

লোকুত্তৰো ধম্মো লোকুত্তৰস্স ধম্মস্স আহাৰপচ্চযেন পচ্চযো… তীণি.

ইন্দ্ৰিযপচ্চযো

১৬৪. লোকিযো ধম্মো লোকিযস্স ধম্মস্স ইন্দ্ৰিযপচ্চযেন পচ্চযো (পটিসন্ধি কাতব্বা); চক্খুন্দ্ৰিযং চক্খুৱিঞ্ঞাণস্স…পে… কাযিন্দ্ৰিযং কাযৱিঞ্ঞাণস্স ইন্দ্ৰিযপচ্চযেন পচ্চযো; ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো. (১)

লোকুত্তৰো ধম্মো লোকুত্তৰস্স ধম্মস্স ইন্দ্ৰিযপচ্চযেন পচ্চযো… তীণি.

ঝানপচ্চযাদি

১৬৫. লোকিযো ধম্মো লোকিযস্স ধম্মস্স ঝানপচ্চযেন পচ্চযো… একং, লোকুত্তৰো ধম্মো…পে… তীণি… মগ্গপচ্চযেন পচ্চযো, লোকিযে একং, লোকুত্তৰে তীণি.

লোকিযো ধম্মো লোকিযস্স ধম্মস্স সম্পযুত্তপচ্চযেন পচ্চযো… একং, লোকুত্তৰো ধম্মো…পে… একং.

ৱিপ্পযুত্তপচ্চযো

১৬৬. লোকিযো ধম্মো লোকিযস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – লোকিযা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে…পে… খন্ধা ৱত্থুস্স ৱিপ্পযুত্তপচ্চযেন পচ্চযো; ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু লোকিযানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – লোকিযা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

লোকিযো ধম্মো লোকুত্তৰস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু লোকুত্তৰানং খন্ধানং ৱিপ্পযুত্তপচ্চযেন পচ্চযো. (২)

লোকুত্তৰো ধম্মো লোকিযস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – লোকুত্তৰা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – লোকুত্তৰা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অত্থিপচ্চযাদি

১৬৭. লোকিযো ধম্মো লোকিযস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – লোকিযো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং…পে… (যাৱ অসঞ্ঞসত্তা). পুৰেজাতং – চক্খুং…পে… ৱত্থুং …পে… (পুৰেজাতসদিসং). ৱত্থু লোকিযানং খন্ধানং অত্থিপচ্চযেন পচ্চযো. পচ্ছাজাতা – লোকিযা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো; কবড়ীকাৰো আহাৰো ইমস্স কাযস্স অত্থিপচ্চযেন পচ্চযো; ৰূপজীৱিতিন্দ্ৰিযং কটত্তাৰূপানং অত্থিপচ্চযেন পচ্চযো. (১)

লোকিযো ধম্মো লোকুত্তৰস্স ধম্মস্স অত্থিপচ্চযেন পচ্চযো. পুৰেজাতং – ৱত্থু লোকুত্তৰানং খন্ধানং অত্থিপচ্চযেন পচ্চযো. (২)

১৬৮. লোকুত্তৰো ধম্মো লোকুত্তৰস্স ধম্মস্স অত্থিপচ্চযেন পচ্চযো – লোকুত্তৰো একো খন্ধো তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা…পে…. (১)

লোকুত্তৰো ধম্মো লোকিযস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – লোকুত্তৰা খন্ধা চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – লোকুত্তৰা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. (২)

লোকুত্তৰো ধম্মো লোকিযস্স চ লোকুত্তৰস্স চ ধম্মস্স অত্থিপচ্চযেন পচ্চযো – লোকুত্তৰো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা…পে…. (৩)

১৬৯. লোকিযো চ লোকুত্তৰো চ ধম্মা লোকিযস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – লোকুত্তৰা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – লোকুত্তৰা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – লোকুত্তৰা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (১)

লোকিযো চ লোকুত্তৰো চ ধম্মা লোকুত্তৰস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – লোকুত্তৰো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে…. (২)

নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো. (২)