১. ৱিভঙ্গৱাৰো

হেতুপচ্চযো

১১১. অৰূপী ধম্মো অৰূপিস্স ধম্মস্স হেতুপচ্চযেন পচ্চযো – অৰূপী হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. (১)

অৰূপী ধম্মো ৰূপিস্স ধম্মস্স হেতুপচ্চযেন পচ্চযো – অৰূপী হেতূ চিত্তসমুট্ঠানানং ৰূপানং হেতুপচ্চযেন পচ্চযো; পটিসন্ধিক্খণে…পে…. (২)

অৰূপী ধম্মো ৰূপিস্স চ অৰূপিস্স চ ধম্মস্স হেতুপচ্চযেন পচ্চযো – অৰূপী হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (৩)

আৰম্মণপচ্চযো

১১২. ৰূপী ধম্মো অৰূপিস্স ধম্মস্স আৰম্মণপচ্চযেন পচ্চযো – চক্খুং…পে… ৱত্থুং… ইত্থিন্দ্ৰিযং… পুৰিসিন্দ্ৰিযং… জীৱিতিন্দ্ৰিযং… আপোধাতুং… কবড়ীকাৰং আহাৰং অনিচ্চতো…পে… দোমনস্সং উপ্পজ্জতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স আৰম্মণপচ্চযেন পচ্চযো…পে… ফোট্ঠব্বাযতনং কাযৱিঞ্ঞাণস্স আৰম্মণপচ্চযেন পচ্চযো; ৰূপিনো খন্ধা ইদ্ধিৱিধঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

১১৩. অৰূপী ধম্মো অৰূপিস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, ঝানা…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি, নিব্বানং পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো; অৰিযা পহীনে কিলেসে…পে… ৱিক্খম্ভিতে কিলেসে…পে… পুব্বে…পে… অৰূপিনো খন্ধে অনিচ্চতো…পে… দোমনস্সং উপ্পজ্জতি, চেতোপৰিযঞাণেন অৰূপিচিত্তসমঙ্গিস্স চিত্তং জানাতি, আকাসানঞ্চাযতনং…পে… নেৱসঞ্ঞানাসঞ্ঞাযতনস্স…পে… অৰূপিনো খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অধিপতিপচ্চযো

১১৪. ৰূপী ধম্মো অৰূপিস্স ধম্মস্স অধিপতিপচ্চযেন পচ্চযো. আৰম্মণাধিপতি – চক্খুং…পে… কবড়ীকাৰং আহাৰং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (১)

অৰূপী ধম্মো অৰূপিস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… (সংখিত্তং) নিব্বানং মগ্গস্স, ফলস্স অধিপতিপচ্চযেন পচ্চযো; অৰূপিনো খন্ধে গৰুং কত্ৱা অস্সাদেতি…পে… ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – অৰূপী অধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অৰূপী ধম্মো ৰূপিস্স ধম্মস্স অধিপতিপচ্চযেন পচ্চযো. সহজাতাধিপতি – অৰূপী অধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

অৰূপী ধম্মো ৰূপিস্স চ অৰূপিস্স চ ধম্মস্স অধিপতিপচ্চযেন পচ্চযো. সহজাতাধিপতি – অৰূপী অধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

অনন্তৰপচ্চযাদি

১১৫. অৰূপী ধম্মো অৰূপিস্স ধম্মস্স অনন্তৰপচ্চযেন পচ্চযো – পুৰিমা পুৰিমা অৰূপিনো খন্ধা পচ্ছিমানং পচ্ছিমানং অৰূপীনং খন্ধানং…পে… ফলসমাপত্তিযা অনন্তৰপচ্চযেন পচ্চযো, সমনন্তৰপচ্চযেন পচ্চযো.

(সহজাতপচ্চযে সত্ত, ইহ ঘটনা নত্থি. অঞ্ঞমঞ্ঞপচ্চযে ছ, নিস্সযপচ্চযে সত্ত পঞ্হা, ইহ ঘটনা নত্থি).

উপনিস্সযপচ্চযো

১১৬. ৰূপী ধম্মো অৰূপিস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – উতুং… ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি, উতু… ভোজনং… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

অৰূপী ধম্মো অৰূপিস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি, সীলং…পে… কাযিকং দুক্খং উপনিস্সায দানং দেতি…পে… সঙ্ঘং ভিন্দতি, সদ্ধা…পে… কাযিকং দুক্খং… সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

পুৰেজাতপচ্চযো

১১৭. ৰূপী ধম্মো অৰূপিস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং…পে… কবড়ীকাৰং আহাৰং অনিচ্চতো …পে… দোমনস্সং উপ্পজ্জতি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু অৰূপীনং খন্ধানং পুৰেজাতপচ্চযেন পচ্চযো. (১)

পচ্ছাজাতপচ্চযো

১১৮. অৰূপী ধম্মো ৰূপিস্স ধম্মস্স পচ্ছাজাতপচ্চযেন পচ্চযো – পচ্ছাজাতা অৰূপিনো খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৱনপচ্চযো

১১৯. অৰূপী ধম্মো অৰূপিস্স ধম্মস্স আসেৱনপচ্চযেন পচ্চযো – পুৰিমা পুৰিমা অৰূপিনো খন্ধা পচ্ছিমানং পচ্ছিমানং অৰূপীনং খন্ধানং আসেৱনপচ্চযেন পচ্চযো.

কম্মপচ্চযো

১২০. অৰূপী ধম্মো অৰূপিস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অৰূপী চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অৰূপী চেতনা ৱিপাকানং খন্ধানং কম্মপচ্চযেন পচ্চযো. (১)

অৰূপী ধম্মো ৰূপিস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অৰূপী চেতনা চিত্তসমুট্ঠানানং ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অৰূপী চেতনা কটত্তাৰূপানং কম্মপচ্চযেন পচ্চযো. (২)

অৰূপী ধম্মো ৰূপিস্স চ অৰূপিস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – অৰূপী চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – অৰূপী চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (৩)

ৱিপাকাহাৰপচ্চযা

১২১. অৰূপী ধম্মো অৰূপিস্স ধম্মস্স ৱিপাকপচ্চযেন পচ্চযো… তীণি.

ৰূপী ধম্মো ৰূপিস্স ধম্মস্স আহাৰপচ্চযেন পচ্চযো – কবড়ীকাৰো আহাৰো ইমস্স কাযস্স আহাৰপচ্চযেন পচ্চযো. (১)

অৰূপী ধম্মো অৰূপিস্স ধম্মস্স আহাৰপচ্চযেন পচ্চযো… তীণি.

ইন্দ্ৰিযপচ্চযো

১২২. ৰূপী ধম্মো ৰূপিস্স ধম্মস্স ইন্দ্ৰিযপচ্চযেন পচ্চযো – ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো. (১)

ৰূপী ধম্মো অৰূপিস্স ধম্মস্স ইন্দ্ৰিযপচ্চযেন পচ্চযো – চক্খুন্দ্ৰিযং…পে… কাযিন্দ্ৰিযং কাযৱিঞ্ঞাণস্স ইন্দ্ৰিযপচ্চযেন পচ্চযো. (২)

অৰূপী ধম্মো অৰূপিস্স ধম্মস্স ইন্দ্ৰিযপচ্চযেন পচ্চযো… তীণি.

ৰূপী চ অৰূপী চ ধম্মা অৰূপিস্স ধম্মস্স ইন্দ্ৰিযপচ্চযেন পচ্চযো – চক্খুন্দ্ৰিযঞ্চ চক্খুৱিঞ্ঞাণঞ্চ চক্খুৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো…পে… কাযিন্দ্ৰিযঞ্চ…পে….

ঝানপচ্চযাদি

১২৩. অৰূপী ধম্মো অৰূপিস্স ধম্মস্স ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… একং.

ৱিপ্পযুত্তপচ্চযো

১২৪. ৰূপী ধম্মো অৰূপিস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু অৰূপীনং খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু অৰূপীনং খন্ধানং ৱিপ্পযুত্তপচ্চযেন পচ্চযো. (১)

অৰূপী ধম্মো ৰূপিস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অৰূপিনো খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে অৰূপিনো খন্ধা কটত্তাৰূপানং ৱিপ্পযুত্তপচ্চযেন পচ্চযো; অৰূপিনো খন্ধা ৱত্থুস্স ৱিপ্পযুত্তপচ্চযেন পচ্চযো. পচ্ছাজাতা – অৰূপিনো খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অত্থিপচ্চযাদি

১২৫. ৰূপী ধম্মো ৰূপিস্স ধম্মস্স অত্থিপচ্চযেন পচ্চযো – সহজাতং, আহাৰং, ইন্দ্ৰিযং. সহজাতং – একং মহাভূতং…পে… (যাৱ অসঞ্ঞসত্তা), কবড়ীকাৰো আহাৰো ইমস্স কাযস্স অত্থিপচ্চযেন পচ্চযো; ৰূপজীৱিতিন্দ্ৰিযং কটত্তাৰূপানং অত্থিপচ্চযেন পচ্চযো. (১)

ৰূপী ধম্মো অৰূপিস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু অৰূপীনং খন্ধানং অত্থিপচ্চযেন পচ্চযো. পুৰেজাতং – চক্খুং…পে… কবড়ীকাৰং আহাৰং অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… চক্খাযতনং চক্খুৱিঞ্ঞাণস্স …পে… কাযাযতনং কাযৱিঞ্ঞাণস্স…পে… ৱত্থু অৰূপীনং খন্ধানং অত্থিপচ্চযেন পচ্চযো. (২)

১২৬. অৰূপী ধম্মো অৰূপিস্স ধম্মস্স অত্থিপচ্চযেন পচ্চযো – অৰূপী একো খন্ধো তিণ্ণন্নং খন্ধানং…পে… দ্ৱে খন্ধা…পে… পটিসন্ধিক্খণে…পে…. (১)

অৰূপী ধম্মো ৰূপিস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – অৰূপিনো খন্ধা চিত্তসমুট্ঠানানং ৰূপানং অত্থিপচ্চযেন পচ্চযো; পটিসন্ধিক্খণে…পে… পচ্ছাজাতা – অৰূপিনো খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. (২)

অৰূপী ধম্মো ৰূপিস্স চ অৰূপিস্স চ ধম্মস্স অত্থিপচ্চযেন পচ্চযো – অৰূপী একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা…পে… পটিসন্ধিক্খণে…পে…. (৩)

১২৭. ৰূপী চ অৰূপী চ ধম্মা ৰূপিস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – অৰূপী খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো; পটিসন্ধিক্খণে…পে…. পচ্ছাজাতা – অৰূপিনো খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – অৰূপিনো খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (১)

ৰূপী চ অৰূপী চ ধম্মা অৰূপিস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – চক্খুৱিঞ্ঞাণসহগতো একো খন্ধো চ চক্খাযতনঞ্চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে… কাযৱিঞ্ঞাণসহগতো…পে… অৰূপী একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে… পটিসন্ধিক্খণে অৰূপী একো খন্ধো চ ৱত্থু চ তিণ্ণন্নং খন্ধানং…পে… দ্ৱে খন্ধা চ…পে…. (২)

নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো.