১. ৱিভঙ্গৱাৰো

হেতুপচ্চযো

৯২. চেতসিকং ধম্মং পটিচ্চ চেতসিকো ধম্মো উপ্পজ্জতি হেতুপচ্চযা – চেতসিকং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; পটিসন্ধিক্খণে…পে…. (১)

চেতসিকং ধম্মং পটিচ্চ অচেতসিকো ধম্মো উপ্পজ্জতি হেতুপচ্চযা – চেতসিকে খন্ধে পটিচ্চ চিত্তঞ্চ চিত্তসমুট্ঠানঞ্চ ৰূপং; পটিসন্ধিক্খণে চেতসিকে খন্ধে পটিচ্চ চিত্তঞ্চ কটত্তা চ ৰূপং. (২)

চেতসিকং ধম্মং পটিচ্চ চেতসিকো চ অচেতসিকো চ ধম্মা উপ্পজ্জন্তি হেতুপচ্চযা – চেতসিকং একং খন্ধং পটিচ্চ দ্ৱে খন্ধা চিত্তঞ্চ চিত্তসমুট্ঠানঞ্চ ৰূপং, দ্ৱে খন্ধে…পে… পটিসন্ধিক্খণে…পে…. (৩)

৯৩. অচেতসিকং ধম্মং পটিচ্চ অচেতসিকো ধম্মো উপ্পজ্জতি হেতুপচ্চযা – চিত্তং পটিচ্চ চিত্তসমুট্ঠানং ৰূপং; পটিসন্ধিক্খণে চিত্তং পটিচ্চ কটত্তাৰূপং, চিত্তং পটিচ্চ ৱত্থু, ৱত্থুং পটিচ্চ চিত্তং, একং মহাভূতং…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

অচেতসিকং ধম্মং পটিচ্চ চেতসিকো ধম্মো উপ্পজ্জতি হেতুপচ্চযা – চিত্তং পটিচ্চ সম্পযুত্তকা খন্ধা; পটিসন্ধিক্খণে চিত্তং…পে… পটিসন্ধিক্খণে ৱত্থুং পটিচ্চ চেতসিকা খন্ধা. (২)

অচেতসিকং ধম্মং পটিচ্চ চেতসিকো চ অচেতসিকো চ ধম্মা উপ্পজ্জন্তি হেতুপচ্চযা – চিত্তং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং; পটিসন্ধিক্খণে চিত্তং…পে… পটিসন্ধিক্খণে ৱত্থুং পটিচ্চ চিত্তঞ্চ সম্পযুত্তকা চ খন্ধা. (৩)

৯৪. চেতসিকঞ্চ অচেতসিকঞ্চ ধম্মং পটিচ্চ চেতসিকো ধম্মো উপ্পজ্জতি হেতুপচ্চযা – চেতসিকং একং খন্ধঞ্চ চিত্তঞ্চ পটিচ্চ দ্ৱে খন্ধা, দ্ৱে খন্ধে চ…পে… পটিসন্ধিক্খণে চেতসিকং একং খন্ধঞ্চ চিত্তঞ্চ পটিচ্চ দ্ৱে খন্ধা, দ্ৱে খন্ধে চ…পে… পটিসন্ধিক্খণে চেতসিকং একং খন্ধঞ্চ ৱত্থুঞ্চ পটিচ্চ দ্ৱে খন্ধা, দ্ৱে খন্ধে চ…পে…. (১)

চেতসিকঞ্চ অচেতসিকঞ্চ ধম্মং পটিচ্চ অচেতসিকো ধম্মো উপ্পজ্জতি হেতুপচ্চযা – চেতসিকে খন্ধে চ চিত্তঞ্চ পটিচ্চ চিত্তসমুট্ঠানং ৰূপং, চেতসিকে খন্ধে চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে চেতসিকে খন্ধে চ চিত্তঞ্চ পটিচ্চ কটত্তাৰূপং, পটিসন্ধিক্খণে চেতসিকে খন্ধে চ মহাভূতে চ পটিচ্চ কটত্তাৰূপং, পটিসন্ধিক্খণে চেতসিকে খন্ধে চ ৱত্থুঞ্চ পটিচ্চ চিত্তং. (২)

চেতসিকঞ্চ অচেতসিকঞ্চ ধম্মং পটিচ্চ চেতসিকো চ অচেতসিকো চ ধম্মা উপ্পজ্জন্তি হেতুপচ্চযা – চেতসিকং একং খন্ধঞ্চ চিত্তঞ্চ পটিচ্চ দ্ৱে খন্ধা চিত্তসমুট্ঠানঞ্চ ৰূপং, দ্ৱে খন্ধে চ…পে… পটিসন্ধিক্খণে চেতসিকং একং খন্ধঞ্চ চিত্তঞ্চ পটিচ্চ দ্ৱে খন্ধা কটত্তা চ ৰূপং, দ্ৱে খন্ধে চ…পে… পটিসন্ধিক্খণে চেতসিকং একং খন্ধঞ্চ ৱত্থুঞ্চ পটিচ্চ দ্ৱে খন্ধা চিত্তঞ্চ, দ্ৱে খন্ধে চ ৱত্থুঞ্চ পটিচ্চ একো খন্ধো চিত্তঞ্চ. (৩)

আৰম্মণপচ্চযো

৯৫. চেতসিকং ধম্মং পটিচ্চ চেতসিকো ধম্মো উপ্পজ্জতি আৰম্মণপচ্চযা – চেতসিকং একং খন্ধং পটিচ্চ দ্ৱে খন্ধা, দ্ৱে খন্ধে…পে… পটিসন্ধিক্খণে…পে…. (১)

চেতসিকং ধম্মং পটিচ্চ অচেতসিকো ধম্মো উপ্পজ্জতি আৰম্মণপচ্চযা – চেতসিকে খন্ধে পটিচ্চ চিত্তং; পটিসন্ধিক্খণে…পে…. (২)

চেতসিকং ধম্মং পটিচ্চ চেতসিকো চ অচেতসিকো চ ধম্মা উপ্পজ্জন্তি আৰম্মণপচ্চযা – চেতসিকং একং খন্ধং পটিচ্চ দ্ৱে খন্ধা চিত্তঞ্চ, দ্ৱে খন্ধে…পে… পটিসন্ধিক্খণে…পে…. (৩)

৯৬. অচেতসিকং ধম্মং পটিচ্চ অচেতসিকো ধম্মো উপ্পজ্জতি আৰম্মণপচ্চযা – পটিসন্ধিক্খণে ৱত্থুং পটিচ্চ চিত্তং. (১)

অচেতসিকং ধম্মং পটিচ্চ চেতসিকো ধম্মো উপ্পজ্জতি আৰম্মণপচ্চযা – চিত্তং পটিচ্চ সম্পযুত্তকা খন্ধা; পটিসন্ধিক্খণে চিত্তং পটিচ্চ সম্পযুত্তকা খন্ধা, পটিসন্ধিক্খণে ৱত্থুং পটিচ্চ চেতসিকা খন্ধা. (২)

অচেতসিকং ধম্মং পটিচ্চ চেতসিকো চ অচেতসিকো চ ধম্মা উপ্পজ্জন্তি আৰম্মণপচ্চযা – পটিসন্ধিক্খণে ৱত্থুং পটিচ্চ চিত্তঞ্চ সম্পযুত্তকা চ খন্ধা. (৩)

চেতসিকঞ্চ অচেতসিকঞ্চ ধম্মং পটিচ্চ চেতসিকো ধম্মো উপ্পজ্জতি আৰম্মণপচ্চযা – চেতসিকং একং খন্ধঞ্চ চিত্তঞ্চ পটিচ্চ দ্ৱে খন্ধা, দ্ৱে খন্ধে চ…পে… পটিসন্ধিক্খণে চেতসিকং একং খন্ধঞ্চ চিত্তঞ্চ পটিচ্চ দ্ৱে খন্ধা, দ্ৱে খন্ধে চ…পে… পটিসন্ধিক্খণে চেতসিকং একং খন্ধঞ্চ ৱত্থুঞ্চ পটিচ্চ দ্ৱে খন্ধা, দ্ৱে খন্ধে চ…পে…. (১)

চেতসিকঞ্চ অচেতসিকঞ্চ ধম্মং পটিচ্চ অচেতসিকো ধম্মো উপ্পজ্জতি আৰম্মণপচ্চযা – পটিসন্ধিক্খণে চেতসিকে খন্ধে চ ৱত্থুঞ্চ পটিচ্চ চিত্তং. (২)

চেতসিকঞ্চ অচেতসিকঞ্চ ধম্মং পটিচ্চ চেতসিকো চ অচেতসিকো চ ধম্মা উপ্পজ্জন্তি আৰম্মণপচ্চযা – পটিসন্ধিক্খণে চেতসিকং একং খন্ধঞ্চ ৱত্থুঞ্চ পটিচ্চ দ্ৱে খন্ধা চিত্তঞ্চ, দ্ৱে খন্ধে চ…পে…. (৩)

অধিপতিপচ্চযো

৯৭. চেতসিকং ধম্মং পটিচ্চ চেতসিকো ধম্মো উপ্পজ্জতি অধিপতিপচ্চযা (সংখিত্তং).