১. ৱিভঙ্গৱাৰো

হেতুপচ্চযো

৫০. চিত্তং ধম্মং পটিচ্চ নোচিত্তো ধম্মো উপ্পজ্জতি হেতুপচ্চযা – চিত্তং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং; পটিসন্ধিক্খণে চিত্তং পটিচ্চ সম্পযুত্তকা খন্ধা কটত্তা চ ৰূপং. (১)

নোচিত্তং ধম্মং পটিচ্চ নোচিত্তো ধম্মো উপ্পজ্জতি হেতুপচ্চযা – নোচিত্তং একং খন্ধং পটিচ্চ দ্ৱে খন্ধা চিত্তসমুট্ঠানঞ্চ ৰূপং, দ্ৱে খন্ধে পটিচ্চ একো খন্ধো চিত্তসমুট্ঠানঞ্চ ৰূপং; পটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং পটিচ্চ…পে…. (১)

নোচিত্তং ধম্মং পটিচ্চ চিত্তো ধম্মো উপ্পজ্জতি হেতুপচ্চযা – নোচিত্তে খন্ধে পটিচ্চ চিত্তং; পটিসন্ধিক্খণে নোচিত্তে খন্ধে পটিচ্চ চিত্তং; পটিসন্ধিক্খণে ৱত্থুং পটিচ্চ চিত্তং. (২)

নোচিত্তং ধম্মং পটিচ্চ চিত্তো চ নোচিত্তো চ ধম্মা উপ্পজ্জন্তি হেতুপচ্চযা – নোচিত্তং একং খন্ধং পটিচ্চ দ্ৱে খন্ধা চিত্তঞ্চ চিত্তসমুট্ঠানঞ্চ ৰূপং, দ্ৱে খন্ধে…পে… পটিসন্ধিক্খণে নোচিত্তং একং খন্ধং পটিচ্চ দ্ৱে খন্ধা চিত্তঞ্চ কটত্তা চ ৰূপং, দ্ৱে খন্ধে পটিচ্চ একো খন্ধো চিত্তঞ্চ কটত্তা চ ৰূপং; পটিসন্ধিক্খণে ৱত্থুং পটিচ্চ চিত্তঞ্চ সম্পযুত্তকা চ খন্ধা. (৩)

চিত্তঞ্চ নোচিত্তঞ্চ ধম্মং পটিচ্চ নোচিত্তো ধম্মো উপ্পজ্জতি হেতুপচ্চযা – নোচিত্তং একং খন্ধঞ্চ চিত্তঞ্চ পটিচ্চ দ্ৱে খন্ধা চিত্তসমুট্ঠানঞ্চ ৰূপং, দ্ৱে খন্ধে চ…পে… চিত্তঞ্চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে নোচিত্তং একং খন্ধঞ্চ চিত্তঞ্চ পটিচ্চ দ্ৱে খন্ধা কটত্তা চ ৰূপং, দ্ৱে খন্ধে…পে… পটিসন্ধিক্খণে চিত্তঞ্চ ৱত্থুঞ্চ পটিচ্চ নোচিত্তা খন্ধা; পটিসন্ধিক্খণে চিত্তঞ্চ মহাভূতে চ পটিচ্চ কটত্তাৰূপং. (১)

আৰম্মণপচ্চযো

৫১. চিত্তং ধম্মং পটিচ্চ নোচিত্তো ধম্মো উপ্পজ্জতি আৰম্মণপচ্চযা – চিত্তং পটিচ্চ সম্পযুত্তকা খন্ধা; পটিসন্ধিক্খণে…পে…. (১)

নোচিত্তং ধম্মং পটিচ্চ নোচিত্তো ধম্মো উপ্পজ্জতি আৰম্মণপচ্চযা – নোচিত্তং একং খন্ধং পটিচ্চ দ্ৱে খন্ধা, দ্ৱে খন্ধে…পে… পটিসন্ধিক্খণে…পে… পটিসন্ধিক্খণে ৱত্থুং পটিচ্চ খন্ধা. (১)

নোচিত্তং ধম্মং পটিচ্চ চিত্তো ধম্মো উপ্পজ্জতি আৰম্মণপচ্চযা – নোচিত্তে খন্ধে পটিচ্চ চিত্তং; পটিসন্ধিক্খণে নোচিত্তে খন্ধে পটিচ্চ চিত্তং; পটিসন্ধিক্খণে ৱত্থুং পটিচ্চ চিত্তং. (২)

নোচিত্তং ধম্মং পটিচ্চ চিত্তো চ নোচিত্তো চ ধম্মা উপ্পজ্জন্তি আৰম্মণপচ্চযা – নোচিত্তং একং খন্ধং পটিচ্চ দ্ৱে খন্ধা চিত্তঞ্চ, দ্ৱে খন্ধে পটিচ্চ…পে… পটিসন্ধিক্খণে নোচিত্তং একং খন্ধং পটিচ্চ দ্ৱে খন্ধা চিত্তঞ্চ, দ্ৱে খন্ধে…পে… পটিসন্ধিক্খণে ৱত্থুং পটিচ্চ চিত্তঞ্চ সম্পযুত্তকা চ খন্ধা. (৩)

চিত্তঞ্চ নোচিত্তঞ্চ ধম্মং পটিচ্চ নোচিত্তো ধম্মো উপ্পজ্জতি আৰম্মণপচ্চযা – নোচিত্তং একং খন্ধঞ্চ চিত্তঞ্চ পটিচ্চ দ্ৱে খন্ধা, দ্ৱে খন্ধে চ…পে… পটিসন্ধিক্খণে…পে… পটিসন্ধিক্খণে চিত্তঞ্চ ৱত্থুঞ্চ পটিচ্চ নোচিত্তা খন্ধা. (১) (সংখিত্তং).