২. সঙ্খ্যাৱাৰো

সুদ্ধং

৪৬৬. হেতুযা চত্তাৰি, আৰম্মণে চত্তাৰি, অধিপতিযা দ্ৱে, অনন্তৰে চত্তাৰি, সমনন্তৰে চত্তাৰি, সহজাতে পঞ্চ, অঞ্ঞমঞ্ঞে দ্ৱে, নিস্সযে পঞ্চ, উপনিস্সযে চত্তাৰি, পুৰেজাতে ছ, পচ্ছাজাতে ছ, আসেৱনে একং, কম্মে পঞ্চ, ৱিপাকে চত্তাৰি, আহাৰে নৱ, ইন্দ্ৰিযে চত্তাৰি, ঝানে চত্তাৰি, মগ্গে চত্তাৰি, সম্পযুত্তে দ্ৱে, ৱিপ্পযুত্তে ছ, অত্থিযা নৱ, নত্থিযা চত্তাৰি, ৱিগতে চত্তাৰি, অৱিগতে নৱ.

পচ্চনীযুদ্ধাৰো

৪৬৭. উপাদিন্নো ধম্মো উপাদিন্নস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো… পচ্ছাজাতপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো… পচ্ছাজাতপচ্চযেন পচ্চযো… আহাৰপচ্চযেন পচ্চযো. (২)

উপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স সহজাতপচ্চযেন পচ্চযো… পচ্ছাজাতপচ্চযেন পচ্চযো… আহাৰপচ্চযেন পচ্চযো. (৩)

৪৬৮. অনুপাদিন্নো ধম্মো অনুপাদিন্নস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো… আহাৰপচ্চযেন পচ্চযো. (১)

অনুপাদিন্নো ধম্মো উপাদিন্নস্স ধম্মস্স আৰম্মণপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহাৰপচ্চযেন পচ্চযো. (২)

অনুপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স পচ্ছাজাতপচ্চযেন পচ্চযো… আহাৰপচ্চযেন পচ্চযো. (৩)

উপাদিন্নো চ অনুপাদিন্নো চ ধম্মা উপাদিন্নস্স ধম্মস্স পুৰেজাতং, পচ্ছাজাতং, আহাৰং, ইন্দ্ৰিযং. (১)

উপাদিন্নো চ অনুপাদিন্নো চ ধম্মা অনুপাদিন্নস্স ধম্মস্স সহজাতং, পুৰেজাতং, পচ্ছাজাতং, আহাৰং. (২)

উপাদিন্নো চ অনুপাদিন্নো চ ধম্মা উপাদিন্নস্স চ অনুপাদিন্নস্স চ ধম্মস্স আহাৰপচ্চযেন পচ্চযো. (৩)