১. ৱিভঙ্গৱাৰো

হেতুপচ্চযো

৪৪৫. উপাদিন্নো ধম্মো উপাদিন্নস্স ধম্মস্স হেতুপচ্চযেন পচ্চযো – উপাদিন্না হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে উপাদিন্না হেতূ সম্পযুত্তকানং খন্ধানং কটত্তা চ ৰূপানং হেতুপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স হেতুপচ্চযেন পচ্চযো – উপাদিন্না হেতূ চিত্তসমুট্ঠানানং ৰূপানং হেতুপচ্চযেন পচ্চযো. (২)

উপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স হেতুপচ্চযেন পচ্চযো – উপাদিন্না হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

অনুপাদিন্নো ধম্মো অনুপাদিন্নস্স ধম্মস্স হেতুপচ্চযেন পচ্চযো – অনুপাদিন্না হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (১)

আৰম্মণপচ্চযো

৪৪৬. উপাদিন্নো ধম্মো উপাদিন্নস্স ধম্মস্স আৰম্মণপচ্চযেন পচ্চযো – চক্খুং…পে… কাযং উপাদিন্নে ৰূপে… গন্ধে… ৰসে… ফোট্ঠব্বে… ৱত্থুং উপাদিন্নে খন্ধে অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি, উপাদিন্নং ৰূপাযতনং চক্খুৱিঞ্ঞাণস্স…পে… উপাদিন্নং গন্ধাযতনং ঘানৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স আৰম্মণপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স আৰম্মণপচ্চযেন পচ্চযো – চক্খুং…পে… কাযং উপাদিন্নে ৰূপে… গন্ধে… ৰসে… ফোট্ঠব্বে… ৱত্থুং উপাদিন্নে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা উপাদিন্নং ৰূপং পস্সতি. চেতোপৰিযঞাণেন উপাদিন্নচিত্তসমঙ্গিস্স চিত্তং জানাতি, উপাদিন্না খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

৪৪৭. অনুপাদিন্নো ধম্মো অনুপাদিন্নস্স ধম্মস্স আৰম্মণপচ্চযেন পচ্চযো – দানং …পে… সীলং…পে… উপোসথকম্মং কত্ৱা তং পচ্চৱেক্খতি অস্সাদেতি অভিনন্দতি, তং আৰব্ভ ৰাগো…পে… দোমনস্সং উপ্পজ্জতি; পুব্বে সুচিণ্ণানি…পে… ঝানা…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং…পে… নিব্বানং…পে… নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো. অৰিযা পহীনে কিলেসে…পে… ৱিক্খম্ভিতে কিলেসে…পে… পুব্বে…পে… অনুপাদিন্নে ৰূপে… সদ্দে… গন্ধে… ৰসে… ফোট্ঠব্বে অনুপাদিন্নে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা অনুপাদিন্নং ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন অনুপাদিন্নচিত্তসমঙ্গিস্স চিত্তং জানাতি, আকাসানঞ্চাযতনং…পে… আকিঞ্চঞ্ঞাযতনং…পে… অনুপাদিন্না খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অনুপাদিন্নো ধম্মো উপাদিন্নস্স ধম্মস্স আৰম্মণপচ্চযেন পচ্চযো – অনুপাদিন্নে ৰূপে… সদ্দে… গন্ধে… ৰসে… ফোট্ঠব্বে অনুপাদিন্নে খন্ধে অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি, আকাসানঞ্চাযতনকুসলং ৱিঞ্ঞাণঞ্চাযতনৱিপাকস্স…পে… আকিঞ্চঞ্ঞাযতনকুসলং…পে… অনুপাদিন্নং ৰূপাযতনং চক্খুৱিঞ্ঞাণস্স…পে… সদ্দাযতনং…পে… ফোট্ঠব্বাযতনং কাযৱিঞ্ঞাণস্স আৰম্মণপচ্চযেন পচ্চযো. (২)

অধিপতিপচ্চযো

৪৪৮. উপাদিন্নো ধম্মো অনুপাদিন্নস্স ধম্মস্স অধিপতিপচ্চযেন পচ্চযো. আৰম্মণাধিপতি – চক্খুং…পে… কাযং উপাদিন্নে ৰূপে… গন্ধে… ৰসে… ফোট্ঠব্বে… ৱত্থুং উপাদিন্নে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (১)

অনুপাদিন্নো ধম্মো অনুপাদিন্নস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং কত্ৱা তং গৰুং কত্ৱা পচ্চৱেক্খতি অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি, পুব্বে…পে… ঝানা…পে… অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ফলং…পে… নিব্বানং গৰুং কত্ৱা পচ্চৱেক্খন্তি. নিব্বানং গোত্ৰভুস্স, ৱোদানস্স, মগ্গস্স, ফলস্স, অধিপতিপচ্চযেন পচ্চযো; অনুপাদিন্নে ৰূপে… সদ্দে… গন্ধে… ৰসে… ফোট্ঠব্বে অনুপাদিন্নে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – অনুপাদিন্নাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

অনন্তৰপচ্চযো

৪৪৯. উপাদিন্নো ধম্মো উপাদিন্নস্স ধম্মস্স অনন্তৰপচ্চযেন পচ্চযো – পুৰিমা পুৰিমা উপাদিন্না খন্ধা পচ্ছিমানং পচ্ছিমানং উপাদিন্নানং খন্ধানং অনন্তৰপচ্চযেন পচ্চযো. পঞ্চৱিঞ্ঞাণং ৱিপাকমনোধাতুযা অনন্তৰপচ্চযেন পচ্চযো. ৱিপাকমনোধাতু ৱিপাকমনোৱিঞ্ঞাণধাতুযা অনন্তৰপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স অনন্তৰপচ্চযেন পচ্চযো – ভৱঙ্গং আৱজ্জনায, ৱিপাকমনোৱিঞ্ঞাণধাতু কিৰিযমনোৱিঞ্ঞাণধাতুযা অনন্তৰপচ্চযেন পচ্চযো. (২)

৪৫০. অনুপাদিন্নো ধম্মো অনুপাদিন্নস্স ধম্মস্স অনন্তৰপচ্চযেন পচ্চযো – পুৰিমা পুৰিমা অনুপাদিন্না খন্ধা পচ্ছিমানং পচ্ছিমানং অনুপাদিন্নানং খন্ধানং অনন্তৰপচ্চযেন পচ্চযো, অনুলোমং গোত্ৰভুস্স…পে… ফলসমাপত্তিযা অনন্তৰপচ্চযেন পচ্চযো. (১)

অনুপাদিন্নো ধম্মো উপাদিন্নস্স ধম্মস্স অনন্তৰপচ্চযেন পচ্চযো – আৱজ্জনা পঞ্চন্নং ৱিঞ্ঞাণানং…পে… অনুপাদিন্না খন্ধা ৱুট্ঠানস্স অনন্তৰপচ্চযেন পচ্চযো… সমনন্তৰপচ্চযেন পচ্চযো… সহজাতপচ্চযেন পচ্চযো… পঞ্চ (পটিচ্চসদিসা)… অঞ্ঞমঞ্ঞপচ্চযেন পচ্চযো… দ্ৱে (পটিচ্চসদিসা)… নিস্সযপচ্চযেন পচ্চযো (পচ্চযৱাৰে নিস্সযসদিসা) পঞ্চ.

উপনিস্সযপচ্চযো

৪৫১. উপাদিন্নো ধম্মো উপাদিন্নস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং কাযিকস্স সুখস্স… কাযিকস্স দুক্খস্স উপনিস্সযপচ্চযেন পচ্চযো; কাযিকং দুক্খং… উপাদিন্নং উতু… ভোজনং কাযিকস্স সুখস্স… কাযিকস্স দুক্খস্স উপনিস্সযপচ্চযেন পচ্চযো; কাযিকং সুখং… কাযিকং দুক্খং… উতু… ভোজনং… কাযিকস্স সুখস্স… কাযিকস্স দুক্খস্স উপনিস্সযপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায দানং দেতি…পে… সঙ্ঘং ভিন্দতি; কাযিকং দুক্খং… উপাদিন্নং উতুং… ভোজনং উপনিস্সায দানং দেতি…পে… সমাপত্তিং উপ্পাদেতি; পাণং হনতি…পে… সঙ্ঘং ভিন্দতি; কাযিকং সুখং… কাযিকং দুক্খং… উতু… ভোজনং সদ্ধায…পে… পত্থনায মগ্গস্স, ফলসমাপত্তিযা উপনিস্সযপচ্চযেন পচ্চযো. (২)

৪৫২. অনুপাদিন্নো ধম্মো অনুপাদিন্নস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি, মানং জপ্পেতি, দিট্ঠিং গণ্হাতি; সীলং…পে… পত্থনং… উতুং… ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… পত্থনা… উতু… ভোজনং… সেনাসনং সদ্ধায…পে… পত্থনায মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

অনুপাদিন্নো ধম্মো উপাদিন্নস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায অত্তানং আতাপেতি পৰিতাপেতি, পৰিযিট্ঠিমূলকং দুক্খং পচ্চনুভোতি; সীলং…পে… পত্থনং… উতুং… ভোজনং… সেনাসনং উপনিস্সায অত্তানং আতাপেতি পৰিতাপেতি, পৰিযিট্ঠিমূলকং দুক্খং পচ্চনুভোতি; সদ্ধা…পে… সেনাসনং কাযিকস্স সুখস্স… কাযিকস্স দুক্খস্স উপনিস্সযপচ্চযেন পচ্চযো. কুসলাকুসলং কম্মং ৱিপাকস্স উপনিস্সযপচ্চযেন পচ্চযো. (২)

পুৰেজাতপচ্চযো

৪৫৩. উপাদিন্নো ধম্মো উপাদিন্নস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… কাযং উপাদিন্নে ৰূপে… গন্ধে… ৰসে… ফোট্ঠব্বে… ৱত্থুং অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি, উপাদিন্নং ৰূপাযতনং চক্খুৱিঞ্ঞাণস্স…পে… গন্ধাযতনং…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু উপাদিন্নানং খন্ধানং পুৰেজাতপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… কাযং, উপাদিন্নে ৰূপে… গন্ধে… ৰসে… ফোট্ঠব্বে ৱত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা উপাদিন্নং ৰূপং পস্সতি. ৱত্থুপুৰেজাতং – ৱত্থু অনুপাদিন্নানং খন্ধানং পুৰেজাতপচ্চযেন পচ্চযো. (২)

৪৫৪. অনুপাদিন্নো ধম্মো অনুপাদিন্নস্স ধম্মস্স পুৰেজাতপচ্চযেন পচ্চযো. আৰম্মণপুৰেজাতং – অনুপাদিন্নে ৰূপে… সদ্দে… গন্ধে… ৰসে… ফোট্ঠব্বে অনিচ্চতো…পে… দোমনস্সং উপ্পজ্জতি; দিব্বেন চক্খুনা অনুপাদিন্নং ৰূপং পস্সতি, দিব্বায সোতধাতুযা সদ্দং সুণাতি. (১)

অনুপাদিন্নো ধম্মো উপাদিন্নস্স ধম্মস্স পুৰেজাতপচ্চযেন পচ্চযো. আৰম্মণপুৰেজাতং – অনুপাদিন্নে ৰূপে… সদ্দে… গন্ধে… ৰসে… ফোট্ঠব্বে অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি, অনুপাদিন্নং ৰূপাযতনং চক্খুৱিঞ্ঞাণস্স…পে… সদ্দাযতনং…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. (২)

উপাদিন্নো চ অনুপাদিন্নো চ ধম্মা উপাদিন্নস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. অনুপাদিন্নং ৰূপাযতনঞ্চ চক্খাযতনঞ্চ চক্খুৱিঞ্ঞাণস্স…পে… সদ্দাযতনঞ্চ সোতাযতনঞ্চ…পে… ফোট্ঠব্বাযতনঞ্চ কাযাযতনঞ্চ কাযৱিঞ্ঞাণস্স পুৰেজাতপচ্চযেন পচ্চযো; অনুপাদিন্নং ৰূপাযতনঞ্চ ৱত্থু চ…পে… ফোট্ঠব্বাযতনঞ্চ ৱত্থু চ উপাদিন্নানং খন্ধানং পুৰেজাতপচ্চযেন পচ্চযো. (১)

উপাদিন্নো চ অনুপাদিন্নো চ ধম্মা অনুপাদিন্নস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. অনুপাদিন্নং ৰূপাযতনঞ্চ ৱত্থু চ…পে… ফোট্ঠব্বাযতনঞ্চ ৱত্থু চ অনুপাদিন্নানং খন্ধানং পুৰেজাতপচ্চযেন পচ্চযো. (২)

পচ্ছাজাতাসেৱনপচ্চযা

৪৫৫. উপাদিন্নো ধম্মো উপাদিন্নস্স ধম্মস্স পচ্ছাজাতপচ্চযেন পচ্চযো – পচ্ছাজাতা উপাদিন্না খন্ধা পুৰেজাতস্স ইমস্স উপাদিন্নস্স কাযস্স পচ্ছাজাতপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স পচ্ছাজাতপচ্চযেন পচ্চযো – পচ্ছাজাতা উপাদিন্না খন্ধা পুৰেজাতস্স ইমস্স অনুপাদিন্নস্স কাযস্স পচ্ছাজাতপচ্চযেন পচ্চযো. (২)

উপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স পচ্ছাজাতপচ্চযেন পচ্চযো (সংখিত্তং). (৩)

অনুপাদিন্নো ধম্মো অনুপাদিন্নস্স ধম্মস্স পচ্ছাজাতপচ্চযেন পচ্চযো (সংখিত্তং). (১)

অনুপাদিন্নো ধম্মো উপাদিন্নস্স ধম্মস্স পচ্ছাজাতপচ্চযেন পচ্চযো (সংখিত্তং). (২)

অনুপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স পচ্ছাজাতপচ্চযেন পচ্চযো (সংখিত্তং). (৩)

৪৫৬. অনুপাদিন্নো ধম্মো অনুপাদিন্নস্স ধম্মস্স আসেৱনপচ্চযেন পচ্চযো… একং (সংখিত্তং).

কম্মপচ্চযো

৪৫৭. উপাদিন্নো ধম্মো উপাদিন্নস্স ধম্মস্স কম্মপচ্চযেন পচ্চযো – উপাদিন্না চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে উপাদিন্না চেতনা সম্পযুত্তকানং খন্ধানং কটত্তা চ ৰূপানং কম্মপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স কম্মপচ্চযেন পচ্চযো – উপাদিন্না চেতনা চিত্তসমুট্ঠানানং ৰূপানং কম্মপচ্চযেন পচ্চযো. (২)

উপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স কম্মপচ্চযেন পচ্চযো – উপাদিন্না চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

অনুপাদিন্নো ধম্মো অনুপাদিন্নস্স ধম্মস্স কম্মপচ্চযেন পচ্চযো – অনুপাদিন্না চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (১)

অনুপাদিন্নো ধম্মো উপাদিন্নস্স ধম্মস্স কম্মপচ্চযেন পচ্চযো. নানাক্খণিকা – অনুপাদিন্না চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (২)

ৱিপাকপচ্চযো

৪৫৮. উপাদিন্নো ধম্মো উপাদিন্নস্স ধম্মস্স ৱিপাকপচ্চযেন পচ্চযো – উপাদিন্নো একো খন্ধো (সংখিত্তং. উপাদিন্নমূলকে তীণি. ).

অনুপাদিন্নো ধম্মো অনুপাদিন্নস্স ধম্মস্স ৱিপাকপচ্চযেন পচ্চযো – ৱিপাকো অনুপাদিন্নো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো…পে… দ্ৱে খন্ধা…পে…. (১)

আহাৰপচ্চযো

৪৫৯. উপাদিন্নো ধম্মো উপাদিন্নস্স ধম্মস্স আহাৰপচ্চযেন পচ্চযো – উপাদিন্না আহাৰা সম্পযুত্তকানং খন্ধানং আহাৰপচ্চযেন পচ্চযো; পটিসন্ধিক্খণে…পে… উপাদিন্নো কবড়ীকাৰো আহাৰো ইমস্স উপাদিন্নস্স কাযস্স আহাৰপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স আহাৰপচ্চযেন পচ্চযো – উপাদিন্না আহাৰা চিত্তসমুট্ঠানানং ৰূপানং আহাৰপচ্চযেন পচ্চযো; উপাদিন্নো কবড়ীকাৰো আহাৰো ইমস্স অনুপাদিন্নস্স কাযস্স আহাৰপচ্চযেন পচ্চযো. (২)

উপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স আহাৰপচ্চযেন পচ্চযো – উপাদিন্না আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; উপাদিন্নো কবড়ীকাৰো আহাৰো ইমস্স উপাদিন্নস্স চ অনুপাদিন্নস্স চ কাযস্স আহাৰপচ্চযেন পচ্চযো. (৩)

৪৬০. অনুপাদিন্নো ধম্মো অনুপাদিন্নস্স ধম্মস্স আহাৰপচ্চযেন পচ্চযো – অনুপাদিন্না আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; অনুপাদিন্নো কবড়ীকাৰো আহাৰো ইমস্স অনুপাদিন্নস্স কাযস্স আহাৰপচ্চযেন পচ্চযো. (১)

অনুপাদিন্নো ধম্মো উপাদিন্নস্স ধম্মস্স আহাৰপচ্চযেন পচ্চযো – অনুপাদিন্নো কবড়ীকাৰো আহাৰো ইমস্স উপাদিন্নস্স কাযস্স আহাৰপচ্চযেন পচ্চযো. (২)

অনুপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স আহাৰপচ্চযেন পচ্চযো – অনুপাদিন্নো কবড়ীকাৰো আহাৰো ইমস্স উপাদিন্নস্স চ অনুপাদিন্নস্স চ কাযস্স আহাৰপচ্চযেন পচ্চযো. (৩)

উপাদিন্নো চ অনুপাদিন্নো চ ধম্মা উপাদিন্নস্স ধম্মস্স আহাৰপচ্চযেন পচ্চযো – উপাদিন্নো চ অনুপাদিন্নো চ কবড়ীকাৰো আহাৰো ইমস্স উপাদিন্নস্স কাযস্স আহাৰপচ্চযেন পচ্চযো. (১)

উপাদিন্নো চ অনুপাদিন্নো চ ধম্মা অনুপাদিন্নস্স ধম্মস্স আহাৰপচ্চযেন পচ্চযো – উপাদিন্নো চ অনুপাদিন্নো চ কবড়ীকাৰো আহাৰো ইমস্স অনুপাদিন্নস্স কাযস্স আহাৰপচ্চযেন পচ্চযো. (২)

উপাদিন্নো চ অনুপাদিন্নো চ ধম্মা উপাদিন্নস্স চ অনুপাদিন্নস্স চ ধম্মস্স আহাৰপচ্চযেন পচ্চযো – উপাদিন্নো চ অনুপাদিন্নো চ কবড়ীকাৰো আহাৰো ইমস্স উপাদিন্নস্স চ অনুপাদিন্নস্স চ কাযস্স আহাৰপচ্চযেন পচ্চযো. (৩)

ইন্দ্ৰিযপচ্চযাদি

৪৬১. উপাদিন্নো ধম্মো উপাদিন্নস্স ধম্মস্স ইন্দ্ৰিযপচ্চযেন পচ্চযো – উপাদিন্না ইন্দ্ৰিযা সম্পযুত্তকানং খন্ধানং ইন্দ্ৰিযপচ্চযেন পচ্চযো. (১)

পটিসন্ধিক্খণে উপাদিন্না ইন্দ্ৰিযা সম্পযুত্তকানং খন্ধানং কটত্তা চ ৰূপানং ইন্দ্ৰিযপচ্চযেন পচ্চযো; চক্খুন্দ্ৰিযং চক্খুৱিঞ্ঞাণস্স…পে… কাযিন্দ্ৰিযং কাযৱিঞ্ঞাণস্স…পে… ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো. (২)

উপাদিন্নো ধম্মো অনুপাদিন্নস্স ধম্মস্স…পে… (উপাদিন্নমূলকে তীণি, পঠমস্সেৱ ৰূপজীৱিতিন্দ্ৰিযং, ইতৰেসু নত্থি). (৩)

অনুপাদিন্নো ধম্মো অনুপাদিন্নস্স ধম্মস্স ইন্দ্ৰিযপচ্চযেন পচ্চযো – অনুপাদিন্না ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো. (১)

উপাদিন্নো ধম্মো উপাদিন্নস্স ধম্মস্স ঝানপচ্চযেন পচ্চযো… চত্তাৰি, মগ্গপচ্চযেন পচ্চযো… চত্তাৰি, সম্পযুত্তপচ্চযেন পচ্চযো… দ্ৱে.

ৱিপ্পযুত্তপচ্চযো

৪৬২. উপাদিন্নো ধম্মো উপাদিন্নস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতং – পটিসন্ধিক্খণে উপাদিন্না খন্ধা কটত্তাৰূপানং ৱিপ্পযুত্তপচ্চযেন পচ্চযো, খন্ধা ৱত্থুস্স ৱিপ্পযুত্তপচ্চযেন পচ্চযো, ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু উপাদিন্নানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – উপাদিন্না খন্ধা পুৰেজাতস্স ইমস্স উপাদিন্নস্স কাযস্স ৱিপ্পযুত্তপচ্চযেন পচ্চযো. (১)

উপাদিন্নো ধম্মো অনুপাদিন্নস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – উপাদিন্না খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পুৰেজাতং – ৱত্থু অনুপাদিন্নানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – উপাদিন্না খন্ধা পুৰেজাতস্স ইমস্স অনুপাদিন্নস্স কাযস্স ৱিপ্পযুত্তপচ্চযেন পচ্চযো. (২)

উপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স ৱিপ্পযুত্তপচ্চযেন পচ্চযো. পচ্ছাজাতা – উপাদিন্না খন্ধা পুৰেজাতস্স ইমস্স উপাদিন্নস্স চ অনুপাদিন্নস্স চ কাযস্স ৱিপ্পযুত্তপচ্চযেন পচ্চযো. (৩)

৪৬৩. অনুপাদিন্নো ধম্মো অনুপাদিন্নস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – অনুপাদিন্না খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – অনুপাদিন্না খন্ধা পুৰেজাতস্স ইমস্স অনুপাদিন্নস্স কাযস্স ৱিপ্পযুত্তপচ্চযেন পচ্চযো. (১)

অনুপাদিন্নো ধম্মো উপাদিন্নস্স ধম্মস্স ৱিপ্পযুত্তপচ্চযেন পচ্চযো. পচ্ছাজাতা – অনুপাদিন্না খন্ধা পুৰেজাতস্স ইমস্স উপাদিন্নস্স কাযস্স ৱিপ্পযুত্তপচ্চযেন পচ্চযো. (২)

অনুপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স ৱিপ্পযুত্তপচ্চযেন পচ্চযো. পচ্ছাজাতা – অনুপাদিন্না খন্ধা পুৰেজাতস্স ইমস্স উপাদিন্নস্স চ অনুপাদিন্নস্স চ কাযস্স ৱিপ্পযুত্তপচ্চযেন পচ্চযো. (৩)

অত্থিপচ্চযাদি

৪৬৪. উপাদিন্নো ধম্মো উপাদিন্নস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং. যথা নিক্খিত্তপদানি ৱিভজিতব্বানি পৰিপুণ্ণানি). (১)

উপাদিন্নো ধম্মো অনুপাদিন্নস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং (সংখিত্তং, যথা নিক্খিত্তপদানি ৱিত্থাৰেতব্বানি. (২)

উপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং (সংখিত্তং, যথা নিক্খিত্তপদানি ৱিত্থাৰেতব্বানি). (৩)

অনুপাদিন্নো ধম্মো অনুপাদিন্নস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং (সংখিত্তং, যথা নিক্খিত্তপদানি ৱিভজিতব্বানি). (১)

অনুপাদিন্নো ধম্মো উপাদিন্নস্স ধম্মস্স অত্থিপচ্চযেন পচ্চযো – পুৰেজাতং, পচ্ছাজাতং, আহাৰং. পুৰেজাতং – অনুপাদিন্নে ৰূপে… সদ্দে… গন্ধে… ৰসে… ফোট্ঠব্বে অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে ৱিপাকো তদাৰম্মণতা উপ্পজ্জতি, অনুপাদিন্নং ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে…. পচ্ছাজাতা – অনুপাদিন্না খন্ধা পুৰেজাতস্স ইমস্স উপাদিন্নস্স কাযস্স অত্থিপচ্চযেন পচ্চযো; অনুপাদিন্নো কবড়ীকাৰো আহাৰো ইমস্স উপাদিন্নস্স কাযস্স অত্থিপচ্চযেন পচ্চযো. (২)

অনুপাদিন্নো ধম্মো উপাদিন্নস্স চ অনুপাদিন্নস্স চ ধম্মস্স অত্থিপচ্চযেন পচ্চযো – পচ্ছাজাতং, আহাৰং. পচ্ছাজাতা – অনুপাদিন্না খন্ধা পুৰেজাতস্স ইমস্স উপাদিন্নস্স চ অনুপাদিন্নস্স চ কাযস্স অত্থিপচ্চযেন পচ্চযো; অনুপাদিন্নো কবড়ীকাৰো আহাৰো ইমস্স উপাদিন্নস্স চ অনুপাদিন্নস্স চ কাযস্স অত্থিপচ্চযেন পচ্চযো. (৩)

৪৬৫. উপাদিন্নো চ অনুপাদিন্নো চ ধম্মা উপাদিন্নস্স ধম্মস্স অত্থিপচ্চযেন পচ্চযো – পুৰেজাতং, পচ্ছাজাতং, আহাৰং, ইন্দ্ৰিযং. পুৰেজাতং – অনুপাদিন্নং ৰূপাযতনঞ্চ চক্খাযতনঞ্চ চক্খুৱিঞ্ঞাণস্স…পে… অনুপাদিন্নং ফোট্ঠব্বাযতনঞ্চ কাযাযতনঞ্চ কাযৱিঞ্ঞাণস্স অত্থিপচ্চযেন পচ্চযো; অনুপাদিন্নং ৰূপাযতনঞ্চ ৱত্থু চ…পে… ফোট্ঠব্বাযতনঞ্চ ৱত্থু চ উপাদিন্নানং খন্ধানং অত্থিপচ্চযেন পচ্চযো. পচ্ছাজাতা – উপাদিন্না খন্ধা চ অনুপাদিন্নো কবড়ীকাৰো আহাৰো চ ইমস্স উপাদিন্নস্স কাযস্স অত্থিপচ্চযেন পচ্চযো. পচ্ছাজাতা – অনুপাদিন্না খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (১)

উপাদিন্নো চ অনুপাদিন্নো চ ধম্মা অনুপাদিন্নস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং. সহজাতা – উপাদিন্না খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. সহজাতো – অনুপাদিন্নো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে…. পুৰেজাতং – অনুপাদিন্নং ৰূপাযতনঞ্চ ৱত্থু চ অনুপাদিন্নানং খন্ধানং অত্থিপচ্চযেন পচ্চযো…পে… ফোট্ঠব্বাযতনঞ্চ ৱত্থু চ অনুপাদিন্নানং খন্ধানং অত্থিপচ্চযেন পচ্চযো. পচ্ছাজাতা – উপাদিন্না খন্ধা চ অনুপাদিন্নো কবড়ীকাৰো আহাৰো চ ইমস্স অনুপাদিন্নস্স কাযস্স অত্থিপচ্চযেন পচ্চযো. (২)

উপাদিন্নো চ অনুপাদিন্নো চ ধম্মা উপাদিন্নস্স চ অনুপাদিন্নস্স চ ধম্মস্স অত্থিপচ্চযেন পচ্চযো. আহাৰং – উপাদিন্নো চ অনুপাদিন্নো চ কবড়ীকাৰো আহাৰো ইমস্স উপাদিন্নস্স চ অনুপাদিন্নস্স চ কাযস্স অত্থিপচ্চযেন পচ্চযো. (৩)

নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো.