১. ৱিভঙ্গৱাৰো

হেতুপচ্চযো

৪১৬. উপাদিন্নং ধম্মং পটিচ্চ উপাদিন্নো ধম্মো উপ্পজ্জতি হেতুপচ্চযা – উপাদিন্নং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে উপাদিন্নং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে… মহাভূতে পটিচ্চ কটত্তাৰূপং উপাদাৰূপং. (১)

উপাদিন্নং ধম্মং পটিচ্চ অনুপাদিন্নো ধম্মো উপ্পজ্জতি হেতুপচ্চযা – উপাদিন্নে খন্ধে পটিচ্চ চিত্তসমুট্ঠানং ৰূপং. (২)

উপাদিন্নং ধম্মং পটিচ্চ উপাদিন্নো চ অনুপাদিন্নো চ ধম্মা উপ্পজ্জন্তি হেতুপচ্চযা – উপাদিন্নং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

অনুপাদিন্নং ধম্মং পটিচ্চ অনুপাদিন্নো ধম্মো উপ্পজ্জতি হেতুপচ্চযা – অনুপাদিন্নং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং. (১)

উপাদিন্নঞ্চ অনুপাদিন্নঞ্চ ধম্মং পটিচ্চ অনুপাদিন্নো ধম্মো উপ্পজ্জতি হেতুপচ্চযা – উপাদিন্নে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

আৰম্মণপচ্চযো

৪১৭. উপাদিন্নং ধম্মং পটিচ্চ উপাদিন্নো ধম্মো উপ্পজ্জতি আৰম্মণপচ্চযা – উপাদিন্নং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে… ৱত্থুং পটিচ্চ খন্ধা. (১)

অনুপাদিন্নং ধম্মং পটিচ্চ অনুপাদিন্নো ধম্মো উপ্পজ্জতি আৰম্মণপচ্চযা – অনুপাদিন্নং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

অধিপতিপচ্চযো

৪১৮. অনুপাদিন্নং ধম্মং পটিচ্চ অনুপাদিন্নো ধম্মো উপ্পজ্জতি অধিপতিপচ্চযা – অনুপাদিন্নং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং (সংখিত্তং).