১. ৱিভঙ্গৱাৰো

নহেতুপচ্চযাদি

৩৮৯. উপাদা ধম্মং পচ্চযা নোউপাদা ধম্মো উপ্পজ্জতি নহেতুপচ্চযা – চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা অহেতুকা নোউপাদা খন্ধা; অহেতুকপটিসন্ধিক্খণে…পে… ৱত্থুং পচ্চযা ৱিচিকিচ্ছাসহগতো উদ্ধচ্চসহগতো মোহো. (১)

নোউপাদা ধম্মং পচ্চযা নোউপাদা ধম্মো উপ্পজ্জতি নহেতুপচ্চযা – অহেতুকং নোউপাদা একং খন্ধং পচ্চযা তযো খন্ধা নোউপাদা চ চিত্তসমুট্ঠানং ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… একং মহাভূতং…পে… (যাৱ অসঞ্ঞসত্তা) ৱিচিকিচ্ছাসহগতে উদ্ধচ্চসহগতে খন্ধে পচ্চযা ৱিচিকিচ্ছাসহগতো উদ্ধচ্চসহগতো মোহো (তীণিপি পটিচ্চসদিসা, নিন্নানাকৰণা). (৩)

উপাদা চ নোউপাদা চ ধম্মং পচ্চযা নোউপাদা ধম্মো উপ্পজ্জতি নহেতুপচ্চযা – চক্খুৱিঞ্ঞাণসহগতং একং খন্ধঞ্চ চক্খাযতনঞ্চ পচ্চযা তযো খন্ধা…পে… দ্ৱে খন্ধে চ…পে… কাযৱিঞ্ঞাণসহগতং…পে… অহেতুকং নোউপাদা একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ…পে… পটিসন্ধিক্খণে…পে… ৱিচিকিচ্ছাসহগতে উদ্ধচ্চসহগতে খন্ধে চ ৱত্থুঞ্চ পচ্চযা ৱিচিকিচ্ছাসহগতো উদ্ধচ্চসহগতো মোহো. (১)

নআৰম্মণপচ্চযা তীণি, নআসেৱনপচ্চযা পঞ্চ.

নকম্মপচ্চযাদি

৩৯০. উপাদা ধম্মং পচ্চযা নোউপাদা ধম্মো উপ্পজ্জতি নকম্মপচ্চযা – ৱত্থুং পচ্চযা নোউপাদা চেতনা. (১)

নোউপাদা ধম্মং পচ্চযা নোউপাদা ধম্মো উপ্পজ্জতি নকম্মপচ্চযা – নোউপাদা খন্ধে পচ্চযা সম্পযুত্তকা চেতনা; বাহিৰং আহাৰসমুট্ঠানং উতুসমুট্ঠানং…পে… দ্ৱে মহাভূতে পচ্চযা দ্ৱে মহাভূতা. (১)

নোউপাদা ধম্মং পচ্চযা উপাদা ধম্মো উপ্পজ্জতি নকম্মপচ্চযা – বাহিৰে আহাৰসমুট্ঠানে উতুসমুট্ঠানে মহাভূতে পচ্চযা উপাদাৰূপং. (২)

নোউপাদা ধম্মং পচ্চযা উপাদা চ নোউপাদা চ ধম্মা উপ্পজ্জন্তি নকম্মপচ্চযা – বাহিৰং আহাৰসমুট্ঠানং উতুসমুট্ঠানং একং মহাভূতং পচ্চযা তযো মহাভূতা উপাদা চ ৰূপং…পে… দ্ৱে মহাভূতে…পে…. (৩)

উপাদা চ নোউপাদা চ ধম্মং পচ্চযা নোউপাদা ধম্মো উপ্পজ্জতি নকম্মপচ্চযা – নোউপাদা খন্ধে চ ৱত্থুঞ্চ পচ্চযা নোউপাদা চেতনা. (১)

নৱিপাকপচ্চযা পঞ্চ, নআহাৰপচ্চযা তীণি, নইন্দ্ৰিযপচ্চযা তীণি.

নঝানপচ্চযাদি

৩৯১. উপাদা ধম্মং পচ্চযা নোউপাদা ধম্মো উপ্পজ্জতি নঝানপচ্চযা – চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং. (১)

নোউপাদা ধম্মং পচ্চযা নোউপাদা ধম্মো উপ্পজ্জতি নঝানপচ্চযা – পঞ্চৱিঞ্ঞাণসহগতং একং খন্ধং পচ্চযা তযো খন্ধা…পে… দ্ৱে খন্ধে…পে… বাহিৰং আহাৰসমুট্ঠানং উতুসমুট্ঠানং অসঞ্ঞসত্তানং…পে… দ্ৱে মহাভূতে পচ্চযা দ্ৱে মহাভূতা. (১)

নোউপাদা ধম্মং পচ্চযা উপাদা ধম্মো উপ্পজ্জতি নঝানপচ্চযা – বাহিৰে আহাৰসমুট্ঠানে উতুসমুট্ঠানে অসঞ্ঞসত্তানং মহাভূতে পচ্চযা উপাদা কটত্তাৰূপং. (২)

নোউপাদা ধম্মং পচ্চযা উপাদা চ নোউপাদা চ ধম্মা উপ্পজ্জন্তি নঝানপচ্চযা – বাহিৰং আহাৰসমুট্ঠানং উতুসমুট্ঠানং অসঞ্ঞসত্তানং একং মহাভূতং পচ্চযা তযো মহাভূতা উপাদা চ কটত্তাৰূপং…পে… দ্ৱে…পে…. (৩)

উপাদা চ নোউপাদা চ ধম্মং পচ্চযা নোউপাদা ধম্মো উপ্পজ্জতি নঝানপচ্চযা – চক্খুৱিঞ্ঞাণসহগতং একং খন্ধঞ্চ চক্খাযতনঞ্চ পচ্চযা তযো খন্ধা…পে… দ্ৱে খন্ধে চ…পে…. (১)

নমগ্গপচ্চযা পঞ্চ, নসম্পযুত্তপচ্চযা তীণি, নৱিপ্পযুত্তপচ্চযা তীণি, নোনত্থিপচ্চযা তীণি, নোৱিগতপচ্চযা তীণি.