১. ৱিভঙ্গৱাৰো

নহেতুপচ্চযো

৩৭৫. উপাদা ধম্মং পটিচ্চ নোউপাদা ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ নোউপাদা খন্ধা. (১)

নোউপাদা ধম্মং পটিচ্চ নোউপাদা ধম্মো উপ্পজ্জতি নহেতুপচ্চযা – অহেতুকং নোউপাদা একং খন্ধং পটিচ্চ তযো খন্ধা নোউপাদা চ চিত্তসমুট্ঠানং ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… একং মহাভূতং…পে… অসঞ্ঞসত্তানং একং মহাভূতং পটিচ্চ তযো মহাভূতা…পে… দ্ৱে মহাভূতে পটিচ্চ দ্ৱে মহাভূতা, ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

নোউপাদা ধম্মং পটিচ্চ উপাদা ধম্মো উপ্পজ্জতি নহেতুপচ্চযা – অহেতুকে নোউপাদা খন্ধে পটিচ্চ উপাদা চিত্তসমুট্ঠানং ৰূপং; অহেতুকপটিসন্ধিক্খণে…পে… মহাভূতে পটিচ্চ উপাদা চিত্তসমুট্ঠানং ৰূপং কটত্তাৰূপং উপাদাৰূপং…পে… (যাৱ অসঞ্ঞসত্তা). (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নহেতুপচ্চযা – অহেতুকং নোউপাদা একং খন্ধং পটিচ্চ তযো খন্ধা উপাদা চ নোউপাদা চ চিত্তসমুট্ঠানং ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে…. (৩)

উপাদা চ নোউপাদা চ ধম্মং পটিচ্চ নোউপাদা ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে নোউপাদা একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ…পে…. (১)

নআৰম্মণপচ্চযাদি

৩৭৬. নোউপাদা ধম্মং পটিচ্চ নোউপাদা ধম্মো উপ্পজ্জতি নআৰম্মণপচ্চযা – নোউপাদা খন্ধে পটিচ্চ নোউপাদা চিত্তসমুট্ঠানং ৰূপং; পটিসন্ধিক্খণে…পে… একং মহাভূতং…পে… (যাৱ অসঞ্ঞসত্তা) দ্ৱে মহাভূতে পটিচ্চ দ্ৱে মহাভূতা. (১)

নোউপাদা ধম্মং পটিচ্চ উপাদা ধম্মো উপ্পজ্জতি নআৰম্মণপচ্চযা – নোউপাদা খন্ধে পটিচ্চ উপাদা চিত্তসমুট্ঠানং ৰূপং; পটিসন্ধিক্খণে…পে… মহাভূতে পটিচ্চ উপাদা চিত্তসমুট্ঠানং ৰূপং কটত্তাৰূপং উপাদাৰূপং (যাৱ অসঞ্ঞসত্তা). (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নআৰম্মণপচ্চযা – নোউপাদা খন্ধে পটিচ্চ উপাদা চ নোউপাদা চ চিত্তসমুট্ঠানং ৰূপং; পটিসন্ধিক্খণে…পে…. (৩)

নঅধিপতিপচ্চযা পঞ্চ, নঅনন্তৰপচ্চযা তীণি…পে… নউপনিস্সযপচ্চযা পঞ্চ, নপুৰেজাতপচ্চযা পঞ্চ, নপচ্ছাজাতপচ্চযা পঞ্চ, নআসেৱনপচ্চযা পঞ্চ.

নকম্মপচ্চযো

৩৭৭. নোউপাদা ধম্মং পটিচ্চ নোউপাদা ধম্মো উপ্পজ্জতি নকম্মপচ্চযা – নোউপাদা খন্ধে পটিচ্চ সম্পযুত্তকা চেতনা; বাহিৰং আহাৰসমুট্ঠানং উতুসমুট্ঠানং…পে… দ্ৱে মহাভূতে পটিচ্চ দ্ৱে মহাভূতা. (১)

নোউপাদা ধম্মং পটিচ্চ উপাদা ধম্মো উপ্পজ্জতি নকম্মপচ্চযা – বাহিৰে আহাৰসমুট্ঠানে উতুসমুট্ঠানে মহাভূতে পটিচ্চ উপাদাৰূপং. (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নকম্মপচ্চযা – বাহিৰং আহাৰসমুট্ঠানং উতুসমুট্ঠানং একং মহাভূতং পটিচ্চ তযো মহাভূতা উপাদা চ ৰূপং…পে… দ্ৱে মহাভূতে…পে…. (৩)

নৱিপাকপচ্চযো

৩৭৮. নোউপাদা ধম্মং পটিচ্চ নোউপাদা ধম্মো উপ্পজ্জতি নৱিপাকপচ্চযা – নোউপাদা একং খন্ধং পটিচ্চ তযো খন্ধা নোউপাদা চ চিত্তসমুট্ঠানং ৰূপং…পে… দ্ৱে খন্ধে…পে… একং মহাভূতং…পে… (যাৱ অসঞ্ঞসত্তা, এৱং তীণি নোউপাদামূলকে).

নআহাৰপচ্চযো

৩৭৯. নোউপাদা ধম্মং পটিচ্চ নোউপাদা ধম্মো উপ্পজ্জতি নআহাৰপচ্চযা – বাহিৰং উতুসমুট্ঠানং অসঞ্ঞসত্তানং একং মহাভূতং…পে… দ্ৱে মহাভূতে পটিচ্চ দ্ৱে মহাভূতা. (১)

নোউপাদা ধম্মং পটিচ্চ উপাদা ধম্মো উপ্পজ্জতি নআহাৰপচ্চযা – বাহিৰং উতুসমুট্ঠানং অসঞ্ঞসত্তানং মহাভূতে পটিচ্চ উপাদাৰূপং. (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নআহাৰপচ্চযা – বাহিৰং উতুসমুট্ঠানং অসঞ্ঞসত্তানং একং মহাভূতং পটিচ্চ তযো মহাভূতা উপাদা চ ৰূপং…পে… দ্ৱে মহাভূতে…পে…. (৩)

নইন্দ্ৰিযপচ্চযো

৩৮০. নোউপাদা ধম্মং পটিচ্চ নোউপাদা ধম্মো উপ্পজ্জতি নইন্দ্ৰিযপচ্চযা – বাহিৰং আহাৰসমুট্ঠানং উতুসমুট্ঠানং একং মহাভূতং…পে…. (১)

নোউপাদা ধম্মং পটিচ্চ উপাদা ধম্মো উপ্পজ্জতি নইন্দ্ৰিযপচ্চযা – বাহিৰে আহাৰসমুট্ঠানে উতুসমুট্ঠানে অসঞ্ঞসত্তানং মহাভূতে পটিচ্চ ৰূপজীৱিতিন্দ্ৰিযং.

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নইন্দ্ৰিযপচ্চযা – বাহিৰং আহাৰসমুট্ঠানং উতুসমুট্ঠানং একং মহাভূতং…পে…. (৩)

নঝানপচ্চযাদি

৩৮১. নোউপাদা ধম্মং পটিচ্চ নোউপাদা ধম্মো উপ্পজ্জতি নঝানপচ্চযা – পঞ্চৱিঞ্ঞাণসহগতং একং খন্ধং পটিচ্চ তযো খন্ধা…পে… দ্ৱে খন্ধে…পে… বাহিৰং আহাৰসমুট্ঠানং উতুসমুট্ঠানং অসঞ্ঞসত্তানং…পে… দ্ৱে মহাভূতে পটিচ্চ দ্ৱে মহাভূতা. (১)

নোউপাদা ধম্মং পটিচ্চ উপাদা ধম্মো উপ্পজ্জতি নঝানপচ্চযা – বাহিৰে আহাৰসমুট্ঠানে উতুসমুট্ঠানে অসঞ্ঞসত্তানং মহাভূতে পটিচ্চ উপাদা কটত্তাৰূপং. (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নঝানপচ্চযা – বাহিৰং আহাৰসমুট্ঠানং উতুসমুট্ঠানং অসঞ্ঞসত্তানং একং মহাভূতং পটিচ্চ তযো মহাভূতা…পে… দ্ৱে মহাভূতে…পে… মহাভূতে পটিচ্চ উপাদা কটত্তাৰূপং উপাদাৰূপং. (৩)

উপাদা ধম্মং পটিচ্চ নোউপাদা ধম্মো উপ্পজ্জতি নমগ্গপচ্চযা পঞ্চ… নসম্পযুত্তপচ্চযা… তীণি.

নৱিপ্পযুত্তপচ্চযাদি

৩৮২. নোউপাদা ধম্মং পটিচ্চ নোউপাদা ধম্মো উপ্পজ্জতি নৱিপ্পযুত্তপচ্চযা – অৰূপে নোউপাদা একং খন্ধং পটিচ্চ তযো খন্ধা…পে… দ্ৱে খন্ধে…পে… বাহিৰং আহাৰসমুট্ঠানং উতুসমুট্ঠানং অসঞ্ঞসত্তানং একং মহাভূতং…পে…. (১)

নোউপাদা ধম্মং পটিচ্চ উপাদা ধম্মো উপ্পজ্জতি নৱিপ্পযুত্তপচ্চযা – বাহিৰে আহাৰসমুট্ঠানে উতুসমুট্ঠানে অসঞ্ঞসত্তানং মহাভূতে পটিচ্চ উপাদা কটত্তাৰূপং, উপাদাৰূপং. (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি নৱিপ্পযুত্তপচ্চযা – বাহিৰং আহাৰসমুট্ঠানং উতুসমুট্ঠানং একং মহাভূতং পটিচ্চ তযো মহাভূতা উপাদা চ ৰূপং…পে… দ্ৱে মহাভূতে পটিচ্চ দ্ৱে মহাভূতা উপাদা চ ৰূপং, অসঞ্ঞসত্তানং একং মহাভূতং পটিচ্চ তযো মহাভূতা কটত্তা চ ৰূপং উপাদাৰূপং…পে… দ্ৱে মহাভূতে পটিচ্চ দ্ৱে মহাভূতা কটত্তা চ ৰূপং উপাদাৰূপং… নোনত্থিপচ্চযা… নোৱিগতপচ্চযা. (৩)