১. ৱিভঙ্গৱাৰো

হেতুপচ্চযো

৩৭০. উপাদা ধম্মং পটিচ্চ নোউপাদা ধম্মো উপ্পজ্জতি হেতুপচ্চযা – পটিসন্ধিক্খণে ৱত্থুং পটিচ্চ নোউপাদা খন্ধা. (১)

নোউপাদা ধম্মং পটিচ্চ নোউপাদা ধম্মো উপ্পজ্জতি হেতুপচ্চযা – নোউপাদা একং খন্ধং পটিচ্চ তযো খন্ধা নোউপাদা চ চিত্তসমুট্ঠানং ৰূপং…পে… দ্ৱে খন্ধে…পে… পটিসন্ধিক্খণে নোউপাদা একং খন্ধং পটিচ্চ তযো খন্ধা নোউপাদা চ কটত্তাৰূপং…পে… দ্ৱে খন্ধে…পে… একং মহাভূতং…পে… দ্ৱে মহাভূতে পটিচ্চ দ্ৱে মহাভূতা. (১)

নোউপাদা ধম্মং পটিচ্চ উপাদা ধম্মো উপ্পজ্জতি হেতুপচ্চযা – নোউপাদা খন্ধে পটিচ্চ উপাদা চিত্তসমুট্ঠানং ৰূপং; পটিসন্ধিক্খণে…পে… মহাভূতে পটিচ্চ উপাদা চিত্তসমুট্ঠানং ৰূপং কটত্তাৰূপং উপাদাৰূপং. (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি হেতুপচ্চযা – নোউপাদা একং খন্ধং পটিচ্চ তযো খন্ধা উপাদা চ নোউপাদা চ চিত্তসমুট্ঠানং ৰূপং…পে… দ্ৱে খন্ধে…পে… পটিসন্ধিক্খণে…পে…. (৩)

উপাদা চ নোউপাদা চ ধম্মং পটিচ্চ নোউপাদা ধম্মো উপ্পজ্জতি হেতুপচ্চযা – পটিসন্ধিক্খণে নোউপাদা একং খন্ধঞ্চ ৱত্থুঞ্চ পটিচ্চ তযো খন্ধা, দ্ৱে খন্ধে চ…পে…. (১)

আৰম্মণপচ্চযো

৩৭১. উপাদা ধম্মং পটিচ্চ নোউপাদা ধম্মো উপ্পজ্জতি আৰম্মণপচ্চযা – পটিসন্ধিক্খণে ৱত্থুং পটিচ্চ নোউপাদা খন্ধা. (১)

নোউপাদা ধম্মং পটিচ্চ নোউপাদা ধম্মো উপ্পজ্জতি আৰম্মণপচ্চযা – নোউপাদা একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

উপাদা চ নোউপাদা চ ধম্মং পটিচ্চ নোউপাদা ধম্মো উপ্পজ্জতি আৰম্মণপচ্চযা – পটিসন্ধিক্খণে নোউপাদা একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ…পে…. (১)

অধিপতিপচ্চযাদি

৩৭২. নোউপাদা ধম্মং পটিচ্চ নোউপাদা ধম্মো উপ্পজ্জতি অধিপতিপচ্চযা – নোউপাদা একং খন্ধং পটিচ্চ তযো খন্ধা নোউপাদা চ চিত্তসমুট্ঠানং ৰূপং…পে… দ্ৱে খন্ধে…পে…. (১)

নোউপাদা ধম্মং পটিচ্চ উপাদা ধম্মো উপ্পজ্জতি অধিপতিপচ্চযা – নোউপাদা খন্ধে পটিচ্চ উপাদা চিত্তসমুট্ঠানং ৰূপং, মহাভূতে পটিচ্চ উপাদা চিত্তসমুট্ঠানং ৰূপং. (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি অধিপতিপচ্চযা – নোউপাদা একং খন্ধং পটিচ্চ তযো খন্ধা উপাদা চ নোউপাদা চ চিত্তসমুট্ঠানং ৰূপং…পে… দ্ৱে খন্ধে…পে…. (৩)

অনন্তৰপচ্চযা তীণি, সমনন্তৰপচ্চযা তীণি, সহজাতপচ্চযা পঞ্চ.

অঞ্ঞমঞ্ঞপচ্চযো

৩৭৩. উপাদা ধম্মং পটিচ্চ নোউপাদা ধম্মো উপ্পজ্জতি অঞ্ঞমঞ্ঞপচ্চযা – পটিসন্ধিক্খণে ৱত্থুং পটিচ্চ নোউপাদা খন্ধা. (১)

নোউপাদা ধম্মং পটিচ্চ নোউপাদা ধম্মো উপ্পজ্জতি অঞ্ঞমঞ্ঞপচ্চযা – নোউপাদা একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে… একং মহাভূতং…পে… অসঞ্ঞসত্তানং একং মহাভূতং পটিচ্চ…পে… দ্ৱে মহাভূতে পটিচ্চ দ্ৱে মহাভূতা. (১)

নোউপাদা ধম্মং পটিচ্চ উপাদা ধম্মো উপ্পজ্জতি অঞ্ঞমঞ্ঞপচ্চযা – পটিসন্ধিক্খণে নোউপাদা খন্ধে পটিচ্চ ৱত্থু. (২)

নোউপাদা ধম্মং পটিচ্চ উপাদা চ নোউপাদা চ ধম্মা উপ্পজ্জন্তি অঞ্ঞমঞ্ঞপচ্চযা – পটিসন্ধিক্খণে নোউপাদা একং খন্ধং পটিচ্চ তযো খন্ধা ৱত্থু চ…পে… দ্ৱে খন্ধে…পে…. (৩)

উপাদা চ নোউপাদা চ ধম্মং পটিচ্চ নোউপাদা ধম্মো উপ্পজ্জতি অঞ্ঞমঞ্ঞপচ্চযা – পটিসন্ধিক্খণে নোউপাদা একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ…পে… (সংখিত্তং). (১)