১. ৱিভঙ্গৱাৰো

হেতুপচ্চযো

৩৪০. বাহিৰো ধম্মো বাহিৰস্স ধম্মস্স হেতুপচ্চযেন পচ্চযো – বাহিৰা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো – পটিসন্ধিক্খণে বাহিৰা হেতূ সম্পযুত্তকানং খন্ধানং বাহিৰানঞ্চ কটত্তাৰূপানং হেতুপচ্চযেন পচ্চযো. (১)

বাহিৰো ধম্মো অজ্ঝত্তিকস্স ধম্মস্স হেতুপচ্চযেন পচ্চযো – বাহিৰা হেতূ চিত্তস্স হেতুপচ্চযেন পচ্চযো; পটিসন্ধিক্খণে বাহিৰা হেতূ চিত্তস্স অজ্ঝত্তিকানঞ্চ কটত্তাৰূপানং হেতুপচ্চযেন পচ্চযো. (২)

বাহিৰো ধম্মো অজ্ঝত্তিকস্স চ বাহিৰস্স চ ধম্মস্স হেতুপচ্চযেন পচ্চযো – বাহিৰা হেতূ সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে বাহিৰা হেতূ সম্পযুত্তকানং খন্ধানং চিত্তস্স চ অজ্ঝত্তিকানঞ্চ বাহিৰানঞ্চ কটত্তাৰূপানং হেতুপচ্চযেন পচ্চযো. (৩)

আৰম্মণপচ্চযো

৩৪১. অজ্ঝত্তিকো ধম্মো অজ্ঝত্তিকস্স ধম্মস্স আৰম্মণপচ্চযেন পচ্চযো – চিত্তং আৰব্ভ চিত্তং উপ্পজ্জতি. (মূলং পুচ্ছিতব্বং) চিত্তং আৰব্ভ বাহিৰা খন্ধা উপ্পজ্জন্তি. (মূলং পুচ্ছিতব্বং) চিত্তং আৰব্ভ চিত্তঞ্চ সম্পযুত্তকা চ খন্ধা উপ্পজ্জন্তি. (৩)

বাহিৰো ধম্মো বাহিৰস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি অস্সাদেতি অভিনন্দতি, তং আৰব্ভ ৰাগো…পে… দোমনস্সং উপ্পজ্জতি; পুব্বে সুচিণ্ণানি পচ্চৱেক্খতি, ঝানা ৱুট্ঠহিত্ৱা ঝানং…পে… অৰিযা মগ্গা ৱুট্ঠহিত্ৱা মগ্গং…পে… ফলং…পে… নিব্বানং পচ্চৱেক্খন্তি… নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো. অৰিযা বাহিৰে পহীনে কিলেসে পচ্চৱেক্খন্তি, ৱিক্খম্ভিতে কিলেসে…পে… পুব্বে সমুদাচিণ্ণে কিলেসে জানন্তি, ৰূপে…পে… ৱত্থুং বাহিৰে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন বাহিৰচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণসহগতানং খন্ধানং আৰম্মণপচ্চযেন পচ্চযো…পে… ফোট্ঠব্বাযতনং…পে… বাহিৰা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

বাহিৰো ধম্মো অজ্ঝত্তিকস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি অস্সাদেতি অভিনন্দতি, তং আৰব্ভ চিত্তং উপ্পজ্জতি. পুব্বে সুচিণ্ণানি…পে… ঝানং…পে… (সংখিত্তং, সব্বং কাতব্বং) পুব্বে সমুদাচিণ্ণে…পে… ৰূপে…পে… ৱত্থুং বাহিৰে খন্ধে অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ চিত্তং উপ্পজ্জতি. দিব্বেন চক্খুনা ৰূপং পস্সতি…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং…পে… বাহিৰা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (৩)

বাহিৰো ধম্মো অজ্ঝত্তিকস্স চ বাহিৰস্স চ ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি অস্সাদেতি অভিনন্দতি, তং আৰব্ভ চিত্তঞ্চ সম্পযুত্তকা চ খন্ধা উপ্পজ্জন্তি (সংখিত্তং, সব্বং কাতব্বং). বাহিৰে খন্ধে অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ চিত্তঞ্চ সম্পযুত্তকা চ খন্ধা উপ্পজ্জন্তি. দিব্বেন চক্খুনা ৰূপং পস্সতি…পে… ৰূপাযতনং চক্খুৱিঞ্ঞাণস্স চ সম্পযুত্তকানঞ্চ খন্ধানং…পে… ফোট্ঠব্বাযতনং…পে… বাহিৰা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (৩)

অজ্ঝত্তিকো চ বাহিৰো চ ধম্মা অজ্ঝত্তিকস্স ধম্মস্স আৰম্মণপচ্চযেন পচ্চযো… তীণি.

অধিপতিপচ্চযো

৩৪২. অজ্ঝত্তিকো ধম্মো অজ্ঝত্তিকস্স ধম্মস্স অধিপতিপচ্চযেন পচ্চযো. আৰম্মণাধিপতি – চিত্তং গৰুং কত্ৱা চিত্তং উপ্পজ্জতি. (১)

অজ্ঝত্তিকো ধম্মো বাহিৰস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – চিত্তং গৰুং কত্ৱা বাহিৰা খন্ধা উপ্পজ্জন্তি. সহজাতাধিপতি – চিত্তাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (মূলং) আৰম্মণাধিপতি – অজ্ঝত্তিকং চিত্তং গৰুং কত্ৱা চিত্তঞ্চ সম্পযুত্তকা চ খন্ধা উপ্পজ্জন্তি. (৩)

বাহিৰো ধম্মো বাহিৰস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা…পে… তীণি (দ্ৱে অধিপতী তিণ্ণম্পি কাতব্বা). (৩)

অজ্ঝত্তিকো চ বাহিৰো চ ধম্মা অজ্ঝত্তিকস্স ধম্মস্স অধিপতিপচ্চযেন পচ্চযো… তীণি (তিণ্ণম্পি একাযেৱ অধিপতি).

অনন্তৰপচ্চযাদি

৩৪৩. অজ্ঝত্তিকো ধম্মো অজ্ঝত্তিকস্স ধম্মস্স অনন্তৰপচ্চযেন পচ্চযো – পুৰিমং পুৰিমং চিত্তং পচ্ছিমস্স পচ্ছিমস্স চিত্তস্স অনন্তৰপচ্চযেন পচ্চযো… তীণি.

বাহিৰো ধম্মো বাহিৰস্স ধম্মস্স অনন্তৰপচ্চযেন পচ্চযো – পুৰিমা পুৰিমা বাহিৰা খন্ধা পচ্ছিমানং পচ্ছিমানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স…পে… তীণি (তিণ্ণম্পি একসদিসা).

অজ্ঝত্তিকো চ বাহিৰো চ ধম্মা অজ্ঝত্তিকস্স ধম্মস্স অনন্তৰপচ্চযেন পচ্চযো… তীণি, সমনন্তৰপচ্চযেন পচ্চযো… নৱ, সহজাতপচ্চযেন পচ্চযো… নৱ (পটিচ্চসদিসা), অঞ্ঞমঞ্ঞপচ্চযেন পচ্চযো… পঞ্চ (পটিচ্চসদিসা), নিস্সযপচ্চযেন পচ্চযো… নৱ, (পচ্চযৱাৰসদিসা).

উপনিস্সযপচ্চযো

৩৪৪. অজ্ঝত্তিকো ধম্মো অজ্ঝত্তিকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – চিত্তং চিত্তস্স উপনিস্সযপচ্চযেন পচ্চযো… তীণি.

বাহিৰো ধম্মো বাহিৰস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো, (তীণিপি পূৰেত্ৱা কাতব্বা, চিত্তস্সাতি কাতব্বা, সম্পযুত্তকানঞ্চাতি কাতব্বা).

অজ্ঝত্তিকো চ বাহিৰো চ ধম্মা অজ্ঝত্তিকস্স ধম্মস্স উপনিস্সযপচ্চযেন পচ্চযো… তীণি.

পুৰেজাতপচ্চযো

৩৪৫. অজ্ঝত্তিকো ধম্মো অজ্ঝত্তিকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং …পে… কাযং অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ চিত্তং উপ্পজ্জতি. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স পুৰেজাতপচ্চযেন পচ্চযো. (১)

অজ্ঝত্তিকো ধম্মো বাহিৰস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… কাযং অনিচ্চতো…পে… ৱিপস্সতি, অস্সাদেতি…পে… দোমনস্সং উপ্পজ্জতি. ৱত্থুপুৰেজাতং – চক্খাযতনং চক্খুৱিঞ্ঞাণসহগতানং খন্ধানং…পে… কাযাযতনং কাযৱিঞ্ঞাণসহগতানং খন্ধানং পুৰেজাতপচ্চযেন পচ্চযো. (২)

অজ্ঝত্তিকো ধম্মো অজ্ঝত্তিকস্স চ বাহিৰস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… কাযং অনিচ্চতো…পে… ৱিপস্সতি, তং আৰব্ভ চিত্তঞ্চ সম্পযুত্তকা খন্ধা চ উপ্পজ্জন্তি. ৱত্থুপুৰেজাতং – চক্খাযতনং চক্খুৱিঞ্ঞাণস্স সম্পযুত্তকানঞ্চ খন্ধানং…পে… কাযাযতনং কাযৱিঞ্ঞাণস্স সম্পযুত্তকানঞ্চ খন্ধানং পুৰেজাতপচ্চযেন পচ্চযো. (৩)

৩৪৬. বাহিৰো ধম্মো বাহিৰস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – ৰূপে…পে… ফোট্ঠব্বে… ৱত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৱত্থুপুৰেজাতং – ৱত্থু বাহিৰানং খন্ধানং পুৰেজাতপচ্চযেন পচ্চযো. (১)

বাহিৰো ধম্মো অজ্ঝত্তিকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – ৰূপে…পে… ফোট্ঠব্বে… ৱত্থুং অনিচ্চতো…পে… তং আৰব্ভ চিত্তং উপ্পজ্জতি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৱত্থুপুৰেজাতং – ৱত্থু চিত্তস্স পুৰেজাতপচ্চযেন পচ্চযো. (২)

বাহিৰো ধম্মো অজ্ঝত্তিকস্স চ বাহিৰস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – ৰূপে…পে… ফোট্ঠব্বে… ৱত্থুং অনিচ্চতো…পে… তং আৰব্ভ চিত্তঞ্চ সম্পযুত্তকা খন্ধা চ উপ্পজ্জন্তি. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৱত্থুপুৰেজাতং – ৱত্থু চিত্তস্স সম্পযুত্তকানঞ্চ খন্ধানং পুৰেজাতপচ্চযেন পচ্চযো. (৩)

৩৪৭. অজ্ঝত্তিকো চ বাহিৰো চ ধম্মা অজ্ঝত্তিকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. চক্খাযতনঞ্চ ৱত্থু চ চিত্তস্স…পে… কাযাযতনঞ্চ ৱত্থু চ চিত্তস্স পুৰেজাতপচ্চযেন পচ্চযো; ৰূপাযতনঞ্চ চক্খাযতনঞ্চ চক্খুৱিঞ্ঞাণস্স…পে… ফোট্ঠব্বাযতনঞ্চ কাযাযতনঞ্চ কাযৱিঞ্ঞাণস্স পুৰেজাতপচ্চযেন পচ্চযো. (১)

অজ্ঝত্তিকো চ বাহিৰো চ ধম্মা বাহিৰস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. চক্খাযতনঞ্চ ৱত্থু চ বাহিৰানং খন্ধানং পুৰেজাতপচ্চযেন পচ্চযো…পে… কাযাযতনঞ্চ ৱত্থু চ বাহিৰানং খন্ধানং পুৰেজাতপচ্চযেন পচ্চযো; ৰূপাযতনঞ্চ চক্খাযতনঞ্চ চক্খুৱিঞ্ঞাণসহগতানং খন্ধানং পুৰেজাতপচ্চযেন পচ্চযো…পে… ফোট্ঠব্বাযতনঞ্চ কাযাযতনঞ্চ কাযৱিঞ্ঞাণসহগতানং খন্ধানং পুৰেজাতপচ্চযেন পচ্চযো. (২)

অজ্ঝত্তিকো চ বাহিৰো চ ধম্মা অজ্ঝত্তিকস্স চ বাহিৰস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. চক্খাযতনঞ্চ ৱত্থু চ চিত্তস্স সম্পযুত্তকানঞ্চ খন্ধানং পুৰেজাতপচ্চযেন পচ্চযো…পে… কাযাযতনঞ্চ ৱত্থু চ…পে… ৰূপাযতনঞ্চ চক্খাযতনঞ্চ চক্খুৱিঞ্ঞাণস্স সম্পযুত্তকানঞ্চ খন্ধানং পুৰেজাতপচ্চযেন পচ্চযো…পে… ফোট্ঠব্বাযতনঞ্চ…পে…. (৩)

পচ্ছাজাতাসেৱনপচ্চযা

৩৪৮. অজ্ঝত্তিকো ধম্মো অজ্ঝত্তিকস্স ধম্মস্স পচ্ছাজাতপচ্চযেন পচ্চযো – পচ্ছাজাতা অজ্ঝত্তিকা খন্ধা পুৰেজাতস্স ইমস্স অজ্ঝত্তিকস্স কাযস্স পচ্ছাজাতপচ্চযেন পচ্চযো. (মূলং কাতব্বং) পচ্ছাজাতা অজ্ঝত্তিকা খন্ধা পুৰেজাতস্স ইমস্স বাহিৰস্স কাযস্স পচ্ছাজাতপচ্চযেন পচ্চযো. (মূলং কাতব্বং) পচ্ছাজাতা অজ্ঝত্তিকা খন্ধা পুৰেজাতস্স ইমস্স অজ্ঝত্তিকস্স চ বাহিৰস্স চ কাযস্স পচ্ছাজাতপচ্চযেন পচ্চযো (এৱং নৱপি পঞ্হা কাতব্বা), আসেৱনপচ্চযেন পচ্চযো (নৱ পঞ্হা কাতব্বা).

কম্ম-ৱিপাকপচ্চযা

৩৪৯. বাহিৰো ধম্মো বাহিৰস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – বাহিৰা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – বাহিৰা চেতনা ৱিপাকানং বাহিৰানং খন্ধানং কটত্তা চ ৰূপানং কম্মপচ্চযেন পচ্চযো. (১)

বাহিৰো ধম্মো অজ্ঝত্তিকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – বাহিৰা চেতনা চিত্তস্স কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – বাহিৰা চেতনা ৱিপাকস্স চিত্তস্স অজ্ঝত্তিকানঞ্চ কটত্তাৰূপানং কম্মপচ্চযেন পচ্চযো. (২)

বাহিৰো ধম্মো অজ্ঝত্তিকস্স চ বাহিৰস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – বাহিৰা চেতনা সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – বাহিৰা চেতনা ৱিপাকানং খন্ধানং চিত্তস্স চ অজ্ঝত্তিকানঞ্চ বাহিৰানঞ্চ কটত্তাৰূপানং কম্মপচ্চযেন পচ্চযো. (৩) ৱিপাকপচ্চযেন পচ্চযো… নৱ.

আহাৰপচ্চযো

৩৫০. অজ্ঝত্তিকো ধম্মো অজ্ঝত্তিকস্স ধম্মস্স আহাৰপচ্চযেন পচ্চযো – পটিসন্ধিক্খণে অজ্ঝত্তিকা আহাৰা অজ্ঝত্তিকানং কটত্তাৰূপানং আহাৰপচ্চযেন পচ্চযো. (১)

অজ্ঝত্তিকো ধম্মো বাহিৰস্স ধম্মস্স আহাৰপচ্চযেন পচ্চযো – অজ্ঝত্তিকা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে অজ্ঝত্তিকা আহাৰা সম্পযুত্তকানং খন্ধানং বাহিৰানঞ্চ কটত্তাৰূপানং আহাৰপচ্চযেন পচ্চযো. (মূলং কাতব্বং) পটিসন্ধিক্খণে অজ্ঝত্তিকা আহাৰা সম্পযুত্তকানং খন্ধানং অজ্ঝত্তিকানঞ্চ বাহিৰানঞ্চ কটত্তাৰূপানং আহাৰপচ্চযেন পচ্চযো. (৩)

৩৫১. বাহিৰো ধম্মো বাহিৰস্স ধম্মস্স আহাৰপচ্চযেন পচ্চযো – বাহিৰা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে…পে… বাহিৰো কবড়ীকাৰো আহাৰো বাহিৰস্স কাযস্স আহাৰপচ্চযেন পচ্চযো. (১)

বাহিৰো ধম্মো অজ্ঝত্তিকস্স ধম্মস্স আহাৰপচ্চযেন পচ্চযো – বাহিৰা আহাৰা চিত্তস্স আহাৰপচ্চযেন পচ্চযো; পটিসন্ধিক্খণে বাহিৰা আহাৰা চিত্তস্স অজ্ঝত্তিকানঞ্চ কটত্তাৰূপানং আহাৰপচ্চযেন পচ্চযো; বাহিৰো কবড়ীকাৰো আহাৰো অজ্ঝত্তিকস্স কাযস্স আহাৰপচ্চযেন পচ্চযো. (২)

বাহিৰো ধম্মো অজ্ঝত্তিকস্স চ বাহিৰস্স চ ধম্মস্স আহাৰপচ্চযেন পচ্চযো – বাহিৰা আহাৰা সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে বাহিৰা আহাৰা সম্পযুত্তকানং খন্ধানং চিত্তস্স চ অজ্ঝত্তিকানঞ্চ বাহিৰানঞ্চ কটত্তাৰূপানং আহাৰপচ্চযেন পচ্চযো; বাহিৰো কবড়ীকাৰো আহাৰো অজ্ঝত্তিকস্স চ বাহিৰস্স চ কাযস্স আহাৰপচ্চযেন পচ্চযো. (৩)

৩৫২. অজ্ঝত্তিকো চ বাহিৰো চ ধম্মা অজ্ঝত্তিকস্স ধম্মস্স আহাৰপচ্চযেন পচ্চযো – পটিসন্ধিক্খণে অজ্ঝত্তিকা চ বাহিৰা চ আহাৰা অজ্ঝত্তিকানং কটত্তাৰূপানং আহাৰপচ্চযেন পচ্চযো. (১)

অজ্ঝত্তিকো চ বাহিৰো চ ধম্মা বাহিৰস্স ধম্মস্স আহাৰপচ্চযেন পচ্চযো – অজ্ঝত্তিকা চ বাহিৰা চ আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে অজ্ঝত্তিকা চ বাহিৰা চ আহাৰা সম্পযুত্তকানং খন্ধানং বাহিৰানঞ্চ কটত্তাৰূপানং আহাৰপচ্চযেন পচ্চযো. (২)

অজ্ঝত্তিকো চ বাহিৰো চ ধম্মা অজ্ঝত্তিকস্স চ বাহিৰস্স চ ধম্মস্স আহাৰপচ্চযেন পচ্চযো – পটিসন্ধিক্খণে অজ্ঝত্তিকা চ বাহিৰা চ আহাৰা সম্পযুত্তকানং খন্ধানং অজ্ঝত্তিকানঞ্চ বাহিৰানঞ্চ কটত্তাৰূপানং আহাৰপচ্চযেন পচ্চযো. (৩)

ইন্দ্ৰিযপচ্চযো

৩৫৩. অজ্ঝত্তিকো ধম্মো অজ্ঝত্তিকস্স ধম্মস্স ইন্দ্ৰিযপচ্চযেন পচ্চযো – পটিসন্ধিক্খণে অজ্ঝত্তিকা ইন্দ্ৰিযা অজ্ঝত্তিকানং কটত্তাৰূপানং ইন্দ্ৰিযপচ্চযেন পচ্চযো, চক্খুন্দ্ৰিযং চক্খুৱিঞ্ঞাণস্স…পে… কাযিন্দ্ৰিযং কাযৱিঞ্ঞাণস্স ইন্দ্ৰিযপচ্চযেন পচ্চযো. (১)

অজ্ঝত্তিকো ধম্মো বাহিৰস্স ধম্মস্স ইন্দ্ৰিযপচ্চযেন পচ্চযো – অজ্ঝত্তিকা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো; পটিসন্ধিক্খণে অজ্ঝত্তিকা ইন্দ্ৰিযা সম্পযুত্তকানং খন্ধানং বাহিৰানঞ্চ কটত্তাৰূপানং ইন্দ্ৰিযপচ্চযেন পচ্চযো, চক্খুন্দ্ৰিযং চক্খুৱিঞ্ঞাণসহগতানং খন্ধানং…পে… কাযিন্দ্ৰিযং কাযৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো. (২)

অজ্ঝত্তিকো ধম্মো অজ্ঝত্তিকস্স চ বাহিৰস্স চ ধম্মস্স ইন্দ্ৰিযপচ্চযেন পচ্চযো – পটিসন্ধিক্খণে অজ্ঝত্তিকা ইন্দ্ৰিযা সম্পযুত্তকানং খন্ধানং অজ্ঝত্তিকানঞ্চ বাহিৰানঞ্চ কটত্তাৰূপানং ইন্দ্ৰিযপচ্চযেন পচ্চযো, চক্খুন্দ্ৰিযং চক্খুৱিঞ্ঞাণস্স সম্পযুত্তকানঞ্চ খন্ধানং…পে… কাযিন্দ্ৰিযং কাযৱিঞ্ঞাণস্স সম্পযুত্তকানঞ্চ খন্ধানং ইন্দ্ৰিযপচ্চযেন পচ্চযো. (৩)

৩৫৪. বাহিৰো ধম্মো বাহিৰস্স ধম্মস্স ইন্দ্ৰিযপচ্চযেন পচ্চযো – বাহিৰা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো; পটিসন্ধিক্খণে বাহিৰা ইন্দ্ৰিযা সম্পযুত্তকানং খন্ধানং বাহিৰানঞ্চ কটত্তাৰূপানং ইন্দ্ৰিযপচ্চযেন পচ্চযো, ৰূপজীৱিতিন্দ্ৰিযং বাহিৰানং কটত্তাৰূপানং ইন্দ্ৰিযপচ্চযেন পচ্চযো. (১)

বাহিৰো ধম্মো অজ্ঝত্তিকস্স ধম্মস্স ইন্দ্ৰিযপচ্চযেন পচ্চযো – বাহিৰা ইন্দ্ৰিযা চিত্তস্স ইন্দ্ৰিযপচ্চযেন পচ্চযো; পটিসন্ধিক্খণে বাহিৰা ইন্দ্ৰিযা চিত্তস্স অজ্ঝত্তিকানঞ্চ কটত্তাৰূপানং ইন্দ্ৰিযপচ্চযেন পচ্চযো, ৰূপজীৱিতিন্দ্ৰিযং অজ্ঝত্তিকানং কটত্তাৰূপানং ইন্দ্ৰিযপচ্চযেন পচ্চযো. (২)

বাহিৰো ধম্মো অজ্ঝত্তিকস্স চ বাহিৰস্স চ ধম্মস্স ইন্দ্ৰিযপচ্চযেন পচ্চযো – বাহিৰা ইন্দ্ৰিযা সম্পযুত্তকানং খন্ধানং চিত্তস্স চ চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো; পটিসন্ধিক্খণে বাহিৰা ইন্দ্ৰিযা সম্পযুত্তকানং খন্ধানং চিত্তস্স চ অজ্ঝত্তিকানঞ্চ বাহিৰানঞ্চ কটত্তাৰূপানং ইন্দ্ৰিযপচ্চযেন পচ্চযো, ৰূপজীৱিতিন্দ্ৰিযং অজ্ঝত্তিকানঞ্চ বাহিৰানঞ্চ কটত্তাৰূপানং ইন্দ্ৰিযপচ্চযেন পচ্চযো. (৩)

৩৫৫. অজ্ঝত্তিকো চ বাহিৰো চ ধম্মা অজ্ঝত্তিকস্স ধম্মস্স ইন্দ্ৰিযপচ্চযেন পচ্চযো – পটিসন্ধিক্খণে অজ্ঝত্তিকা চ বাহিৰা চ ইন্দ্ৰিযা অজ্ঝত্তিকানং কটত্তাৰূপানং ইন্দ্ৰিযপচ্চযেন পচ্চযো, চক্খুন্দ্ৰিযঞ্চ উপেক্খিন্দ্ৰিযঞ্চ চক্খুৱিঞ্ঞাণস্স ইন্দ্ৰিযপচ্চযেন পচ্চযো…পে… কাযিন্দ্ৰিযঞ্চ সুখিন্দ্ৰিযং চ…পে… কাযিন্দ্ৰিযঞ্চ দুক্খিন্দ্ৰিযঞ্চ কাযৱিঞ্ঞাণস্স ইন্দ্ৰিযপচ্চযেন পচ্চযো. (১)

অজ্ঝত্তিকো চ বাহিৰো চ ধম্মা বাহিৰস্স ধম্মস্স ইন্দ্ৰিযপচ্চযেন পচ্চযো – অজ্ঝত্তিকা চ বাহিৰা চ ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো; পটিসন্ধিক্খণে অজ্ঝত্তিকা চ বাহিৰা চ ইন্দ্ৰিযা সম্পযুত্তকানং খন্ধানং বাহিৰানঞ্চ কটত্তাৰূপানং ইন্দ্ৰিযপচ্চযেন পচ্চযো, চক্খুন্দ্ৰিযঞ্চ উপেক্খিন্দ্ৰিযঞ্চ চক্খুৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো…পে… কাযিন্দ্ৰিযঞ্চ সুখিন্দ্ৰিযঞ্চ…পে… কাযিন্দ্ৰিযঞ্চ দুক্খিন্দ্ৰিযঞ্চ কাযৱিঞ্ঞাণসহগতানং খন্ধানং ইন্দ্ৰিযপচ্চযেন পচ্চযো. (২)

অজ্ঝত্তিকো চ বাহিৰো চ ধম্মা অজ্ঝত্তিকস্স চ বাহিৰস্স চ ধম্মস্স ইন্দ্ৰিযপচ্চযেন পচ্চযো – পটিসন্ধিক্খণে অজ্ঝত্তিকা চ বাহিৰা চ ইন্দ্ৰিযা সম্পযুত্তকানং খন্ধানং অজ্ঝত্তিকানঞ্চ বাহিৰানঞ্চ কটত্তাৰূপানং ইন্দ্ৰিযপচ্চযেন পচ্চযো, চক্খুন্দ্ৰিযঞ্চ উপেক্খিন্দ্ৰিযঞ্চ চক্খুৱিঞ্ঞাণস্স সম্পযুত্তকানঞ্চ খন্ধানং ইন্দ্ৰিযপচ্চযেন পচ্চযো… কাযিন্দ্ৰিযঞ্চ…পে…. (৩)

ঝানপচ্চযাদি

৩৫৬. বাহিৰো ধম্মো বাহিৰস্স ধম্মস্স ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… পঞ্চ.

ৱিপ্পযুত্তপচ্চযো

৩৫৭. অজ্ঝত্তিকো ধম্মো অজ্ঝত্তিকস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতং – পটিসন্ধিক্খণে চিত্তং অজ্ঝত্তিকানং কটত্তাৰূপানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স ৱিপ্পযুত্তপচ্চযেন পচ্চযো. পচ্ছাজাতা – অজ্ঝত্তিকা খন্ধা পুৰেজাতস্স ইমস্স অজ্ঝত্তিকস্স কাযস্স ৱিপ্পযুত্তপচ্চযেন পচ্চযো. (১)

অজ্ঝত্তিকো ধম্মো বাহিৰস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – অজ্ঝত্তিকা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে…পে…. পুৰেজাতং – চক্খাযতনং চক্খুৱিঞ্ঞাণসহগতানং খন্ধানং…পে… কাযাযতনং কাযৱিঞ্ঞাণসহগতানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – অজ্ঝত্তিকা খন্ধা পুৰেজাতস্স ইমস্স বাহিৰস্স কাযস্স ৱিপ্পযুত্তপচ্চযেন পচ্চযো. (২)

অজ্ঝত্তিকো ধম্মো অজ্ঝত্তিকস্স চ বাহিৰস্স চ ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – পটিসন্ধিক্খণে অজ্ঝত্তিকা খন্ধা অজ্ঝত্তিকানঞ্চ বাহিৰানঞ্চ কটত্তাৰূপানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স সম্পযুত্তকানঞ্চ খন্ধানং…পে… কাযাযতনং কাযৱিঞ্ঞাণস্স সম্পযুত্তকানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – অজ্ঝত্তিকা খন্ধা পুৰেজাতস্স ইমস্স অজ্ঝত্তিকস্স চ বাহিৰস্স চ কাযস্স ৱিপ্পযুত্তপচ্চযেন পচ্চযো. (৩)

৩৫৮. বাহিৰো ধম্মো বাহিৰস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – বাহিৰা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে…পে… খন্ধা ৱত্থুস্স ৱিপ্পযুত্তপচ্চযেন পচ্চযো; ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – ৱত্থু বাহিৰানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – বাহিৰা খন্ধা পুৰেজাতস্স ইমস্স বাহিৰস্স কাযস্স ৱিপ্পযুত্তপচ্চযেন পচ্চযো. (১)

বাহিৰো ধম্মো অজ্ঝত্তিকস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – পটিসন্ধিক্খণে বাহিৰা খন্ধা অজ্ঝত্তিকানং কটত্তাৰূপানং ৱিপ্পযুত্তপচ্চযেন পচ্চযো; পটিসন্ধিক্খণে ৱত্থু চিত্তস্স ৱিপ্পযুত্তপচ্চযেন পচ্চযো. পুৰেজাতং – ৱত্থু চিত্তস্স ৱিপ্পযুত্তপচ্চযেন পচ্চযো. পচ্ছাজাতা – বাহিৰা খন্ধা পুৰেজাতস্স ইমস্স অজ্ঝত্তিকস্স কাযস্স ৱিপ্পযুত্তপচ্চযেন পচ্চযো. (২)

বাহিৰো ধম্মো অজ্ঝত্তিকস্স চ বাহিৰস্স চ ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). (৩)

৩৫৯. অজ্ঝত্তিকো চ বাহিৰো চ ধম্মা অজ্ঝত্তিকস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – পটিসন্ধিক্খণে অজ্ঝত্তিকা চ বাহিৰা চ খন্ধা অজ্ঝত্তিকানং কটত্তাৰূপানং ৱিপ্পযুত্তপচ্চযেন পচ্চযো. পচ্ছাজাতং – পচ্ছাজাতা…পে… (সংখিত্তং). (১)

অজ্ঝত্তিকো চ বাহিৰো চ ধম্মা বাহিৰস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (২)

অজ্ঝত্তিকো চ বাহিৰো চ ধম্মা অজ্ঝত্তিকস্স চ বাহিৰস্স চ ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – পটিসন্ধিক্খণে অজ্ঝত্তিকা চ বাহিৰা চ খন্ধা…পে… (সংখিত্তং). (৩)

অত্থিপচ্চযাদি

৩৬০. অজ্ঝত্তিকো ধম্মো অজ্ঝত্তিকস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – পটিসন্ধিক্খণে চিত্তং অজ্ঝত্তিকানং কটত্তাৰূপানং অত্থিপচ্চযেন পচ্চযো. পুৰেজাতং – চক্খুং…পে… কাযং অনিচ্চতো…পে… (পুৰেজাতসদিসং, নিন্নানাকৰণং). পচ্ছাজাতং (পচ্ছাজাতসদিসং কাতব্বং). (১)

অজ্ঝত্তিকো ধম্মো বাহিৰস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতং – সহজাতা অজ্ঝত্তিকা খন্ধা সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো (সংখিত্তং). (২)

(ইধ অত্থি সব্বট্ঠানে সহজাতং পচ্চযৱাৰসদিসং. পুৰেজাতং পুৰেজাতসদিসং. পচ্ছাজাতং পচ্ছাজাতসদিসং কাতব্বং, নিন্নানাকৰণং).

অজ্ঝত্তিকো ধম্মো অজ্ঝত্তিকস্স চ বাহিৰস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). (৩)

৩৬১. বাহিৰো ধম্মো বাহিৰস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সব্বং ৱিত্থাৰেতব্বং). (১)

বাহিৰো ধম্মো অজ্ঝত্তিকস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). (২)

বাহিৰো ধম্মো অজ্ঝত্তিকস্স চ বাহিৰস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). (৩)

৩৬২. অজ্ঝত্তিকো চ বাহিৰো চ ধম্মা অজ্ঝত্তিকস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতা – চক্খুৱিঞ্ঞাণসহগতা খন্ধা চ চক্খাযতনঞ্চ চক্খুৱিঞ্ঞাণসহগতা খন্ধা চ চক্খাযতনঞ্চ চক্খুৱিঞ্ঞাণস্স অত্থিপচ্চযেন পচ্চযো…পে… কাযৱিঞ্ঞাণসহগতা খন্ধা চ…পে… পটিসন্ধিক্খণে অজ্ঝত্তিকা চ বাহিৰা চ খন্ধা অজ্ঝত্তিকানং কটত্তাৰূপানং অত্থিপচ্চযেন পচ্চযো. পুৰেজাতং – চক্খাযতনঞ্চ ৱত্থু চ চিত্তস্স অত্থিপচ্চযেন পচ্চযো…পে… কাযাযতনঞ্চ ৱত্থু চ চিত্তস্স অত্থিপচ্চযেন পচ্চযো; ৰূপাযতনঞ্চ চক্খাযতনঞ্চ চক্খুৱিঞ্ঞাণস্স…পে… ফোট্ঠব্বাযতনঞ্চ কাযাযতনঞ্চ কাযৱিঞ্ঞাণস্স অত্থিপচ্চযেন পচ্চযো. পচ্ছাজাতা – অজ্ঝত্তিকা চ বাহিৰা চ খন্ধা পুৰেজাতস্স ইমস্স অজ্ঝত্তিকস্স কাযস্স অত্থিপচ্চযেন পচ্চযো. পচ্ছাজাতা – অজ্ঝত্তিকা চ বাহিৰা চ খন্ধা কবড়ীকাৰো আহাৰো চ ইমস্স অজ্ঝত্তিকস্স কাযস্স অত্থিপচ্চযেন পচ্চযো. পচ্ছাজাতা – অজ্ঝত্তিকা চ বাহিৰা চ খন্ধা ৰূপজীৱিতিন্দ্ৰিযঞ্চ অজ্ঝত্তিকানং কটত্তাৰূপানং অত্থিপচ্চযেন পচ্চযো. (১)

অজ্ঝত্তিকো চ বাহিৰো চ ধম্মা বাহিৰস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – চক্খুৱিঞ্ঞাণসহগতো একো খন্ধো চ চক্খাযতনঞ্চ চক্খুৱিঞ্ঞাণঞ্চ দ্ৱিন্নং খন্ধানং অত্থিপচ্চযেন পচ্চযো…পে… (সহজাতপচ্চযৱাৰসদিসং নিন্নানাকৰণং, পঠমগমনসদিসংযেৱ. সব্বে পদা পঠমঘটনানযেন ৱিভজিতব্বা). (২)

অজ্ঝত্তিকো চ বাহিৰো চ ধম্মা অজ্ঝত্তিকস্স চ বাহিৰস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – চক্খুৱিঞ্ঞাণসহগতো একো খন্ধো চ চক্খাযতনঞ্চ দ্ৱিন্নং খন্ধানং চক্খুৱিঞ্ঞাণস্স চ অত্থিপচ্চযেন পচ্চযো (সংখিত্তং. সব্বে পদা ৱিভজিতব্বা পঠমঘটনানযেন). (৩)

নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো.