১-৪. পচ্চযানুলোমাদি

৩৩৯. অজ্ঝত্তিকং ধম্মং সংসট্ঠো বাহিৰো ধম্মো উপ্পজ্জতি হেতুপচ্চযা – চিত্তং সংসট্ঠা সম্পযুত্তকা খন্ধা; পটিসন্ধিক্খণে চিত্তং সংসট্ঠা সম্পযুত্তকা খন্ধা. (১)

বাহিৰং ধম্মং সংসট্ঠো বাহিৰো ধম্মো উপ্পজ্জতি হেতুপচ্চযা – বাহিৰং একং খন্ধং সংসট্ঠা দ্ৱে খন্ধা, দ্ৱে খন্ধে…পে… পটিসন্ধিক্খণে…পে…. বাহিৰং ধম্মং সংসট্ঠো অজ্ঝত্তিকো ধম্মো উপ্পজ্জতি হেতুপচ্চযা – বাহিৰে খন্ধে সংসট্ঠং চিত্তং; পটিসন্ধিক্খণে…পে…. বাহিৰং ধম্মং সংসট্ঠো অজ্ঝত্তিকো চ বাহিৰো চ ধম্মা উপ্পজ্জন্তি হেতুপচ্চযা – বাহিৰং একং খন্ধং সংসট্ঠা দ্ৱে খন্ধা চিত্তঞ্চ, দ্ৱে খন্ধে…পে… পটিসন্ধিক্খণে…পে…. (৩)

অজ্ঝত্তিকঞ্চ বাহিৰঞ্চ ধম্মং সংসট্ঠো বাহিৰো ধম্মো উপ্পজ্জতি হেতুপচ্চযা – বাহিৰং একং খন্ধঞ্চ চিত্তঞ্চ সংসট্ঠা দ্ৱে খন্ধা, দ্ৱে খন্ধে…পে… পটিসন্ধিক্খণে…পে… (সংখিত্তং). হেতুযা পঞ্চ, আৰম্মণে পঞ্চ, অধিপতিযা পঞ্চ (সব্বত্থ পঞ্চ), অৱিগতে পঞ্চ (অনুলোমং).

অজ্ঝত্তিকং ধম্মং সংসট্ঠো বাহিৰো ধম্মো উপ্পজ্জতি নহেতুপচ্চযা (এৱং পঞ্চ কাতব্বা, তীণিযেৱ মোহো).

নহেতুযা পঞ্চ, নঅধিপতিযা পঞ্চ, নপুৰেজাতে পঞ্চ, নপচ্ছাজাতে পঞ্চ, নআসেৱনে পঞ্চ, নকম্মে তীণি, নৱিপাকে পঞ্চ, নঝানে পঞ্চ, নমগ্গে পঞ্চ, নৱিপ্পযুত্তে পঞ্চ (পচ্চনীযং).