১. ৱিভঙ্গৱাৰো

হেতুপচ্চযো

৩১৮. অজ্ঝত্তিকং ধম্মং পটিচ্চ অজ্ঝত্তিকো ধম্মো উপ্পজ্জতি হেতুপচ্চযা – পটিসন্ধিক্খণে চিত্তং পটিচ্চ অজ্ঝত্তিকং কটত্তাৰূপং. (১)

অজ্ঝত্তিকং ধম্মং পটিচ্চ বাহিৰো ধম্মো উপ্পজ্জতি হেতুপচ্চযা – চিত্তং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং; পটিসন্ধিক্খণে চিত্তং পটিচ্চ সম্পযুত্তকা খন্ধা বাহিৰং কটত্তা চ ৰূপং. (২)

অজ্ঝত্তিকং ধম্মং পটিচ্চ অজ্ঝত্তিকো চ বাহিৰো চ ধম্মা উপ্পজ্জন্তি হেতুপচ্চযা – পটিসন্ধিক্খণে চিত্তং পটিচ্চ সম্পযুত্তকা খন্ধা অজ্ঝত্তিকঞ্চ বাহিৰঞ্চ কটত্তাৰূপং. (৩)

৩১৯. বাহিৰং ধম্মং পটিচ্চ বাহিৰো ধম্মো উপ্পজ্জতি হেতুপচ্চযা – বাহিৰং একং খন্ধং পটিচ্চ দ্ৱে খন্ধা চিত্তসমুট্ঠানঞ্চ ৰূপং, দ্ৱে খন্ধে…পে… পটিসন্ধিক্খণে বাহিৰং একং খন্ধং পটিচ্চ দ্ৱে খন্ধা বাহিৰং কটত্তা চ ৰূপং, দ্ৱে খন্ধে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

বাহিৰং ধম্মং পটিচ্চ অজ্ঝত্তিকো ধম্মো উপ্পজ্জতি হেতুপচ্চযা – বাহিৰে খন্ধে পটিচ্চ চিত্তং; পটিসন্ধিক্খণে বাহিৰে খন্ধে পটিচ্চ চিত্তং অজ্ঝত্তিকং কটত্তা চ ৰূপং, পটিসন্ধিক্খণে বাহিৰং ৱত্থুং পটিচ্চ চিত্তং. (২)

বাহিৰং ধম্মং পটিচ্চ অজ্ঝত্তিকো চ বাহিৰো চ ধম্মা উপ্পজ্জন্তি হেতুপচ্চযা – বাহিৰং একং খন্ধং পটিচ্চ দ্ৱে খন্ধা চিত্তঞ্চ চিত্তসমুট্ঠানঞ্চ ৰূপং, দ্ৱে খন্ধে…পে… পটিসন্ধিক্খণে বাহিৰং একং খন্ধং পটিচ্চ দ্ৱে খন্ধা চিত্তঞ্চ অজ্ঝত্তিকঞ্চ বাহিৰঞ্চ কটত্তাৰূপং, দ্ৱে খন্ধে…পে… পটিসন্ধিক্খণে ৱত্থুং পটিচ্চ চিত্তং সম্পযুত্তকা চ খন্ধা. (৩)

৩২০. অজ্ঝত্তিকঞ্চ বাহিৰঞ্চ ধম্মং পটিচ্চ অজ্ঝত্তিকো ধম্মো উপ্পজ্জতি হেতুপচ্চযা – পটিসন্ধিক্খণে চিত্তঞ্চ সম্পযুত্তকে চ খন্ধে পটিচ্চ অজ্ঝত্তিকং কটত্তাৰূপং. (১)

অজ্ঝত্তিকঞ্চ বাহিৰঞ্চ ধম্মং পটিচ্চ বাহিৰো ধম্মো উপ্পজ্জতি হেতুপচ্চযা – বাহিৰং একং খন্ধঞ্চ চিত্তঞ্চ পটিচ্চ দ্ৱে খন্ধা চিত্তসমুট্ঠানঞ্চ ৰূপং, দ্ৱে খন্ধে চ…পে… চিত্তঞ্চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে বাহিৰং একং খন্ধঞ্চ চিত্তঞ্চ পটিচ্চ দ্ৱে খন্ধা বাহিৰং কটত্তা চ ৰূপং, দ্ৱে খন্ধে চ…পে… চিত্তঞ্চ মহাভূতে চ পটিচ্চ বাহিৰং কটত্তাৰূপং, পটিসন্ধিক্খণে চিত্তঞ্চ ৱত্থুঞ্চ পটিচ্চ বাহিৰা খন্ধা. (২)

অজ্ঝত্তিকঞ্চ বাহিৰঞ্চ ধম্মং পটিচ্চ অজ্ঝত্তিকো চ বাহিৰো চ ধম্মা উপ্পজ্জন্তি হেতুপচ্চযা – পটিসন্ধিক্খণে বাহিৰং একং খন্ধঞ্চ চিত্তঞ্চ পটিচ্চ দ্ৱে খন্ধা অজ্ঝত্তিকঞ্চ বাহিৰঞ্চ কটত্তাৰূপং, দ্ৱে খন্ধে চ…পে…. (৩)

আৰম্মণপচ্চযো

৩২১. অজ্ঝত্তিকং ধম্মং পটিচ্চ বাহিৰো ধম্মো উপ্পজ্জতি আৰম্মণপচ্চযা – চিত্তং পটিচ্চ সম্পযুত্তকা খন্ধা; পটিসন্ধিক্খণে চিত্তং পটিচ্চ সম্পযুত্তকা খন্ধা. (১)

বাহিৰং ধম্মং পটিচ্চ বাহিৰো ধম্মো উপ্পজ্জতি আৰম্মণপচ্চযা – বাহিৰং একং খন্ধং পটিচ্চ দ্ৱে খন্ধা, দ্ৱে খন্ধে…পে… পটিসন্ধিক্খণে…পে… ৱত্থুং পটিচ্চ খন্ধা. (১)

বাহিৰং ধম্মং পটিচ্চ অজ্ঝত্তিকো ধম্মো উপ্পজ্জতি আৰম্মণপচ্চযা – বাহিৰে খন্ধে পটিচ্চ চিত্তং; পটিসন্ধিক্খণে বাহিৰে খন্ধে পটিচ্চ চিত্তং, পটিসন্ধিক্খণে ৱত্থুং পটিচ্চ চিত্তং. (২)

বাহিৰং ধম্মং পটিচ্চ অজ্ঝত্তিকো চ বাহিৰো চ ধম্মা উপ্পজ্জন্তি আৰম্মণপচ্চযা – বাহিৰং একং খন্ধং পটিচ্চ দ্ৱে খন্ধা চিত্তঞ্চ, দ্ৱে খন্ধে…পে… পটিসন্ধিক্খণে বাহিৰং একং খন্ধং পটিচ্চ দ্ৱে খন্ধা চিত্তঞ্চ, দ্ৱে খন্ধে…পে… পটিসন্ধিক্খণে ৱত্থুং পটিচ্চ চিত্তং সম্পযুত্তকা চ খন্ধা. (৩)

অজ্ঝত্তিকঞ্চ বাহিৰঞ্চ ধম্মং পটিচ্চ বাহিৰো ধম্মো উপ্পজ্জতি আৰম্মণপচ্চযা – বাহিৰং একং খন্ধঞ্চ চিত্তঞ্চ পটিচ্চ দ্ৱে খন্ধা, দ্ৱে খন্ধে চ…পে… পটিসন্ধিক্খণে বাহিৰং একং খন্ধং চিত্তঞ্চ পটিচ্চ দ্ৱে খন্ধা, দ্ৱে খন্ধে চ…পে… পটিসন্ধিক্খণে বাহিৰং একং খন্ধঞ্চ চিত্তঞ্চ ৱত্থুঞ্চ পটিচ্চ দ্ৱে খন্ধা, দ্ৱে খন্ধে চ…পে… (সংখিত্তং). (১)