১. ৱিভঙ্গৱাৰো

হেতুপচ্চযো

২৮৯. চিত্তসংসট্ঠসমুট্ঠানং ধম্মং পচ্চযা চিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা (সংখিত্তং) তীণি (পটিচ্চৱাৰসদিসা).

নোচিত্তসংসট্ঠসমুট্ঠানং ধম্মং পচ্চযা নোচিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তং পচ্চযা চিত্তসমুট্ঠানং ৰূপং, ৱত্থুং পচ্চযা চিত্তং; পটিসন্ধিক্খণে…পে… (যাৱ মহাভূতা). (১)

নোচিত্তসংসট্ঠসমুট্ঠানং ধম্মং পচ্চযা চিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তং পচ্চযা সম্পযুত্তকা খন্ধা, ৱত্থুং পচ্চযা চিত্তসংসট্ঠসমুট্ঠানা খন্ধা (পটিসন্ধিক্খণে দ্ৱেপি কাতব্বা) তীণি. (৩)

২৯০. চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পচ্চযা চিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তসংসট্ঠসমুট্ঠানং একং খন্ধঞ্চ চিত্তঞ্চ পচ্চযা দ্ৱে খন্ধা, দ্ৱে খন্ধে চ…পে… চিত্তসংসট্ঠসমুট্ঠানং একং খন্ধঞ্চ ৱত্থুঞ্চ পচ্চযা দ্ৱে খন্ধা, দ্ৱে খন্ধে চ…পে… (পটিসন্ধিক্খণে দ্ৱেপি কাতব্বা). (১)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পচ্চযা নোচিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তসংসট্ঠসমুট্ঠানে খন্ধে চ চিত্তঞ্চ পচ্চযা নোচিত্তসংসট্ঠসমুট্ঠানং ৰূপং, চিত্তসংসট্ঠসমুট্ঠানে খন্ধে চ মহাভূতে চ পচ্চযা নোচিত্তসংসট্ঠসমুট্ঠানং ৰূপং, চিত্তসংসট্ঠসমুট্ঠানে খন্ধে চ ৱত্থুঞ্চ পচ্চযা চিত্তং (পটিসন্ধিক্খণে তীণিপি কাতব্বা). (২)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পচ্চযা চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি হেতুপচ্চযা – চিত্তসংসট্ঠসমুট্ঠানং একং খন্ধঞ্চ চিত্তঞ্চ পচ্চযা দ্ৱে খন্ধা চিত্তসংসট্ঠসমুট্ঠানঞ্চ ৰূপং, দ্ৱে খন্ধে…পে… চিত্তসংসট্ঠসমুট্ঠানং একং খন্ধঞ্চ ৱত্থুঞ্চ পচ্চযা দ্ৱে খন্ধা চিত্তঞ্চ, দ্ৱে খন্ধে…পে… (পটিসন্ধিক্খণে দ্ৱেপি কাতব্বা). (৩)

আৰম্মণপচ্চযো

২৯১. চিত্তসংসট্ঠসমুট্ঠানং ধম্মং পচ্চযা চিত্তসংসট্ঠসমুট্ঠানো ধম্মো উপ্পজ্জতি আৰম্মণপচ্চযা… তীণি (পটিচ্চসদিসা).

নোচিত্তসংসট্ঠসমুট্ঠানং ধম্মং পচ্চযা নোচিত্তসংসট্ঠসমুট্ঠানো ধম্মো উপ্পজ্জতি আৰম্মণপচ্চযা – চক্খাযতনং পচ্চযা চক্খুৱিঞ্ঞাণং…পে… কাযাযতনং…পে… ৱত্থুং পচ্চযা চিত্তং; পটিসন্ধিক্খণে…পে…. (১)

নোচিত্তসংসট্ঠসমুট্ঠানং ধম্মং পচ্চযা চিত্তসংসট্ঠসমুট্ঠানো ধম্মো উপ্পজ্জতি আৰম্মণপচ্চযা – চক্খাযতনং পচ্চযা চক্খুৱিঞ্ঞাণসহগতা খন্ধা…পে… কাযাযতনং…পে… চিত্তং পচ্চযা সম্পযুত্তকা খন্ধা, ৱত্থুং পচ্চযা চিত্তসংসট্ঠসমুট্ঠানা খন্ধা (পটিসন্ধিক্খণে দ্ৱেপি কাতব্বা). (২)

নোচিত্তসংসট্ঠসমুট্ঠানং ধম্মং পচ্চযা চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি আৰম্মণপচ্চযা – চক্খাযতনং পচ্চযা চক্খুৱিঞ্ঞাণং সম্পযুত্তকা চ খন্ধা…পে… কাযাযতনং…পে… ৱত্থুং পচ্চযা চিত্তং সম্পযুত্তকা চ খন্ধা (পটিসন্ধিক্খণে একং কাতব্বং). (৩)

২৯২. চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পচ্চযা চিত্তসংসট্ঠসমুট্ঠানো ধম্মো উপ্পজ্জতি আৰম্মণপচ্চযা – চক্খুৱিঞ্ঞাণসহগতং একং খন্ধঞ্চ চক্খাযতনঞ্চ চক্খুৱিঞ্ঞাণঞ্চ পচ্চযা দ্ৱে খন্ধা, দ্ৱে খন্ধে…পে… কাযৱিঞ্ঞাণসহগতং…পে… চিত্তসংসট্ঠসমুট্ঠানং একং খন্ধঞ্চ চিত্তঞ্চ পচ্চযা দ্ৱে খন্ধা, দ্ৱে খন্ধে…পে… চিত্তসংসট্ঠসমুট্ঠানং একং খন্ধঞ্চ ৱত্থুঞ্চ পচ্চযা দ্ৱে খন্ধা, দ্ৱে খন্ধে…পে… (পটিসন্ধিক্খণে দ্ৱে কাতব্বা). (১)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পচ্চযা নোচিত্তসংসট্ঠসমুট্ঠানো ধম্মো উপ্পজ্জতি আৰম্মণপচ্চযা – চক্খুৱিঞ্ঞাণসহগতে খন্ধে চ চক্খাযতনঞ্চ পচ্চযা চক্খুৱিঞ্ঞাণং …পে… কাযৱিঞ্ঞাণসহগতে…পে… চিত্তসংসট্ঠসমুট্ঠানে খন্ধে চ ৱত্থুঞ্চ পচ্চযা চিত্তং (পটিসন্ধিক্খণে একং কাতব্বং). (২)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পচ্চযা চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি আৰম্মণপচ্চযা – চিত্তসংসট্ঠসমুট্ঠানং একং খন্ধঞ্চ ৱত্থুঞ্চ পচ্চযা দ্ৱে খন্ধা চিত্তঞ্চ, দ্ৱে খন্ধে…পে… (পটিসন্ধিক্খণে একং কাতব্বং, সংখিত্তং). (৩)