১. ৱিভঙ্গৱাৰো

হেতুপচ্চযো

২৭৮. চিত্তসংসট্ঠসমুট্ঠানং ধম্মং পটিচ্চ চিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তসংসট্ঠসমুট্ঠানং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো; পটিসন্ধিক্খণে…পে…. (১)

চিত্তসংসট্ঠসমুট্ঠানং ধম্মং পটিচ্চ নোচিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তসংসট্ঠসমুট্ঠানে খন্ধে পটিচ্চ চিত্তং চিত্তসমুট্ঠানঞ্চ ৰূপং; পটিসন্ধিক্খণে চিত্তসংসট্ঠসমুট্ঠানে খন্ধে পটিচ্চ চিত্তং কটত্তা চ ৰূপং. (২)

চিত্তসংসট্ঠসমুট্ঠানং ধম্মং পটিচ্চ চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি হেতুপচ্চযা – চিত্তসংসট্ঠসমুট্ঠানং একং খন্ধং পটিচ্চ দ্ৱে খন্ধা চিত্তঞ্চ চিত্তসমুট্ঠানঞ্চ ৰূপং, দ্ৱে খন্ধে…পে… পটিসন্ধিক্খণে…পে…. (৩)

২৭৯. নোচিত্তসংসট্ঠসমুট্ঠানং ধম্মং পটিচ্চ নোচিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তং পটিচ্চ চিত্তসমুট্ঠানং ৰূপং; পটিসন্ধিক্খণে চিত্তং পটিচ্চ কটত্তাৰূপং, চিত্তং পটিচ্চ ৱত্থু, ৱত্থুং পটিচ্চ চিত্তং, একং মহাভূতং…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

নোচিত্তসংসট্ঠসমুট্ঠানং ধম্মং পটিচ্চ চিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তং পটিচ্চ সম্পযুত্তকা খন্ধা; পটিসন্ধিক্খণে চিত্তং পটিচ্চ সম্পযুত্তকা খন্ধা, পটিসন্ধিক্খণে ৱত্থুং পটিচ্চ চিত্তসংসট্ঠসমুট্ঠানা খন্ধা. (২)

নোচিত্তসংসট্ঠসমুট্ঠানং ধম্মং পটিচ্চ চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি হেতুপচ্চযা – চিত্তং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং; পটিসন্ধিক্খণে চিত্তং পটিচ্চ সম্পযুত্তকা খন্ধা কটত্তা চ ৰূপং, পটিসন্ধিক্খণে ৱত্থুং পটিচ্চ চিত্তং সম্পযুত্তকা চ খন্ধা. (৩)

২৮০. চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পটিচ্চ চিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তসংসট্ঠসমুট্ঠানং একং খন্ধঞ্চ চিত্তঞ্চ পটিচ্চ দ্ৱে খন্ধা, দ্ৱে খন্ধে…পে… পটিসন্ধিক্খণে চিত্তসংসট্ঠসমুট্ঠানং একং খন্ধঞ্চ চিত্তঞ্চ পটিচ্চ দ্ৱে খন্ধা, দ্ৱে খন্ধে…পে… পটিসন্ধিক্খণে চিত্তসংসট্ঠসমুট্ঠানং একং খন্ধঞ্চ ৱত্থুঞ্চ পটিচ্চ দ্ৱে খন্ধা, দ্ৱে খন্ধে…পে…. (১)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পটিচ্চ নোচিত্তসংসট্ঠসমুট্ঠানো ধম্মো উপ্পজ্জতি হেতুপচ্চযা – চিত্তসংসট্ঠসমুট্ঠানে খন্ধে চ চিত্তঞ্চ পটিচ্চ চিত্তসমুট্ঠানং ৰূপং, চিত্তসংসট্ঠসমুট্ঠানে খন্ধে চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে চিত্তসংসট্ঠসমুট্ঠানে খন্ধে চ চিত্তঞ্চ পটিচ্চ কটত্তাৰূপং, পটিসন্ধিক্খণে চিত্তসংসট্ঠসমুট্ঠানে খন্ধে চ মহাভূতে চ পটিচ্চ কটত্তাৰূপং, পটিসন্ধিক্খণে চিত্তসংসট্ঠসমুট্ঠানে খন্ধে চ ৱত্থুঞ্চ পটিচ্চ চিত্তং. (২)

চিত্তসংসট্ঠসমুট্ঠানঞ্চ নোচিত্তসংসট্ঠসমুট্ঠানঞ্চ ধম্মং পটিচ্চ চিত্তসংসট্ঠসমুট্ঠানো চ নোচিত্তসংসট্ঠসমুট্ঠানো চ ধম্মা উপ্পজ্জন্তি হেতুপচ্চযা – চিত্তসংসট্ঠসমুট্ঠানং একং খন্ধঞ্চ চিত্তঞ্চ পটিচ্চ দ্ৱে খন্ধা চিত্তসমুট্ঠানঞ্চ ৰূপং, দ্ৱে খন্ধে…পে… পটিসন্ধিক্খণে চিত্তসংসট্ঠসমুট্ঠানং একং খন্ধঞ্চ চিত্তঞ্চ পটিচ্চ দ্ৱে খন্ধা কটত্তা চ ৰূপং, দ্ৱে খন্ধে…পে… পটিসন্ধিক্খণে চিত্তসংসট্ঠসমুট্ঠানং একং খন্ধঞ্চ ৱত্থুঞ্চ পটিচ্চ দ্ৱে খন্ধা চিত্তঞ্চ, দ্ৱে খন্ধে…পে… (সংখিত্তং). (৩)